ഇന്ത്യൻ ഓഹരി വിപണി; ഇന്ന് നഷ്ടത്തിൽ തുടക്കം

ഇന്ത്യൻ സൂചികകൾ ഇന്ന് നഷ്ടത്തിൽ വ്യാപാരം ആരംഭിച്ചു. നിഫ്റ്റി ഇന്ന് 11300 ന് താഴെയാണ്. 09:16ന് സെൻസെക്സ് 227.14 പോയിൻറ് അഥവാ 0.59 ശതമാനം കുറഞ്ഞ് 38179.87 ലും നിഫ്റ്റി 62.90 പോയിൻറ് അഥവാ 0.56 ശതമാനം കുറഞ്ഞ് 11259.60ലുമാണ് വ്യാപാരം ആരംഭിച്ചത്. ഏകദേശം 493 ഓഹരികൾ രാവിലെ മുന്നേറിയപ്പോൾ 600 ഓഹരികൾ ഇടിഞ്ഞു. 56 ഓഹരികൾ മാറ്റമില്ലാതെ തുടർന്നു. ടെക് മഹീന്ദ്ര, എസ്ബിഐ, എം ആൻഡ് എം, ടിസിഎസ്, മാരുതി, ഇൻഫോസിസ് എന്നിവയാണ് സെൻസെക്സിൽ ഇന്ന് നേട്ടം കൈവരിക്കുന്ന ഓഹരികൾ.

ബജാജ് ഫിനാൻസ്, ബജാജ് ഫിൻസെർവ്, ആക്സിസ് ബാങ്ക്, ടാറ്റാ സ്റ്റീൽ, സൺ ഫാർമ, എൽടി എന്നിവയ്ക്കാണ് ഏറ്റവും കൂടുതൽ നഷ്ടം നേരിട്ടു കൊണ്ടിരിക്കുന്നത്. ഹിന്ദുസ്ഥാൻ സിങ്ക്, ഹിൻഡാൽകോ, വെൽസ്പൺ കോർപ്പറേഷൻ എന്നിവയുടെ നഷ്ടത്തെ തുടർന്ന് നിഫ്റ്റി മെറ്റൽ സൂചിക ഇന്ന് ഒരു ശതമാനം ഇടിഞ്ഞു. ഫിനാൻസ് ഓഹരികൾക്കാണ് ഇന്ന് ഏറ്റവും കൂടുതൽ നഷ്ടം നേരിട്ടു കൊണ്ടിരിക്കുന്നത്. എന്നാൽ ഓട്ടോ ഓഹരികൾ ഇന്ന് മികച്ച പ്രകടനം കാഴ്ച്ച വയ്ക്കുന്നുണ്ട്.

ഇന്ത്യൻ ഓഹരി വിപണി; ഇന്ന് നഷ്ടത്തിൽ തുടക്കം

വാണിജ്യ വാഹന കമ്പനിയായ അശോക് ലെയ്‌ലാൻഡ് ആദ്യ പാദ വരുമാനം ഇന്ന് പ്രഖ്യാപിക്കും. ഈ പാദത്തിൽ കമ്പനിക്ക് ദുർബലമായ വളർച്ചയാണ് പ്രതീക്ഷിക്കുന്നത്. വാൾസ്ട്രീറ്റിലെ ഇടിവിനെ തുടർന്ന് ഇന്ന് മിക്ക ഏഷ്യൻ വിപണികളും നഷ്ടത്തിലാണ്. ഇന്ന് ആഗോള എണ്ണ വില ഉയർന്നു.