സൂചികകൾ ഇന്ന് റെക്കോർഡ് ഉയരത്തിൽ നിന്ന് ഇന്ന് താഴേയ്ക്ക്

തിങ്കളാഴ്ച റെക്കോർഡ് ഉയരത്തിൽ ക്ലോസ് ചെയ്ത ബെഞ്ച്മാർക്ക് സൂചികകൾ ഇന്ന് നഷ്ടത്തിൽ വ്യാപാരം ആരംഭിച്ചു. ബാങ്കുകളും ധനകാര്യ ഓഹരികളും ഇന്ന് പിന്നിലാണ്. എങ്കിലും 49,000 മാർക്ക് നിലനിർത്താൻ സെൻസെക്‌സിന് കഴിഞ്ഞു. ഇൻഡസിൻഡ് ബാങ്ക്, കൊട്ടക് ബാങ്ക്, എച്ച്സിഎൽ ടെക്, ഏഷ്യൻ പെയിന്റ്, ഐസിഐസിഐ ബാങ്ക്, ടെക് മഹീന്ദ്ര എന്നിവയാണ് ഇന്ന് ഏറ്റവും കൂടുതൽ നഷ്ടം നേരിട്ടു കൊണ്ടിരിക്കുന്നത്.

stock market

അൾട്രാ സിമന്റ്, റിലയൻസ്, എൽടി, ഐടിസി, എം ആൻഡ് എം, ബജാജ് ഫിൻസെർവ് എന്നിവാണ് ഇന്ന് ഏറ്റവും കൂടുതൽ നേട്ടം കൈവരിക്കുന്ന ഓഹരികൾ. ഗെയിൽ, ടാറ്റ സ്റ്റീൽ എന്നിവയാണ് നിഫ്റ്റിയിൽ ഏറ്റവും കൂടുതൽ നേട്ടമുണ്ടാക്കുന്നത്. ഗെയിൽ ഓഹരികൾ 5.6% ഉയർന്നു. ടാറ്റ മോട്ടോഴ്‌സ് 5% ഉയർന്ന് 52 ആഴ്ചയിലെ ഏറ്റവും ഉയർന്ന നിലയിലെത്തി. 2020 കലണ്ടർ വർഷത്തിൽ ജെ‌എൽ‌ആർ റീട്ടെയിൽ വിൽ‌പന 425,974 യൂണിറ്റാണ്.

മേഖല സൂചികകളിൽ ബാങ്കിംഗ് സൂചിക 0.8 ശതമാനവും നിഫ്റ്റി ഐടി 0.6 ശതമാനവും നിഫ്റ്റി ഫിൻ സർവീസസ് 0.4 ശതമാനവും ഇടിഞ്ഞു. നിഫ്റ്റി മെറ്റൽ സൂചിക ഒരു ശതമാനം ഉയർന്നു. ഓട്ടോ, ഫാർമ മേഖലകളും ഇന്ന് നേട്ടത്തിലാണ്. ഗെയ്ൽ, ടാറ്റ മോട്ടോഴ്‌സ്, ടാറ്റാ സ്റ്റീൽ, ജെ‌എസ്‌ഡബ്ല്യു സ്റ്റീൽ, ഐഷർ മോട്ടോഴ്‌സ് എന്നിവയാണ് നിഫ്റ്റി 50 സൂചികയിൽ ഏറ്റവും കൂടുതൽ നേട്ടമുണ്ടാക്കുന്നത്.