സൂചികകൾ‌ പുതിയ ഉയരത്തിൽ; സെൻസെക്സ് 250 പോയിന്റ് ഉയ‍ർന്നു, നിഫ്റ്റി 14,200ന് മുകളിൽ

ഓഹരി വിപണി ഇന്ന് മികച്ച നേട്ടത്തിൽ വ്യാപാരം ആരംഭിച്ചു. സെൻസെക്സ്, നിഫ്റ്റി, മിഡ്കാപ്പ് സൂചിക എന്നിവ എക്കാലത്തെയും ഏറ്റവും ഉയർന്ന നിരക്കിലേക്ക് ഉയ‍ർന്നു. എസ് ആന്റ് പി ബിഎസ്ഇ സെൻസെക്സ് 250 പോയിൻറ് അഥവാ അര ശതമാനം ഉയ‍ർന്ന് 48,420 ലെവലിൽ എത്തി. ഓപ്പണിംഗ് ഡീലുകളിൽ സൂചിക 48,558 എന്ന പുതിയ നേട്ടം കൈവരിച്ചു.

നിഫ്റ്റി 50 സൂചികയും രാവിലെ 14,220 മാർക്കിനു മുകളിലാണ്. ഇൻഡസ്ഇൻഡ് ബാങ്കും ആക്സിസ് ബാങ്കും 2 ശതമാനം വീതം ഉയ‍ർന്നു. സ്റ്റേറ്റ് ബാങ്ക് ഓഫ് ഇന്ത്യ, ലാർസൻ ആൻഡ് ട്യൂബ്രോ, ഐസിഐസിഐ ബാങ്ക്, മഹീന്ദ്ര ആൻഡ് മഹീന്ദ്ര തുടങ്ങിയ ഓഹരികൾ 1 ശതമാനം വീതം നേട്ടം കൈവരിച്ചു.

സൂചികകൾ‌ പുതിയ ഉയരത്തിൽ; സെൻസെക്സ് 250 പോയിന്റ് ഉയ‍ർന്നു, നിഫ്റ്റി 14,200ന് മുകളിൽ

നിഫ്റ്റി മേഖലാ സൂചികകളെല്ലാം ഇന്ന് നേട്ടത്തിലാണ് വ്യാപാരം നടത്തുന്നത്. 2021 ഡിസംബർ 31 വരെ റിയൽ എസ്റ്റേറ്റ് പദ്ധതികളുടെ പ്രീമിയം പകുതിയായി കുറയ്ക്കാനുള്ള നിർദേശം മഹാരാഷ്ട്ര സർക്കാർ അംഗീകരിച്ചതിനെത്തുടർന്ന് റിയൽറ്റി ഓഹരികൾ മികച്ച നേട്ടം കൈവരിക്കുന്നുണ്ട്. അതിന്റെ ഫലമായി നിഫ്റ്റി റിയൽറ്റി സൂചിക 3 ശതമാനം ഉയർന്ന് നിഫ്റ്റി സൂചികകളിലെ മികച്ച നേട്ടമുണ്ടാക്കി.

അതേസമയം, നിഫ്റ്റി ബാങ്ക് സൂചിക 2020 ജനുവരി 15 ന് ശേഷം ആദ്യമായി 32,000 കടന്നു.