വർഷാവസാന വ്യാപാര ദിനമായ ഇന്ന് ഓഹരി വിപണിയിൽ റെക്കോർഡ് നേട്ടം. സെൻസെക്സ് 85.48 പോയിൻറ് അഥവാ 0.18 ശതമാനം ഉയർന്ന് 47831.70 ലും നിഫ്റ്റി 18.30 പോയിൻറ് അഥവാ 0.13 ശതമാനം ഉയർന്ന് 14000.30 ലും എത്തി. ചരിത്രത്തിലാദ്യമായാണ് എൻഎസ്ഇ നിഫ്റ്റി 14000 പോയിന്റിലെത്തുന്നത്.
സെൻസെക്സും നിഫ്റ്റിയും റെക്കോർഡ് നേട്ടത്തിൽ ക്ലോസ് ചെയ്തു; ബാങ്ക്, ഫിനാൻഷ്യൽ ഓഹരികൾ കുതിച്ചു
എച്ച്ഡിഎഫ്സി, ഡോ. റെഡ്ഡീസ് ലാബ്സ്, ഐസിഐസിഐ ബാങ്ക് എന്നിവയാണ് ഏറ്റവും കൂടുതൽ നേട്ടമുണ്ടാക്കുന്നത്. അരബിന്ദോ ഫാർമ, ബജാജ് ഫിനാൻസ്, റിലയൻസ് ഇൻഡസ്ട്രീസ് എന്നിവയാണ് ഇന്ന് ഏറ്റവും മികച്ച പ്രകടനം കാഴ്ച്ച വയ്ക്കുന്ന ഓഹരികൾ. എച്ച്ഡിഎഫ്സി മ്യൂച്വൽ ഫണ്ട് എ / സി എച്ച്ഡിഎഫ്സി ഡിവിഡന്റ് യീൽഡ് ഫണ്ട് കമ്പനിയുടെ 4,00,000 ഓഹരികൾ വാങ്ങിയതിനുശേഷം സെന്റെ ഇലക്ട്രോണിക്സ് ഓഹരി വില 4 ശതമാനത്തിലധികം ഉയർന്നു.
നിഫ്റ്റി ആദ്യമായി 13000 തൊട്ടു, സെൻസെക്സ് പുതിയ റെക്കോർഡ് ഉയരത്തിൽ
ഇന്ത്യൻ രൂപ 16 പൈസ ഉയർന്ന് 73.15 എന്ന നിലയിലാണ് വ്യാപാരം ആരംഭിച്ചത്. കഴിഞ്ഞ സെഷനിൽ ഇത് 73.31 ആയിരുന്നു. ഗ്രേറ്റർ നോയിഡയിലെ ഐടി സെസിലെ 66.24 ശതമാനം ഓഹരികൾ മിഗ്സൻ ഗ്രൂപ്പിന് വിൽക്കാൻ കമ്പനി സമ്മതിച്ചതിനെത്തുടർന്ന് അൻസൽ പ്രോപ്പർട്ടീസ് ആൻഡ് ഇൻഫ്രാസ്ട്രക്ചർ ഓഹരികൾ അഞ്ച് ശതമാനം ഉയർന്ന് അപ്പർ സർക്യൂട്ടിലെത്തി.