ഇന്ന് വാങ്ങാവുന്ന 2 ഇൻട്രാഡേ ഓഹരികൾ നിർദ്ദേശിച്ച് സുമീത് ബ​ഗാഡിയ: നേട്ടം കൊയ്യാൻ നിങ്ങൾ റെഡിയാണോ?

കഴിഞ്ഞ സെഷൻ നഷ്ടത്തിൽ ക്ലോസ് ചെയ്തതിനാൽ നിക്ഷേപകർ അൽപം ആശങ്കയിലാണ്. ഇന്ന് വ്യാപാരം ആരംഭിക്കുമ്പോൾ എന്തും സംഭവിക്കാം. ആഗോള തലത്തിലെ പ്രതിസന്ധികളാണ് ഇതിനു കാരണം. ഡൊണാൾഡ് ട്രംപിൻ്റെ താരിഫ് നയങ്ങൾ വിപണിയിൽ സമ്മർദ്ദം ചെലുത്തുന്നുണ്ട്. മാത്രമല്ല റിലയൻസിൻ്റെ ജിയോ പ്ലാറ്റ്‌ഫോം ഐപിഒയെക്കുറിച്ചുള്ള നെഗറ്റീവ് വാർത്തകളും ശക്തമായ വിൽപ്പന സമ്മർദ്ദത്തിന് കാരണമായി. 

ഇന്നലെ വിപണി ക്ലോസ് ചെയ്യുമ്പോൾ സെൻസെക്സ് 0.21% താഴ്ന്ന് 83,536.08 ലും, നിഫ്റ്റി 0.2% നേരിയ തോതിൽ താഴ്ന്ന് 25,476 ലും  ക്ലോസ് ചെയ്തതു. നിഫ്റ്റി ഇപ്പോഴും 25,000നു മുകളിൽ തന്നെ തുടരുന്നു. ഇതൊരു ബിയറിഷ് വികാരത്തെ കാണിക്കുന്നു. വിപണിയിലെ തുടർച്ചയായ കുറഞ്ഞ ചാഞ്ചാട്ടം കുറഞ്ഞ ആശങ്കയെ സൂചിപ്പിക്കുന്നു. മാത്രമല്ല ഇത് സാവധാനവും സ്ഥിരവുമായ ഒരു ഉയർച്ചയ്ക്ക് അനുകൂലമായ കാലാവസ്ഥയാണ്. 

ഇന്നത്തെ നിഫ്റ്റി 50

SAMCO സെക്യൂരിറ്റീസിലെ ഡെറിവേറ്റീവ്സ് റിസർച്ച് അനലിസ്റ്റ് ധൂപേഷ് ധമേജയുടെ അഭിപ്രായത്തിൽ, "നിഫ്റ്റി സൂചിക നിർണായകമായ ഒരു ട്രിഗറിനായി കാത്തിരിക്കുകയാണ്, കാരണം വിൽപ്പനക്കാർ 25,500 എന്ന നിലയ്ക്ക് സമീപം വീണ്ടും തങ്ങളുടെ സാന്നിധ്യം സ്ഥാപിച്ചു. ഈ പാറ്റേണിന് മുകളിൽ ഒരു ശക്തമായ മുന്നേറ്റം - പ്രത്യേകിച്ചും ഇൻട്രാഡേ അടിസ്ഥാനത്തിൽ 25,550 ന് മുകളിൽ കുതിക്കാൻ സാധ്യതയുണ്ട്, ഇത് 26,000 ലേക്ക് എത്താനും സാധ്യതയുണ്ട്. 10 ദിവസത്തെ ഇഎംഎയിൽ നിന്നുള്ള പിന്തുണ നിലവിലെ മുന്നേറ്റത്തിന് ഒരു അടിത്തറയായി തുടരുന്നു. സൂചിക 25,400 എന്ന സപ്പോർട്ട് ലെവലിന് മുകളിൽ നിലനിൽക്കുന്നിടത്തോളം മികച്ച നേട്ടം കൊയ്യാം" എന്ന് അദ്ദേഹം കൂട്ടിച്ചേർത്തു.

ഇന്ന് വാങ്ങാവുന്ന ഓഹരികൾ

ഇന്ത്യ-യുഎസ് വ്യാപാര കരാറിൻ്റെ പുരോഗതിയും ആദ്യ പാദ വരുമാന സീസണിൻ്റെ തുടക്കവും കണക്കിലെടുത്ത് ചോയ്‌സ് ബ്രോക്കിംഗ് എക്സിക്യൂട്ടീവ് ഡയറക്ടർ സുമീത് ബഗാഡിയ ഇന്ന് ജൂലൈ 10 ന് രണ്ട് ഓഹരികൾ വാങ്ങാൻ നിർദ്ദേശിക്കുന്നു.

1. സിർമ എസ്ജിഎസ് ടെക്നോളജി

ഇലക്ട്രോണിക് നിർമ്മാണ സേവനങ്ങളിൽ (ഇഎംഎസ്) വൈദഗ്ദ്ധ്യം നേടിയ ഇന്ത്യ ആസ്ഥാനമായുള്ള ഒരു കമ്പനിയാണ് സിർമ എസ്ജിഎസ് ടെക്നോളജി. ഇന്ന് മികച്ച പ്രകടനം കാഴ്ച വെക്കുമെന്നാണ് പ്രതീക്ഷിക്കുന്നത്. ഇന്നലെ സെഷനിൽ പോസിറ്റീവ് നേട്ടത്തോടെയാണ് ക്ലോസ് ചെയ്തത്. ഈ റാലി മുൻ റെസിസ്റ്റൻസ് സോണിന് മുകളിലുള്ള ഒരു നിർണായക മുന്നേറ്റമാണ്. ഏകദേശം 600 രൂപയ്ക്ക് അടുത്തുള്ള കൺസോളിഡേഷൻ പരിധിയിൽ നിന്ന് ഓഹരി വ്യക്തമായി പുറത്തുകടന്നു.

നിലവിൽ ഈ ഓഹരികൾ 650.15 രൂപയ്ക്ക് വാങ്ങാം. സ്റ്റോപ്പ് ലോസ് 625 രൂപയോടെ ടാർഗെറ്റ് 695 രൂപ നിലനിർത്തുന്നു. 

എന്നാൽ സാങ്കേതിക വിശകലനത്തെയും നിലവിലെ വിപണി സാഹചര്യങ്ങളെയും അടിസ്ഥാനമാക്കി, ശരിയായ റിസ്ക് മാനേജ്മെൻ്റ് തന്ത്രങ്ങൾ ഉപയോഗിച്ച് 695 രൂപ ലക്ഷ്യ വില നിശ്ചയിക്കുന്നവർക്ക് സിർമ ഒരു മികച്ച ഓഹരിയാണ്.

പിസിബിഎൽ കെമിക്കൽ

ഇന്ത്യയിലെ ഏറ്റവും വലിയ കാർബൺ ബ്ലാക്ക് നിർമ്മാണ കമ്പനിയാണിത്. 50ലധികം രാജ്യങ്ങളിലേക്കാണ് കയറ്റുമതി ചെയ്യുന്നത്. ഇന്നലെ ഈ ഓഹരികൾ നേട്ടത്തിൽ ക്ലോസ് ചെയ്തു. ഓഹരി വിലയിലെ ഈ മുന്നേറ്റത്തിന് വലിയ സ്ഥാപനങ്ങളുടെയും റീട്ടെയിലർമാരുടെയും പിന്തുണയുണ്ട്. 

ഹ്രസ്വകാല ഇഎംഎകൾ മുകളിലേക്ക് തിരിയാൻ തുടങ്ങിയിരിക്കുന്നു, കൂടാതെ ഓഹരി ഇപ്പോൾ എല്ലാ ഇഎംഎകൾക്കും മുകളിലാണ്. നിലവിലെ മൊമെന്റം നിലനിർത്തുകയാണെങ്കിൽ, അടുത്ത റെസിസ്റ്റൻസ് പരിധി 444-450 ലെവലിൽ ആയിരിക്കും. 

പിസിബിഎൽ ഓഹരികൾ നിലവിൽ 423.7 രൂപയ്ക്ക് വാങ്ങാം. എന്നാൽ ലക്ഷ്യ വില 450 രൂപയോടെ, സ്റ്റോപ്പ് ലോസ് 410 രൂപയിൽ നിലനിർത്തുന്നു.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.