2593 കോടിയുടെ ഓർഡർ, ജുൻജുൻവാലയുടെ പിന്തുണ, വിപണിയിൽ കുതിക്കാൻ ഈ ഓഹരി

തിങ്കളാഴ്ച ഇന്ത്യൻ ഓഹരി വിപണിയുടെ ആദ്യസെഷനിൽ തന്നെ മികച്ച നേട്ടമുണ്ടാക്കിയ ഓഹരിയാണ് എൻസിസി ലിമിറ്റഡ്. 2025 സെപ്റ്റംബറിൽ അവസാനിച്ച പാദത്തിൽ അന്തരിച്ച നിക്ഷേപകനായ രാകേഷ് ജുൻജുൻവാലയുടെ ഭാര്യ രേഖ ജുൻജുൻവാലയ്ക്ക് എൻസിസിയുടെ 10.63% അഥവാ 6.67 കോടി ഓഹരികൾ ഉണ്ടായിരുന്നു. വരും ദിവസങ്ങളിലും ഓഹരി വില മുകളിലേക്ക് പോകാൻ സാധ്യതയുണ്ടെന്നാണ് മാർക്കറ്റ് വിദഗ്ധർ ചൂണ്ടിക്കാട്ടുന്നത്. എന്താണ് കാരണം..? നമുക്ക് വിശദമായി പരിശോധിക്കാം.

കുതിപ്പിന്‍റെ കാരണം

കഴിഞ്ഞ മാസം, അതായത് നവംബറിൽ 2,593.43 കോടി രൂപയുടെ പുതിയ ഓർഡറുകൾ ലഭിച്ചതായി എൻസിസി ലിമിറ്റഡ് പ്രഖ്യാപിച്ചു. ഈ നേട്ടത്തിന് പിന്നാലെയാണ് ഓഹരിയുടെ കുതിപ്പ്. "2025 നവംബർ മാസത്തിൽ കമ്പനിക്ക് 530.72 കോടി രൂപയുടെ (ജിഎസ്ടി ഒഴികെ) മൂന്ന് (3) ഓർഡറുകൾ കൂടി ലഭിച്ചു. ഈ മൂന്ന് ഓർഡറുകളിൽ 321.18 കോടി രൂപ ബിൽഡിംഗ്സ് ഡിവിഷനും, 129.77 കോടി രൂപ വാട്ടർ ഡിവിഷനും, 79.77 കോടി രൂപ കമ്പനിയുടെ ട്രാൻസ്പോർട്ടേഷൻ ഡിവിഷനുമാണ്," എൻസിസി പറഞ്ഞു.

ഓഹരി വില

172.14 രൂപ എന്നതാണ് നിലവിൽ എൻസിസി ലിമിറ്റഡ് ഓഹരിയുടെ വില. കഴിഞ്ഞ ഒരു വർഷത്തിനുള്ളിൽ എൻ‌സി‌സി ഓഹരി 43% കുറഞ്ഞു. രണ്ട് വർഷത്തിനുള്ളിൽ 4% ഉയർന്നു. കമ്പനിയുടെ വിപണി മൂലധനം 10,764 കോടി രൂപയാണ്. 326.45 രൂപയാണ് ഓഹരിയുടെ 52 ആഴ്ചയിലെ ഏറ്റവും ഉയർന്ന ഓഹരി വില.

എൻസിസി ലിമിറ്റഡ്

1978 ൽ ആരംഭിച്ച ഇന്ത്യയിലെ മുൻനിര കൺസ്ട്രക്ഷൻ കമ്പനിയാണ് എൻസിസി ലിമിറ്റഡ്. കെട്ടിട നിർമാണം, ഗതാഗതം, വൈദ്യുതി, ജലസേചനം, റെയിൽവെ അടിസ്ഥാന സൗകര്യ പദ്ധതികളിൽ എൻസിസി ലിമിറ്റഡ് പ്രവർത്തിക്കുന്നുണ്ട്. രാജ്യത്തൊട്ടാകെ കമ്പനി പ്രവർത്തനങ്ങളുണ്ട്.

സൂചികകൾ റെക്കോർഡ് ഉയരത്തിൽ

നിഫ്റ്റി 50 സൂചിക തിങ്കളാഴ്ച പുതിയ എക്കാലത്തെയും ഉയർന്ന നിലയിൽ തുറന്നതോടെ ആഭ്യന്തര ഓഹരി വിപണി ശക്തമായ മുന്നേറ്റത്തോടെയാണ് ആഴ്ച ആരംഭിച്ചത്. ഇന്ത്യയുടെ ശക്തമായ ജിഡിപി കണക്കുകൾ നിക്ഷേപകരുടെ ആത്മവിശ്വാസം വർദ്ധിപ്പിച്ചതിനും റിസർവ് ബാങ്ക് ഓഫ് ഇന്ത്യയുടെ നിരക്ക് കുറയ്ക്കാനുള്ള സാധ്യതയെക്കുറിച്ചുള്ള പ്രതീക്ഷകൾ ഉയർത്തിയതിനും ശേഷമാണ് കുത്തനെയുള്ള വർധനവ് ഉണ്ടായത്.

നിഫ്റ്റി 50 സൂചിക 122.85 പോയിന്റ് ഉയർന്ന് 26,325.80 ൽ വ്യാപാരം ആരംഭിച്ചു. ബിഎസ്ഇ സെൻസെക്സ് 359.25 പോയിന്റ് ഉയർന്ന് 86,065.92 ൽ വ്യാപാരം ആരംഭിച്ചു. ജിഡിപി ഡാറ്റ സൂചികകൾക്ക് ഗണ്യമായ പിന്തുണ നൽകിയിട്ടുണ്ടെന്ന് മാർക്കറ്റ് വിദഗ്ധർ പറഞ്ഞു, ഇത് വരാനിരിക്കുന്ന പോളിസി മീറ്റിംഗിൽ ആർ‌ബി‌ഐ 25 ബേസിസ് പോയിന്റ് നിരക്ക് കുറയ്ക്കൽ പരിഗണിക്കുമെന്ന പ്രതീക്ഷ ഉയർത്തുന്നു.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.