ജിയോ വരിക്കാർക്ക് പണി കിട്ടി, ഡിസംബർ ആറ് മുതൽ 40 ശതമാനം നിരക്ക് വർദ്ധനവ്

വൊഡാഫോൺ ഐഡിയ, എയർടെൽ എന്നിവയ്ക്ക് പിന്നാലെ ഡിസംബർ 6 മുതൽ റിലയൻസ് ജിയോയും മൊബൈൽ സേവന നിരക്ക് കുത്തനെ ഉയർത്തും. കോൾ, ഡാറ്റാ നിരക്കുകൾ 40% വരെ ഉയർത്താനാണ് കമ്പനി തീരുമാനിച്ചിരിക്കുന്നത്. പരിധിയില്ലാത്ത കോൾ, ഡാറ്റ വാഗ്ദാനം ചെയ്യുന്ന പുതിയ 'ഓൾ ഇൻ വൺ' പ്ലാനുകളാകും ജിയോ അവതരിപ്പിക്കുക.

പുതിയ പ്ലാനുകൾക്ക് 40 ശതമാനം വരെ ഉയർത്താനാണ് പദ്ധതിയെങ്കിലും ഉപഭോക്താക്കൾക്ക് മറ്റ് ചില ആനുകൂല്യങ്ങൾ കമ്പനി നൽകുമെന്ന് പ്രസ്താവനയിൽ അറിയിച്ചു. ഉപഭോക്താക്കളുടെ താത്പര്യങ്ങൾ സംരക്ഷിക്കുന്നത് തുടരുമ്പോഴും ഇന്ത്യൻ ടെലികമ്മ്യൂണിക്കേഷൻ വ്യവസായത്തെ നിലനിർത്താൻ ആവശ്യമായ എല്ലാ നടപടികളും ജിയോ സ്വീകരിക്കുമെന്നും ടെലികോം താരിഫ് പരിഷ്കരിക്കുന്നതിന് ജിയോ സർക്കാരുമായി തുടർന്നും സഹകരിക്കുമെന്നും കമ്പനി അറിയിച്ചു.

ജിയോ വരിക്കാർക്ക് പണി കിട്ടി, ഡിസംബർ ആറ് മുതൽ 40 ശതമാനം നിരക്ക് വർദ്ധനവ്

ടെലികോം ഓപ്പറേറ്റർ ഭാരതി എയർടെൽ ഞായറാഴ്ച പുതിയ താരിഫ് പദ്ധതികൾ പ്രഖ്യാപിച്ചിരുന്നു. ഡിസംബർ 3 മുതൽ പ്രീ-പെയ്ഡ് ഉപഭോക്താക്കളുടെ കോൾ, ഡാറ്റ ചാർജുകൾ 42 ശതമാനം വരെ വർദ്ധിപ്പിക്കാനാണ് എയർടെൽ തീരുമാനിച്ചിരിക്കുന്നത്. മൊബൈൽ നിരക്ക് ഉയർത്താനുള്ള പദ്ധതി വോഡഫോൺ ഐഡിയ പ്രഖ്യാപിച്ചതിന് ഏതാനും മണിക്കൂറുകൾക്ക് ശേഷമാണ് എയർടെൽ പുതിയ പ്രഖ്യാപനവുമായി രംഗത്തെത്തിയത്.

ഇതിന് ശേഷമായിരുന്നു ജിയോയുടെ പുതിയ താരിഫ് പ്രഖ്യാപനം. എയർടെല്ലും വൊഡാഫോൺ ഐഡയയും നാളെ മുതൽ തന്നെ പുതിയ നിരക്കുകൾ ബാധകമാക്കുമെങ്കിലും ജിയോ ഡിസംബർ ആറ് മുതലാണ് നിരക്കുകൾ പരിഷ്കരിക്കുക.

റിലയൻസ് ജിയോയുടെ ഏറ്റവും പുതിയ റീചാർജ് പ്ലാനുകൾ; 222, 333, 444 രൂപയുടെ കിടിലൻ ഓഫറുകൾ