ഹൈസ്കൂൾ വിദ്യാഭ്യാസമുള്ളവർക്ക് യുഎഇയിൽ മികച്ച ശമ്പളത്തിൽ ജോലി; മാളുകളിൽ ഒഴിവുകൾ; നോക്കുന്നോ

വിനോദത്തിന് വലിയ പ്രധാന്യം നൽകുന്നിടങ്ങളിലെ ഷോപ്പിം​ഗ് മാളുകൾ ചലിപ്പിക്കാൻ വലിയ തൊഴിൽ സേന തന്നെ ആവശ്യമാണ്. ഇത്തരം ഇടങ്ങളിൽ ചെറുതും വലുതുമായ നിരവധി തൊഴിലവസരങ്ങൾ ഉണ്ടാകാറുണ്ട്. ലോകത്തിലെ തന്നെ പേരുകേട്ട ഷോപ്പിം​ഗ് മാളുകൾ നിലകൊള്ളുന്ന യുഎഇയിൽ മാളുകളുമായി ബന്ധപ്പെട്ട വിവിധ കമ്പനികൾ ജോലിക്ക് ആളെ തേടുന്നുണ്ട്.

കുറഞ്ഞ വിദ്യാഭ്യാസ യോ​ഗ്യതയുള്ളവർക്കും മികച്ച തൊഴിലവസരങ്ങൾ കണ്ടെത്താൻ ഈ ഒഴിവുകളിലൂടെ സാധിക്കും. യുഎഇയിലെ പ്രധാന വ്യവസായ ​ഗ്രൂപ്പായ എമാർ ​ഗ്രൂപ്പിന് കീഴിവുള്ള മാളിലേക്കും ഹോട്ടിലേക്കും ഉദ്യോ​ഗാർഥികളെ തേടുന്നുണ്ട്. അതോടൊപ്പമാണ് നെസ്റ്റോ ​ഗ്രൂപ്പിന് കീഴിലുള്ള ഹൈപ്പർമാർക്കറ്റിലേക്കും അവസരങ്ങളുണ്ട്. ഒഴിവുകൾ വിശദമായി നോക്കാം.

എമാർ ​ഗ്രൂപ്പിൽ അവസരം

ദുബായുടെ ഹൃദയഭാഗത്ത് എമാർ ഗ്രൂപ്പിന്റെ കീഴിലുള്ള എമിറാത്തി മൾട്ടിനാഷണൽ റിയൽ എസ്റ്റേറ്റ് ഡെവലപ്മെന്റ് കമ്പനിയായ എമാർ പ്രോപ്പർട്ടീസ്. കമ്പനിയുടെ നിയന്ത്രിക്കുന്ന ഷോപ്പിം​ഗ് മാളുകളിലേക്കും ഹോട്ടലുകളിലേക്കുമാണ് ഒഴിവ്. പ്രൊഫഷണലുകളെയും പുതുമുഖങ്ങളെയും ഒരുപോലെ ആകർഷിക്കുന്ന ആകർഷകമായ നിരവധി തൊഴിലവസരങ്ങൾ കമ്പനിയിലുണ്ട്.

ഫ്രണ്ട് ഓഫീസ്- ദുബായ് മറീന മാൾ

ദുബായ് മറീന മാളിൽ ഫ്രണ്ട് ഓഫീസ് ജോലികൾക്കായി എമാർ ​ഗ്രൂപ്പ് ഉദ്യോ​ഗാർഥികളെ തേടുന്നത്. കുറഞ്ഞത് ഹൈസ്‌കൂൾ ഡിപ്ലോമ ആവശ്യമാണ്. ഹോട്ടൽ മാനേജ്‌മെന്റിൽ ബിരുദം അഭികാമ്യമാണ്. ഹോസ്പിറ്റാലിറ്റി വ്യവസായത്തിൽ കുറഞ്ഞത് 4 വർഷത്തെ പരിചയമോ സൂപ്പർവൈസറി റോളിൽ കുറഞ്ഞത് 2 വർഷത്തെ പരിചയമോ 5 സ്റ്റാർ ഹോസ്പിറ്റാലിറ്റി ഇൻഡസ്ട്രിയിലെ പ്രവർത്തി പരിചയമോ വേണം.

5-സ്റ്റാർ ഹോസ്പിറ്റാലിറ്റി കമ്പനിയിലാണെങ്കിൽ കുറഞ്ഞത് 1 - 3 വർഷത്തെ പരിചയമുള്ളവർക്ക് അപേക്ഷിക്കാം. ഫ്രണ്ട് ഓഫീസിലെ എല്ലാ ജോലികളും നടത്തുക, പരാതികൾക്കിടയില്ലാതെ ആവശ്യമുള്ളിടത്ത് മതിയായ സേവനങ്ങൾ ഉറപ്പാക്കുക എന്നിവയാണ് ജോലിയുടെ ഉത്തരവാദിത്വം. അപേക്ഷിക്കാൻ ഈ ലിങ്ക് ക്ലിക്ക് ചെയ്യുക.

റോൾ ഇൻ കളിനറി- ദുബായ് മറീന ഹോട്ടൽ

ദുബായ് മറീന ഹോട്ടലിലെ പാചക രം​ഗത്തേക്കാണ് ഒഴിവുകൾ. ഹോട്ടൽ മാനേജ്‌മെന്റിൽ കാറ്ററിംഗ് ബിരുദം അല്ലെങ്കിൽ അനുബന്ധ മേഖലയിലുള്ള ഹൈസ്‌കൂൾ ഡിപ്ലോമയാണ് വിദ്യാഭ്യാസ യോ​ഗ്യത. 5-സ്റ്റാർ ഹോസ്പിറ്റാലിറ്റി കമ്പനിയിൽ സമാനമായ ജോലി ചെയ്തുള്ള 1 -2 വർഷത്തെ പരിചയം ആവശ്യമാണ്. പ്രാദേശിക ഭക്ഷണ ശുചിത്വത്തെക്കുറിച്ചും എച്ച്എസിസിപി മാർഗ്ഗനിർദ്ദേശങ്ങളെക്കുറിച്ചുമുള്ള ധാരണ ആവശ്യമാണ്. അപേക്ഷിക്കാൻ ഈ ലിങ്ക് ക്ലിക്ക് ചെയ്യുക.

നെസ്റ്റോ ഹൈപ്പർമാർക്കറ്റിൽ ഒഴിവ്

​ഗൾഫ് രാജ്യങ്ങളിലും ഇന്ത്യയിലും സൂപ്പര്‍മാര്‍ക്കറ്റ് ശ്രംഖലയായ നെസ്റ്റോ ഹൈപ്പര്‍മാര്‍ക്കറ്റിന്റെ യുഎഇ ശാഖയിലേക്ക് വിവിധ ഒഴിവുകളില്‍ അവസരമുണ്ട്. 90 ഔട്ട്‌ലേറ്റുകളുമായി ജിസിസിയില്‍ ശക്തമായ സാന്നിധ്യമാണ് നെസ്റ്റോ ഹൈപ്പര്‍മാര്‍ക്കറ്റ്. ആര്‍ക്കിടെക്റ്റ്, ഫ്രൂട്ട് ആന്‍ഡ് വെജിറ്റബിള്‍ സൂപ്പര്‍വൈസര്‍, ബയര്‍- എഫ്എംസിജി, ഫ്രഷ് ഫുഡ് മാനേജര്‍, ചാര്‍ട്ടേര്‍ഡ് അക്കൗണ്ടന്റെ എന്നിങ്ങനെ വിവിധ ഒഴിവുകളാണ് നിലവിലുള്ളത്.

യുഎഇ റീട്ടെയില്‍ മേഖലയില്‍ 4 വര്‍ഷത്തില്‍ കുറയാത്ത ജോലി പരിചയമുള്ളവര്‍ക്ക് എഫ്എംസിജി ബയര്‍ തസ്തികയിലേക്ക് അപേക്ഷിക്കാം. ഫ്രൂട്ട് ആന്‍ഡ് വെജിറ്റബിള്‍ സൂപ്പര്‍വൈസര്‍ തസ്തിയില്‍ അപേക്ഷിക്കാന്‍ സമാന മേഖലയില്‍ 2 വര്‍ഷം യുഎഇയില്‍ ജോലി പരിചയം ആവശ്യമാണ്. ജിസിസിയില്‍ 2 വര്‍ഷത്തെ പ്രവൃത്തി പരിചയമാണ് ഫ്രഷ് ഫുഡ് മാനേജര്‍ക്ക് ആവശ്യം.

ആര്‍കിടെക്റ്റ് ബിരുദവും 2 വര്‍ഷ പ്രവൃത്തി പരിചയവുമുള്ളവര്‍ക് ആര്‍കിടെക്റ്റ് തസ്തികയിലേക്ക് അപേക്ഷിക്കാം. ചാർട്ടേഡ് അക്കൗണ്ടിന്റിന് 2 വർഷത്തെ ജോലി പരിചയം ആവശ്യമാണ്. ജോലിയുടെ വിശദാംശങ്ങള്‍ അറിയാനും അപേക്ഷിക്കാനും ഈ ലിങ്കില്‍ ക്ലിക്ക് ചെയ്യുക.