Click it and Unblock the Notifications
വിദേശത്ത് തൊഴിൽ അന്വേഷിക്കുന്നവരാണെങ്കിൽ യൂറോപ്പോ മിഡിൽ ഈസ്റ്റോ ആണ് ഇന്നത്തെ കാലത്ത് പ്രധാന പരിഗണനകൾ. യൂറോപ്യൻ രാജ്യങ്ങളിലേക്കോ മിഡിൽ ഈസ്റ്റിലേക്കോ കടക്കാൻ പലരും പ്രാഥമിക ഓപ്ഷനായി പരിഗണിക്കുന്നത് സ്റ്റുഡന്റ് വിസയോ വിസിറ്റിംഗ് വിസകളോ ആണ്. യുഎഇ, യൂറോപ്പ് എന്നിവിടങ്ങിലേക്ക് പ്രവേശനത്തിനുള്ള എളുപ്പ മാർഗമാണ് തൊഴിലന്വേഷക വിസ (ജോബ് സീക്കർ വിസ).
ജോലി കണ്ടെത്തുന്നതിനൊപ്പം യൂറോപ്പിൽ സ്ഥിര താമസമാക്കുന്നതിനും പൗരത്വം നേടുന്നതിനുമുള്ള ആദ്യ പടികൂടിയാണ് തൊഴിലന്വേഷക വിസകൾ. ജർമനി, പോർച്ചുഗൽ, ഓസ്ട്രിയ, സ്വീഡൻ, യുഎഇ എന്നീ രാജ്യങ്ങൾ ജോബ് സീക്കർ വിസ നൽകുന്നുണ്ട്. എന്നാൽ മിഡിൽ ഈസ്റ്റ് രാജ്യങ്ങളിൽ പൗരത്വം നേടുന്നത് വളരെ ബുദ്ധിമുട്ടാണ്. ജോബ് സീക്കർ വിസയുടെ യോഗ്യതയും നടപടിക്രമങ്ങളും അറിയാം.
ജർമൻ ജോബ് സീക്കർ വിസ
യൂറോപ്പിൽ മികച്ച സാമ്പത്തിക ശക്തിയായ ജർമനി ജോലി ആഗ്രഹിക്കുന്നവരുടെ പ്രധാന ലക്ഷ്യസ്ഥാനങ്ങളിലൊന്നാണ്. ജോലിയിൽ അഞ്ച് വർഷത്തെ പ്രവൃത്തി പരിചയമുള്ള വ്യക്തികൾക്കാണ് ജർമനി ജോബ് സീക്കർ വിസ നൽകുന്നത്. അംഗീകൃത ബിരുദം, വിസ കാലയളവിലെ താമസത്തിനുള്ള തുക കാണിക്കുന്ന ബാങ്ക് ബാലൻസ്, ആരോഗ്യ ഇൻഷുറൻസ്, സാധുവായ പാസ്പോർട്ട്, ബയോഡാറ്റ, കവർ ലെറ്റർ എന്നിങ്ങനെയുള്ള മറ്റ് രേഖകൾ എന്നിവ ജോബ് സീക്കർ വിസയ്ക്ക് ആവശ്യമാണ്.
ഇന്ത്യൻ പൗരന്മാർക്ക്, 75 യൂറോയാണ് ഫീസ് വരുന്നത്. വിസ ലഭിച്ചു കഴിഞ്ഞാൽ ജോലി അന്വേഷിക്കാൻ അപേക്ഷകന് ആറ് മാസം ജർമനിയിൽ താമസിക്കാം. ജോബ് സീക്കർ വിസയിൽ താമസിക്കുന്ന കാലത്ത് ജോലി ചെയ്യുന്നതിന് വിലക്കുണ്ട്. വിസ കാലയളവിൽ ജോലി ലഭിച്ചാൽ തൊഴിൽ വിസയാക്കി മാറ്റാം.
പോർച്ചുഗൽ ജോബ് സീക്കർ വിസ
പോർച്ചുഗലിൽ ജോബ് സീക്കർ വിസ ലഭിക്കാൻ ബിരുദം ആവശ്യമാണ്. കുറഞ്ഞത് മൂന്ന് മാസത്തെ ഗ്യാരണ്ടീഡ് പ്രതിമാസ മിനിമം ശമ്പളത്തിന് തുല്യമായ തുക സാമ്പത്തിക സ്രോതസായി കാണിക്കാനും സാധിക്കുന്നവർക്ക് പോർച്ചുഗൽ ജോബ് സീക്കർ വിസ നൽകും. 90 യൂറോയാണ് ഇന്ത്യക്കാർക്ക് വിസ ഫീസ് വരുന്നത്. നാല് മാസമാണ് ജോബ് സീക്കർ വിസയുടെ കാലാവധി. രണ്ട് മാസത്തേക്ക് കൂടി വിസ പുതുക്കാം. വിശദാംശങ്ങൾക്ക് ഔദ്യോഗിക വെബ്സൈറ്റ് സന്ദർശിക്കാം.
ഓസ്ട്രിയ
മധ്യ യൂറോപ്യൻ രാജ്യമായ ഓസ്ട്രിയ ഉയർന്ന വിദ്യാഭ്യാസ യോഗ്യതയുള്ള തൊഴിലാളികൾക്കാണ് ജോബ് സീക്കർ വിസ നൽകുന്നത്. ആറ് മാസമാണ് വിസ കാലാവധി. പ്രവൃത്തിപരിചയം, ഭാഷാ വൈദഗ്ധ്യം, പ്രായം, തുടങ്ങിയ വിവിധ ഘടകങ്ങളെ അടിസ്ഥാനമാക്കി അപേക്ഷകർ കുറഞ്ഞത് 70 പോയിന്റുകൾ നേടണം. വിശദാംശങ്ങൾക്ക് ഔദ്യോഗിക വെബ്സൈറ്റ് സന്ദർശിക്കാം.
സ്വീഡൻ
2022 ജൂണിലാണ് സ്വീഡൻ ജോബ് സീക്കർ വിസ ആരംഭിച്ചത്. വിസയുടെ കാലാവധി 3 മുതൽ 9 മാസം വരെയായിരിക്കും. മാസ്റ്റേഴ്സ് ഡിഗ്രി, പിഎച്ച്ഡി, അഡ്വാൻസ്ഡ് വൊക്കേഷണൽ ഡിഗ്രി/പ്രൊഫഷണൽ ബിരുദം എന്നിവയിലേതെങ്കിലും വിദ്യാഭ്യാസ യോഗ്യതയുള്ളവരായിരിക്കണം അപേക്ഷകർ. ജോലി അന്വേഷിക്കുന്നതിനോ സ്വീഡനിൽ സ്വന്തം ബിസിനസ് ആരംഭിക്കുന്നതിനോ ഉള്ള സാധ്യതകളുള്ളവർക്കാണ് വിസ ലഭിക്കുക.
യുഎഇ
ദുബായ് ഉൾപ്പടെയുള്ള യുഎഇ നഗരങ്ങളിൽ ജോലി അന്വേഷിക്കുന്നവർക്ക് ജോബ് സീക്കർ വിസ ലഭിക്കും. യുഎഇ ജോബ് സീക്കർ വിസയ്ക്ക് കീഴിൽ വ്യക്തികൾക്ക് യുഎഇ സന്ദർശിക്കാനും പുതിയ തൊഴിലവസരങ്ങൾ തേടാനും സാധിക്കും. 60 ദിവസം, 90 ദിവസം അല്ലെങ്കിൽ 120 ദിവസ കാലാവധിയിൽ വിസ ലഭിക്കും. അപേക്ഷിക്കാനും വിശദാംശങ്ങൾക്കും ഔദ്യോഗിക വെബ്സൈറ്റ് സന്ദർശിക്കാം.
More From GoodReturns
ബെംഗളൂരു മലയാളികൾക്ക് കോളടിച്ചു, ഇനി കുറഞ്ഞ ചിലവിൽ ഭക്ഷണം കിട്ടും, അതും ഏറ്റവും വേഗത്തിൽ
ഒരു മാസം തട്ടിയും മുട്ടിയും പോകാൻ 1.43 ലക്ഷം; ബെംഗളൂരുവിൽ യുവതിയുടെ ചെലവ് കേട്ട് ഞെട്ടി സോഷ്യൽ മീഡിയ
വായ്പയെടുക്കാൻ പ്ലാനുണ്ടോ? ശമ്പളത്തേക്കാൾ പ്രധാനം ശമ്പളം വരുന്ന അക്കൗണ്ടാണ്
ബെംഗളൂരു മലയാളികളുടെ ശ്രദ്ധയ്ക്ക്; വന്ദേ ഭാരത് സമയക്രമത്തില് മാറ്റം, വിശദാംശങ്ങള്
മഴയും വെയിലും ഉറപ്പാണ്, രണ്ടായാലും കുട കയ്യിൽ എടുക്കാൻ മറക്കരുത്, അറിയാം ഇന്നത്തെ കാലാവസ്ഥ
എഫ്ഡിയ്ക്ക് കൂട്ടുപലിശ; സ്ഥിര നിക്ഷേപം തിരഞ്ഞെടുക്കുന്നതിന് മുൻപ് ഇക്കാര്യങ്ങൾ അറിഞ്ഞിരിക്കാം
പവന് കുറഞ്ഞത് 7000 രൂപ, ജ്വല്ലറികളിൽ സ്വർണം വാങ്ങാൻ തിരക്കേറുന്നു, ആഭരണം വാങ്ങാൻ 1.5 ലക്ഷം വേണ്ട
ബെംഗളൂരു നിവാസികൾക്ക് ആശ്വാസം, കാത്തിരുന്ന് കാല് വേദനിക്കില്ല, യെല്ലോ ലൈനിൽ ട്രെയിൻ പെട്ടെന്ന് എത്തും
സ്വർണവില കുതിക്കുന്നു, 2 ദിവസം കൊണ്ട് കൂടിയത് 1200 രൂപ, ഇന്നത്തെ നിരക്കുകൾ അറിയാം
പശ്ചിമേഷ്യന് സംഘര്ഷം; ഇന്ത്യന് ഓഹരി വിപണിയ്ക്ക് എന്ത് സംഭവിക്കും, എസ്ഐപി നിര്ത്തേണ്ടതുണ്ടോ?
23ന് പകരം 47 കിലോമീറ്റർ സഞ്ചരിച്ചിട്ടും 23 മിനിട്ട് നേരത്തെയെത്തി; ബെംഗളൂരുവിലെ ട്രാഫിക് വീണ്ടും ചർച്ചയാകുന്നു
Sign in with Google