Click it and Unblock the Notifications
തിരുവനന്തപുരം: പ്രവാസികള്ക്ക് പുതിയ പെന്ഷന് പദ്ധതി സര്ക്കാര് പ്രഖ്യാപിച്ചു. വിദേശത്തു നിന്നും മടങ്ങിവരുന്ന പ്രവാസികള്ക്ക് 3,000 രൂപ പ്രതിമാസം പെന്ഷന് നല്കാനാണ് സര്ക്കാരിന്റെ തീരുമാനം. വിദേശത്ത് തുടരുന്നവര്ക്കും സംസ്ഥാന സര്ക്കാര് പെന്ഷന് നല്കും. 3,500 രൂപയായിരിക്കും വിദേശത്ത് തുടരുന്നവര്ക്ക് പെന്ഷന് ലഭിക്കുക. പെന്ഷന് പുറമെ പ്രവാസികളുടെ നൈപുണ്യവികസനത്തിനും മറ്റുമായി 100 കോടി രൂപയും ബജറ്റില് സര്ക്കാര് വകയിരുത്തി. ബജറ്റ് പ്രഖ്യാപനത്തില് ധനമന്ത്രി ടിഎം തോമസ് ഐസക്കാണ് പ്രവാസികളുടെ പെന്ഷന് പദ്ധതി പ്രഖ്യാപിച്ചത്.
തൊഴിലുറപ്പ് പദ്ധതിക്ക് ക്ഷേമനിധി നടപ്പാക്കാനും സര്ക്കാര് തീരുമാനിച്ചിട്ടുണ്ട്. 20 ദിവസം തൊഴിലെടുത്തുവര്ക്കായിരിക്കും ക്ഷേമനിധി അംഗത്വം ലഭിക്കുക. 75 ദിവസം തൊഴില് എടുത്തവര്ക്ക് ഉത്സവബത്ത നല്കുമെന്നും സര്ക്കാര് അറിയിച്ചു. സംഘകൃഷി ഗ്രൂപ്പുകളുടെ എണ്ണം 75,000 -ത്തില് നിന്നും ഒരു ലക്ഷമാക്കി വര്ധിപ്പിക്കാനും സര്ക്കാര് നടപടികള് ആവിഷ്കരിക്കും. സംസ്ഥാന ബജറ്റിലെ മറ്റു പ്രധാന പ്രഖ്യാപനങ്ങള് ചുവടെ കാണാം.
- സര്വകലാശാലകളില് 1,000 പുതിയ തസ്തികകള്.
- സര്വകലാശാലകളുടെ നവീകരണത്തിന് 2,000 കോടി കിഫ്ബി വഴി.
- അഫിലിയേറ്റഡ് കോളേജുകള്ക്ക് 1,000 കോടി അനുവദിക്കും.
- ക്ഷേമപെന്ഷന് 1,600 രൂപയായി ഉയര്ത്തി.
- റബറിന്റെ തറവില 170 രൂപയായി വര്ധിപ്പിച്ചു.
- നെല്ലിന്റെ സംഭരണവില 28 രൂപയായും നാളികേരത്തിന്റെ സംഭരണവില 32 രൂപയായും കൂടി.
- 5 വര്ഷംകൊണ്ട് 20 ലക്ഷം പേര്ക്ക് ഡിജിറ്റല് പ്ലാറ്റ്ഫോം വഴി തൊഴിലവസരം.
- 8 ലക്ഷം അധിക തൊഴില് സൃഷ്ടിക്കും.
- ആരോഗ്യവകുപ്പില് 4,000 തസ്തിക സൃഷ്ടിക്കും
- തദ്ദേശ സ്ഥാപനങ്ങള്ക്ക് 1,000 കോടി രൂപ അനുവദിക്കും.
- 15,000 കോടി രൂപയുടെ കിഫ്ബി പദ്ധതികള് ഈ വര്ഷം പൂര്ത്തിയാകും.
- 14 ജില്ലകളില് 600 ഓഫീസുകള് ഉള്പ്പെടുന്ന കെ-ഫോണ് പദ്ധതിക്ക് ഫെബ്രുവരിയില് തുടക്കം.
വെള്ളിയാഴ്ച്ച പാലക്കാട് കുഴല്മന്ദം ഏഴാം ക്ലാസ് വിദ്യാര്ത്ഥിനി സ്നേഹയുടെ കവിതയോടെയാണ് ബജറ്റ് പ്രസംഗം ധനമന്ത്രി ആരംഭിച്ചത്. തോല്ക്കാന് മനസ്സില്ലാത്ത ജനതയുടെ പോരാട്ടം ലോകം അത്ഭുതത്തോടെ വീക്ഷിച്ചു. സര്ക്കാര് ജനങ്ങളില് ആത്മവിശ്വാസം സൃഷ്ടിച്ചു. കേരളത്തിന്റെ ആരോഗ്യവകുപ്പിന്റെ കരുത്ത് ലോകമറിഞ്ഞെന്നും തോമസ് ഐസക് ബജറ്റ് അവതരണത്തില് വ്യക്തമാക്കി.
Sign in with Google