ആരോഗ്യ സുരക്ഷയും ഭക്ഷണവും ഉറപ്പാക്കും; ബജറ്റ് പ്രഖ്യാപനം ആരംഭിച്ചു

കേരളത്തിന്റെ വികസനത്തുടര്‍ച്ച ലക്ഷ്യമാക്കിക്കൊണ്ടുള്ള രണ്ടാം പിണറായി സര്‍ക്കാറിന്റെ ആദ്യ ബജറ്റ് അവതരണം നിയമ സഭയില്‍ ആരംഭിച്ചു. ധന മന്ത്രി കെഎന്‍ ബാലഗോപാലിന്റെ കന്നി ബജറ്റ് ആണിതെന്ന പ്രത്യേകതയുമുണ്ട്.

സംസ്ഥാന വികസനം മുന്‍ നിര്‍ത്തിയുള്ള പോസിറ്റീവ് ബജറ്റായിരിക്കും ഇതെന്നും അദ്ദേഹം പറഞ്ഞു. ജനുവരിയില്‍ തോമസ് ഐസക് അവതരിപ്പിച്ച ബജറ്റിലെ എല്ലാ നിര്‍ദേശങ്ങളും നടപ്പാക്കും. എന്നാല്‍ അതില്‍ കാലാനുസൃതമായാ മാറ്റങ്ങള്‍ വരുത്തിക്കൊണ്ടാകും നടപ്പിലാക്കുക. പ്രകടന പത്രികയില്‍ പറഞ്ഞിട്ടുള്ള മുഴുവന്‍ കാര്യങ്ങളും നടപ്പിലാക്കുവാനുള്ള ശ്രമമാണ് നടത്തുക. പഞ്ചവത്സ പദ്ധതിയില്‍ ഈന്നിയുള്ള ദീര്‍ഘകാല പരിപാടികള്‍ നടപ്പാക്കും.