കേരള ബജറ്റ് ; മുന്‍ഗണന ആരോഗ്യ മേഖലയ്ക്ക് തന്നെ; സാമൂഹിക സാമ്പത്തിക സുരക്ഷയും ഉറപ്പു വരുത്തും

• 18 വയസ്സിന് മുകളിലുള്ളവര്‍ക്ക് കോവിഡ് വാക്‌സിന്‍ സൗജന്യമായി നല്‍കാന്‍ 1000 കോടി. അനുബന്ധ ഉപകരണങ്ങള്‍ വാങ്ങുന്നതിന് 500 കോടി
• പകര്‍ച്ച വ്യാധികള്‍ നിയന്ത്രിക്കാന്‍ എല്ലാ മെഡിക്കല്‍ കോളേജുകളിലും പ്രത്യേക ബ്ലോക്ക് ആരംഭിക്കും.
• 150 മെട്രിക് ടണ്‍ ശേഷിയുള്ള ഓക്‌സിജന്‍ പ്ലാന്റ് സ്ഥാപിക്കും
• പീഡിയാട്രിക് ഐസിയു കിടക്കകള്‍ വര്‍ധിപ്പിക്കും
• തിരുവനന്തപുരം, കോഴിക്കോട് മെഡിക്കല്‍ കോളേജുകളില്‍ ഐസൊലേഷന്‍ ബ്ലോക്ക് സ്ഥാപിക്കുന്നതിന് 50 കോടി
• പകര്‍ച്ച വ്യാധികള്‍ നിയന്ത്രിക്കാന്‍ എല്ലാ മെഡിക്കല്‍ കോളേജുകളിലും പ്രത്യേക ബ്ലോക്ക് തുടങ്ങും
• എല്ലാ സിഎച്ച്‌സി താലൂക്ക് ജില്ലാ ആശുപത്രികളിലും പകര്‍ച്ച വ്യാധികളുടെ ചികിത്സയ്ക്ക് 10 ഐസൊലേഷന്‍ കിടക്കകള്‍ സ്ഥാപിക്കും. ഒരു കേന്ദ്രത്തിന് 3 കോടി രൂപയാണ് ചിലവ് പ്രതീക്ഷിക്കുന്നത്.
• ഉപജീവനം പ്രതിസന്ധിയിലായവര്‍ക്ക് ധനസഹായം നേരിട്ട് എത്തിക്കുന്നതിന് 8,900 കോടി
• കോവിഡ് മൂന്നാം തരംഗത്തിന്റെ വരവ് ഒഴിവാക്കണം. ആരോഗ്യ അടിയന്തിരാവസ്ഥ നേരിടാന്‍ വകയിരുത്തിയിരിക്കുന്നത് 2,800 കോടി രൂപ
• കോവിഡ് ബാധിത മേഖലകള്‍ക്ക് 20,000 കോടി രൂപയുടെ രണ്ടാം സാമ്പത്തിക പാക്കേജ്
• തീരദേശത്ത് അടിസ്ഥാന സൗകര്യവികസനത്തിനും തീരസംരക്ഷണത്തിനും 5300 കോടി ചെലവുവരുമെന്ന് ധനമന്ത്രി. ആദ്യഘട്ടമായി 1500 കോടി കിഫ്ബി നല്‍കും. അടുത്ത കാലവര്‍ഷത്തിനു മുന്‍പ് ഇതിന്റെ ഗുണഫലം ലഭിക്കും. 4 വര്‍ഷം കൊണ്ട് പദ്ധതി പൂര്‍ത്തിയാക്കും

വികസന കാഴ്ച്ചപ്പാട് ഉള്‍ക്കൊള്ളുന്ന ബജറ്റാണ് മുന്‍ ധനമന്ത്രി തോമസ് ഐസക് ഈ വര്‍ഷമാദ്യം അവതരിപ്പിച്ചതെന്ന് പുതിയ ധനമന്ത്രി ടിഎന്‍ ബാലഗോപാല്‍ ബജറ്റ് അവതരണത്തിനിടെ അറിയിച്ചു. തോമസ് ഐസക് അവതരിപ്പിച്ച അവസാന ബജറ്റിലെ എല്ലാ പ്രഖ്യാപനങ്ങളും നടപ്പാക്കും.