സംസ്ഥാന ബജറ്റ് 2021: ക്ഷേമ പെൻഷൻ 1600 രൂപയാക്കി ഉയർത്തി

2021-22 സാമ്പത്തിക വർഷത്തെ സംസ്ഥാന ബജറ്റിൽ ക്ഷേമ പെൻഷൻ 1600 രൂപയാക്കി ഉയർത്തുമെന്ന് ധനമന്ത്രി തോമസ് ഐസക്ക് പറഞ്ഞു. വരുന്ന സാമ്പത്തിക വർഷത്തിൽ 8 ലക്ഷം പുതിയ തൊഴിലവസരങ്ങൾ സൃഷ്ടിക്കുമെന്നും ധനമന്ത്രി വ്യക്തമാക്കി. 15000 കോടി രൂപയുടെ കിഫ്ബി പദ്ധതി 2021-22 കാലഘട്ടത്തിൽ പൂർത്തീകരിക്കുമെന്നും ധനമന്ത്രിയുടെ പ്രധാന പ്രഖ്യാപനങ്ങളിൽ ഉൾപ്പെടുന്നു.

ബജറ്റിനിടയിൽ പല തവണ മന്ത്രി കേന്ദ്ര സർക്കാരിനെ വിമർശിച്ചു. ജിഎസ്ടി ധനസഹായം പൂർണമായും കേന്ദ്രം ഇതുവരെ നൽകിയിട്ടില്ലെന്നും ധനമന്ത്രി വ്യക്തമാക്കി. റബ്ബറിന്റെ താങ്ങുവില 170 രൂപയാക്കി ഉയർത്തുമെന്നും ധനമന്ത്രി വ്യക്തമാക്കി. നെല്ലിന്റെ സംഭരണ വില 28 രൂപയാക്കി. നാളികേരത്തിന്റെ സംഭരണ വില 32 രൂപയായും ഉയർത്തി.

kerala budget 2021

പ്രവാസി ക്ഷേമത്തിന് സർക്കാർ 120 കോടി ചെലവഴിച്ചതായും തോമസ് ഐസക്ക് വ്യക്തമാക്കി. സംസ്ഥാനത്തെ ശിശു മരണ നിരക്ക് 7% ആയി കുറഞ്ഞെന്നും ധനമന്ത്രി പറഞ്ഞു.