നാലാം ദിനവും സ്വര്‍ണവില മാറിയില്ല; അറിയാം ഇന്നത്തെ സ്വര്‍ണം, വെള്ളി നിരക്കുകള്‍

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

കൊച്ചി: സംസ്ഥാനത്ത് തുടര്‍ച്ചയായ നാലാം ദിനവും സ്വര്‍ണവിലയില്‍ മാറ്റമില്ല. പവന് 33,800 രൂപയും ഗ്രാമിന് 4,225 രൂപയുമായി തിങ്കളാഴ്ച്ച സ്വര്‍ണവില തുടരുന്നു. വെള്ളിയാഴ്ച്ചയാണ് സ്വര്‍ണവില ഏറ്റവുമൊടുവില്‍ പുതുക്കിയത്. അന്ന് പവന് 480 രൂപയും ഗ്രാമിന് 60 രൂപയും വില കൂടിയിരുന്നു. ഏപ്രിലിലെ ആദ്യ രണ്ടു ദിനം കൊണ്ട് സ്വര്‍ണത്തിന് 920 രൂപയാണ് വര്‍ധിച്ചത്.

 

മാര്‍ച്ചില്‍ സ്വര്‍ണത്തിന് 1,560 രൂപയുടെ വിലയിടിവ് സംഭവിച്ചിരുന്നു. പോയമാസം സ്വര്‍ണം കുറിച്ച ഏറ്റവും ഉയര്‍ന്ന നിരക്ക് 34,440 രൂപയും (മാര്‍ച്ച് 1) ഏറ്റവും കുറഞ്ഞ നിരക്ക് 32,880 രൂപയുമാണ് (മാര്‍ച്ച് 31). ഫെബ്രുവരിയിലും 2,640 രൂപയുടെ വിലയിടിവ് പൊന്നിന് സംഭവിച്ചിരുന്നു. വെള്ളി നിരക്കിലും ഇന്ന് മാറ്റമില്ല. 1 ഗ്രാം വെള്ളിക്ക് 65 രൂപയാണ് തിങ്കളാഴ്ച്ച വില. 8 ഗ്രാം വെള്ളിക്ക് വില 520 രൂപ.

സ്വർണവില ഇന്ന്

രാജ്യാന്തര വിപണിയിലെ ചലനം കണക്കിലെടുത്ത് ദേശീയ വിപണിയില്‍ ഇന്ന് സ്വര്‍ണം, വെള്ളി നിരക്കുകള്‍ താഴ്ന്നിട്ടുണ്ട്. രാജ്യത്തെ പ്രമുഖ ചരക്ക് വ്യാപാര കേന്ദ്രമായ എംസിഎക്‌സില്‍ (മള്‍ട്ടി കമ്മോഡിറ്റി എക്‌സ്‌ചേഞ്ച്) 10 ഗ്രാം സ്വര്‍ണം 0.14 ശതമാനം ഇടിവോടെ 45,355 രൂപ വില രേഖപ്പെടുത്തുന്നു (ജൂണ്‍ ഫ്യൂച്ചറുകള്‍). തിങ്കളാഴ്ച്ച വെള്ളിയുടെ കിലോ നിരക്ക് 65,070 രൂപയിലുമെത്തി.

സ്വാധീനിക്കുന്ന ഘടകങ്ങൾ

യുഎസ് ബോണ്ടുകളുടെ വരുമാനം ഉയരുന്നതും വാക്‌സിന്‍ വിതരണം ദ്രുതഗതിയില്‍ നടക്കുന്നതും ആഗോള സമ്പദ്ഘടനകളുടെ ശക്തമായ തിരിച്ചുവരവും സ്വര്‍ണവില കുറയാനുള്ള പ്രധാന ഘടകങ്ങളാണ്. 2020 മെയ് മാസത്തിന് ശേഷം ആദ്യമായി ബുള്ള്യണ്‍ അടിസ്ഥാനപ്പെടുത്തിയുള്ള എക്‌സ്‌ചേഞ്ച് ട്രേഡഡ് ഫണ്ടുകളുടെ (ഇടിഎഫ്) ആസ്തി കാര്യമായി ഇടിഞ്ഞിരിക്കുന്നതും ഇപ്പോള്‍ കാണാം.

വിലയിടിവ്

ഇന്ത്യയില്‍ കഴിഞ്ഞവര്‍ഷം ഓഗസ്റ്റ് മുതല്‍ സ്വര്‍ണവില താഴോട്ടാണ് സഞ്ചരിക്കുന്നത്. ഓഗസ്റ്റില്‍ 10 ഗ്രാമിന് 56,200 രൂപയെന്ന റെക്കോര്‍ഡ് വില കുറിച്ചതിന് ശേഷം പൊന്ന് 11,000 രൂപയിലേറെ പിന്‍വാങ്ങിക്കഴിഞ്ഞു. ഈ വര്‍ഷം ആദ്യ മൂന്നു മാസം കൊണ്ട് 10 ഗ്രാമിന് 5,000 രൂപയോളമാണ് കുറഞ്ഞത്. എംസിഎക്‌സില്‍ സ്വര്‍ണത്തിന്റെ പിന്തുണ നില 44,100 രൂപയും പ്രതിരോധ നില 46,150 രൂപയുമാണ്.

പണപ്പെരുപ്പം

ആഗോള വിപണിയില്‍ സ്വര്‍ണവില കാര്യമായി ചാഞ്ചാടിയിട്ടില്ല. ഡോളര്‍ സൂചികയുടെ കുതിപ്പും ട്രഷറി വരുമാനം വര്‍ധിച്ചതും സ്വര്‍ണത്തിന്റെ മുന്നേറ്റത്തിന് കടിഞ്ഞാണിടുന്നു. ഔണ്‍സിന് 1,728.60 ഡോളറാണ് ഇന്ന് രാജ്യാന്തര വിപണിയില്‍ സ്വര്‍ണത്തിന് വില. അമേരിക്കയില്‍ തൊഴിലവസരങ്ങള്‍ വര്‍ധിച്ചതും ബിസിനസ് നിയന്ത്രണങ്ങള്‍ കുറഞ്ഞതും സാമ്പത്തിക ഉത്തേജന പാക്കേജും പണപ്പെരുപ്പം സംബന്ധിച്ച വിപണിയിലെ ആശങ്കകള്‍ കുറച്ചത് കാണാം. ഇതേസമയം, ഈ സാഹചര്യം ബോണ്ട് വരുമാനം കൂട്ടി. തത്ഫലമായി സ്വര്‍ണത്തിന്റെ തിളക്കവും കുറഞ്ഞു.

ബോണ്ട് വരുമാനം കൂടുമ്പോൾ

പണപ്പെരുപ്പത്തെ ചെറുക്കാന്‍ നിക്ഷേപകര്‍ പ്രധാനമായും തേടുന്ന വഴിയാണ് സ്വര്‍ണം. എന്നാല്‍ നഷ്ട സാധ്യതയില്ലാത്ത ബോണ്ടുകളുടെ വരുമാനം വര്‍ധിക്കുമ്പോള്‍ പലിശ വരുമാനമില്ലാത്ത സ്വര്‍ണത്തില്‍ നിന്നും ആളുകള്‍ മുഖം തിരിക്കാറ് പതിവാണ്. മറ്റു വിലയേറിയ ലോഹങ്ങളില്‍ വെള്ളിയുടെ ഔണ്‍സ് നിരക്ക് ഇന്ന് 0.2 ശതമാനം വര്‍ധിച്ച് 25.01 ഡോളറിലെത്തി. പ്ലാറ്റിനത്തിന്റെ നിരക്ക് 0.4 ശതമാനം 1,214.03 ഡോളര്‍ തൊടുകയും ചെയ്തു.

Read more about: gold rate
English summary

Kerala Gold Price: Gold Rates Unchanged For 4th Consecutive Day, 1 Pavan Gold Records Rs 33,800 On Monday

Kerala Gold Price: Gold Rates Unchanged For 4th Consecutive Day, 1 Pavan Gold Records Rs 33,800 On Monday. Read in Malayalam.
Story first published: Monday, April 5, 2021, 14:59 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X