വീണ്ടും ഇടിഞ്ഞു, ഇന്ന് സ്വർണ വില പവന് 80 രൂപ കുറഞ്ഞു; ജ്വല്ലറികളിൽ തിരക്ക് കൂടുന്നു

ദേ വീണ്ടും കുറഞ്ഞു. ക്രിസ്മസ് തിരക്കിൽ കേരളത്തിലെ സ്വർണ വിലയിൽ ഇന്ന് നേരിയ ഇടിവ്. ഇന്നലെ സ്വർണ വില മാറ്റമില്ലാതെ വില തുടർന്നിരുന്നു. ഇന്നത്തെ വിലയിടിവ് വീണ്ടും ആശ്വാസമേകുന്നു. ഇന്ന് പവന് 80 രൂപയാണ് കുറഞ്ഞത്. കഴിഞ്ഞ മൂന്ന് ദിവസമായി ഒരേ വിലയിലാണ് വ്യാപാരം നടന്നത്.

ഡിസംബർ 20 ന് പവന് 240 രൂപ കുറഞ്ഞ് ഡിസംബറിലെ ഏറ്റവും കുറഞ്ഞ വിലയിലേക്ക് ഇടിഞ്ഞിരുന്നു. തൊട്ടുത്ത ദിവസം വില നേരിയ തോതിൽ ഉയർന്നിരുന്നു. എന്നാൽ ഇന്ന് വീണ്ടും വില ഇടിഞ്ഞു.

ഇന്നത്തെ വില

ഇന്ന് ഒരു ​ഗ്രാമിന് 10 രൂപ കുറഞ്ഞ് 7090 രൂപയായി. പവന് 80 രൂപ കുറഞ്ഞ് 56,720 രൂപയായി. ഇന്നത്തെ വിലപ്രകാരം 10 ​ഗ്രാം സ്വർണം വാങ്ങാൻ 70,900 രൂപയാവുന്നു. 24 കാരറ്റ് സ്വർണത്തിന് ഒരു ​ഗ്രാമിന് 7735 രൂപയും പവന് 61,880 രൂപയുമാവുന്നു. 18 ​കാരറ്റിന് ഒരു ​ഗ്രാമിന് 5801 രൂപയും പവന് 46,408 രൂപയുമാണ്. ഡിസംബർ 2ന് ഇതേ വിലയിലാണ് വ്യാപാരം നടന്നത്.

ക്രിസ്മസ് ആഘോഷത്തിൽ സ്വർണത്തിന് തളർച്ച

രാജ്യാന്തര വിപണി ക്രിസ്മസ് ആഘോഷങ്ങളുടെ തിരക്കിലാണ്. ഇതോടെ സ്വർണ വിലയിൽ കാര്യമായ കയറ്റം വരുന്നില്ല. ഇതേ ട്രെൻഡ് കേരളത്തിലും പ്രതിഫലിക്കുന്നു. കഴിഞ്ഞ 5 ദിവസമായി സ്വർണ വില 56000ൽ തുടരുകയാണ്. 

എന്നാൽ വരും ദിവസങ്ങളിൽ ഇന്ത്യയിൽ സ്വർണ വില ഉയരാൻ സാധ്യതയുണ്ടെന്ന് കണ്ടെത്തിയിരിക്കുന്നു. മാത്രമല്ല ഇസ്രയേൽ-ഹമാസ്, റഷ്യ-യുക്രെയ്ൻ പ്രശ്നങ്ങൾ അവസാനിക്കാത്തതിനാൽ രാജ്യാന്തര തലത്തിൽ സ്വർണ വില ഇനിയും ഉയരാൻ സാധ്യത ഏറെയാണ്. 

ഒരു പവൻ ആഭരണത്തിന് എത്ര വേണം?

ഇന്നത്തെ സ്വർണ വിലയ്ക്ക് പണിക്കൂലി, 3% ജി.എസ്.ടി, ഹോൾമാർക്ക് ചാർജ് (45 രൂപ)എന്നിവ നോക്കിയാൽ കേരളത്തിലെ ജ്വല്ലറിയിൽ നിന്നും ഇന്ന് ഒരു പവൻ സ്വർണാഭരണം വാങ്ങാൻ ഏകദേശം 61,390 രൂപ വേണം. ഒരു ​ഗ്രാം ആഭരണത്തിന് ഇന്ന് ഏകദേശം 7,710 രൂപ കൊടുക്കണം. ഏകദേശം 5% പണിക്കൂലി കണക്കാക്കുമ്പോൾ ഈ തുക വരും. എങ്കിലും ഓരോ ജ്വല്ലറികശും ആഭരണങ്ങളുടെ പണിക്കൂലി വ്യത്യാസപ്പെടുന്നതിനാൽ ഈ തുകയിലും നേരിയ മാറ്റങ്ങൾ വന്നേക്കാം.

ബുക്ക് ചെയ്യാം....

സ്വർണ വില വീണ്ടും കുറയുന്നു. ഇതാണ് ബെസ്റ്റ് ടൈം. ക്രിസ്മസ് ആഘോഷങ്ങൾക്ക് നടുവിലും ആഭരണപ്രേമികൾക്ക് ആശ്വസിക്കാം. സ്വർണം വാങ്ങുന്നവർക്ക് ഇന്നത്തെ വിലയ്ക്ക് തന്നെ ബുക്ക് ചെയ്യാം. ഇന്നത്തെ സ്വർണ വിലയിൽ നേരിയ ഇടിവാണെങ്കിലും അൽപം ആശ്വാസം നൽകുന്നു. വിവാഹ ആഭരണങ്ങൾ വാങ്ങുന്നവർ തന്നെ ബുക്ക് ചെയ്യാം. ഡിസംബറിൽ സ്വർണ വിലയിൽ പല മാറ്റങ്ങളും ഉണ്ടാവും. ചിലപ്പോൾ അപ്രതീക്ഷിതമായി സ്വർണ വില ഉയർന്നേക്കാം. നിലവിൽ 57000 കടന്നിട്ടില്ല.