ഇതെന്തു മറിമായം? സ്വർണ വില ഇടിയുന്നു, പവന് 240 രൂപ കുറഞ്ഞു; വിവാഹഘോഷങ്ങൾക്ക് ബെസ്റ്റ് ടൈം...

കേരളത്തിലെ സ്വർണത്തിന് ഇതെന്തു പറ്റി? സ്വർണ വില വീണ്ടും താഴേക്ക് വീഴുന്നു. ഡിസംബറിലെ ഏറ്റവും കുറഞ്ഞ വില ഇന്ന് രേഖപ്പെടുത്തി. പവന് ഇന്ന് 240 രൂപയാണ് കുറഞ്ഞത്. ഇത് വമ്പൻ ഇടിവാണ്. തുടർച്ചയായ മൂന്നാമത്തെ ദിവസമാണ് സ്വർണ വില ഇടിയുന്നത്. ഈ മാറ്റം പ്രവചനാതീതമാവുന്നു. യു.എസ് കേന്ദ്രബാങ്കായ ഫെഡറൽ റിസർവ് പലിശ കുറച്ചിട്ടും സ്വർണ വില ഇടിയുന്നു. ഇന്നത്തെ വിലക്കുറവ് വിവാഹ ആഘോഷങ്ങൾക്ക് ആഭരണം വാങ്ങുന്നവർക്ക് അനു​ഗ്രഹമായി.

ഇന്നത്തെ വില

ഇന്ന് ഒരു ​ഗ്രാമിന് 30 രൂപ കുറഞ്ഞ് 7040 രൂപയായി. പവന് 240 രൂപ കുറഞ്ഞ് 56,320 രൂപയുമായി. ഇന്ന് 10 ​ഗ്രാം സ്വർണം വാങ്ങാൻ 70,400 രൂപയാവുന്നു. 24 കാരറ്റ് സ്വർണത്തിന് ഒരു ​ഗ്രാമിന് 7680 രൂപയും പവന് 61,440 രൂപയുമാവുന്നു. 18 ​കാരറ്റിന് ഒരു ​ഗ്രാമിന് 5760 രൂപയും പവന് 46,080 രൂപയുമാണ്. ഡിസംബറിലെ കനത്ത ഇടിവാണ് ഇന്ന് രേഖപ്പെടുത്തിയത്. മൂന്ന് ദിവസം കൊണ്ട് 880 രൂപയാണ് പവന് കുറഞ്ഞത്. പലിശ വെട്ടിക്കുറച്ചിട്ടും സ്വർണ വിലയിൽ ഇടിവ്.

സ്വർണ വില കുറയുന്നു...

ഇന്നും സ്വർണ വില ഇടിഞ്ഞു. രാജ്യാന്തര വിപണിയിലെ മാറ്റം കേരളത്തിലെ സ്വർണ വിലയെ കാര്യമായി ബാധിക്കുന്നു. യു.എസ് ഫെഡ് റിസേർവ് പലിശ നിരക്ക് കുറച്ചെങ്കിലും സ്വർണ വില കുറഞ്ഞില്ല. ഇതിന് മറ്റു ചില കാരണങ്ങളുമുണ്ട്. അതായത് യുഎസ് ഡോളറിനെതിരെ രൂപയുടെ മൂല്യം തകർന്നതോടെ ഇന്ത്യയിലേക്കുള്ള സ്വർണത്തിൻ്റെ ഇറക്കുമതിച്ചെലവ് വർദ്ധിക്കാൻ കാരണമാവുന്നു. ഇത് സ്വർണ വിലയെ തളർത്തുന്നു. 

ഇന്ന് രാജ്യാന്തര വില ഔൺസിന് 2,590 ഡോളറിലേക്ക് ഇടിഞ്ഞു. നിലവിൽ 2,598 ഡോളറിലാണ് വ്യാപാരം പുരോഗമിക്കുന്നത്. തുടർച്ചയായ ഇടിവ് വന്നതോടെ നാളെ സ്വർണ വില ഉയരുമോ? നിലവിലെ വിലക്കുറവ് നിരന്തരമല്ലെന്ന് വ്യക്തമാണ്. 

ഡിസംബർ 1ന് 57,200 രൂപയിലാണ് സ്വർണ വില വ്യാപാരം നടന്നത്. ഇന്ന് ഡിസംബർ 20ന് വില 56,320ലെത്തി. 880 രൂപയാണ് 20 ദിവസം കൊണ്ട് പവന് കുറഞ്ഞത്. 

വില പിന്നെയും കുറയുന്നു... സ്വർണം വാങ്ങാം...

സ്വർണ വില പിന്നെയും ഇടിഞ്ഞു. സ്വർണാഭരണം വാങ്ങാൻ പ്ലാനുണ്ടോ? എങ്കിൽ വേ​ഗം ജ്വല്ലറിയിലേക്ക് വിട്ടോളൂ... ഇന്നത്തെ കുറഞ്ഞ സ്വർണ വിലയിൽ ആഭരണം വാങ്ങാം... വിവാഹാഘോഷങ്ങൾക്ക് തയ്യാറെടുക്കുന്നവരും ഇന്ന് തന്നെ അഡ്വാൻസ് ബുക്ക് ചെയ്യുന്നതാണ് നല്ലത്. ഇന്നേക്ക് മൂന്നാമത്തെ ദിവസമാണ് സ്വർണ വില ഇടിയുന്നത്. ഇതേ വിലക്കുറവ് നാളെയും പ്രതീക്ഷിക്കരുത്. ഒരു കനത്ത വിലക്കയറ്റത്തിനു മുന്നേ സ്വർണാഭരണം വാങ്ങിക്കോളൂ.....