ഡിസംബറിൽ സ്വർണ വില താഴേക്ക്, ഇന്ന് 480 രൂപ കുറഞ്ഞു; ആഭരണപ്രേമികൾക്ക് ആശ്വസിക്കാം

സംസ്ഥാനത്തെ സ്വർണ വിലയിൽ വമ്പൻ ഇടിവ്. ഡിസംബറിൽ സ്വർണം താഴേക്ക് ഇടിയുന്നു. ഇന്ന് പവന് 480 രൂപയാണ് കുറഞ്ഞത്. ഇന്നത്തെ വലിയ ഇടിവ് ആഭരണപ്രേമികൾക്ക് ഏറെ ആശ്വാസകരമായ വാർത്തയായി. കഴിഞ്ഞ രണ്ട് ദിവസമായി സ്വർണ വില കുറഞ്ഞിരുന്നു. ശനിയാഴ്ച പവന് 80 രൂപയായിരുന്നു കുറഞ്ഞത്. നവംബർ 28 നു പവന് 56720 രൂപയായിരുന്നു. അതേ വിലയിലാണ് ഇന്നത്തെ വ്യാപാരവും നടക്കുന്നത്. സ്വർണ വില ഇനിയും കുറയുമോ? ഡിസംബറിൽ പല മാറ്റങ്ങളും വിലയിൽ സംഭവിച്ചേക്കാം.

ഇന്നത്തെ വില

ഇന്ന് ഒരു ​ഗ്രാമിന് 60 രൂപ കുറഞ്ഞ് 7090 രൂപയായി. പവന് 480 രൂപ കുറഞ്ഞ് 56,720 രൂപയായി. ഡിസംബറിൽ ഇതുവരെ വില കയറിയിട്ടില്ല. ഇന്നത്തെ വിലപ്രകാരം 10 ​ഗ്രാം സ്വർണം വാങ്ങാൻ 70,900 രൂപയാവുന്നു. 24 കാരറ്റ് സ്വർണത്തിന് ഒരു ​ഗ്രാമിന് 7735 രൂപയും പവന് 61,880 രൂപയുമാവുന്നു. 18 ​കാരറ്റിന് ഒരു ​ഗ്രാമിന് 5801 രൂപയും പവന് 46,408 രൂപയുമാണ്.

 

രാജ്യാന്തര വിലയിലെ കയറ്റവും ഇറക്കവുമാണ് സ്വർണ വിലയിൽ മാറ്റം വരുന്നത്. റഷ്യ- ഉക്രൈൻ ആക്രമണങ്ങൾക്ക് അവസാനം കുറിക്കാൻ സാധിക്കാതിരുന്നത് സ്വർണവിലയ്ക്ക് അനുഗ്രഹമായിരുന്നു. എന്നാൽ ഇന്നത്തെ വീഴ്ച അപ്രതീക്ഷിതമായിരുന്നു.

ബുക്ക് ചെയ്യുന്നുണ്ടോ?

സ്വർണ വില വീണ്ടും കുറയുന്നു. ഇതാണ് ബെസ്റ്റ് ടൈം. സ്വർണം വാങ്ങുന്നവർക്ക് ഇന്നത്തെ വിലയ്ക്ക് തന്നെ ബുക്ക് ചെയ്യാം. ഇന്നത്തെ സ്വർണ വില അൽപം ആശ്വാസം നൽകുന്നു. വിവാഹ ആഭരണങ്ങൾ വാങ്ങുന്നവർ തന്നെ ബുക്ക് ചെയ്യാം. ഡിസംബറിൽ സ്വർണ വിലയിൽ പല മാറ്റങ്ങളും ഉണ്ടാവും. ചിലപ്പോൾ അപ്രതീക്ഷിതമായി സ്വർണ വില ഉയർന്നേക്കാം. നിലവിൽ 57000 കടന്നിട്ടില്ല.