സ്വർണം വാങ്ങാം: തുടർച്ചയായ വിലക്കയറ്റത്തിനൊടുവിൽ ഇന്ന് സ്വർണ വിലയിൽ ഇടിവ്; പവന് 440 രൂപ കുറഞ്ഞു

നീണ്ട 6 ദിവസത്തിനു ശേഷം കേരളത്തിലെ സ്വർണ വില കുറഞ്ഞു. ഡിസംബർ 9 മുതൽ 11 വരെ തുടർച്ചയായിട്ടാണ് വില കയറിയത്. ഇന്നത്തെ വില ഇടിഞ്ഞതോടെ വില 57,000ലേക്ക് ഇറങ്ങി. ഇത് സാധാരണക്കാർക്കും ആഭരണപ്രേമികൾക്കും ആശ്വാസകരമായ വാർത്തയാണ്. ഈ മാസത്തെ ട്രെൻഡ് അനുസരിച്ച് ഒരു ദിവസം സ്വർണ വിലയിൽ മാറ്റമില്ലാതെ തുടർന്നാൽ തൊട്ടടുത്ത ദിവസം വില ഇടിയുന്നു. ഇന്നലെ സ്വർണ വില മാറ്റമില്ലായിരുന്നു. ബുധനാഴ്ച സ്വർണ വില പവന് 640 രൂപ വർദ്ധിച്ച് 58,280 രൂപയായിരുന്നു.

ഇന്നത്തെ വില

ഇന്ന് ഒരു ​ഗ്രാമിന് 55 രൂപ കുറഞ്ഞ് 7230 രൂപയായി. പവന് 440 രൂപ ഇടിഞ്ഞ് 57,840 രൂപയായി. ഇന്നത്തെ വിലപ്രകാരം 10 ​ഗ്രാം സ്വർണം വാങ്ങാൻ 72,300 രൂപയാവുന്നു. 24 കാരറ്റ് സ്വർണത്തിന് ഒരു ​ഗ്രാമിന് 7887 രൂപയും പവന് 63,096 രൂപയുമാവുന്നു. 18 ​കാരറ്റിന് ഒരു ​ഗ്രാമിന് 5916 രൂപയും പവന് 47,328 രൂപയുമാണ്.

സ്വർണവും യുദ്ധവും....

സിറിയൻ സംഘർഷം, യു.എസ് പലിശ നിരക്ക് കുറയുന്നത്, ചൈന സ്വർണം വാങ്ങുന്നത് വീണ്ടും തുടങ്ങിയത് അങ്ങനെ സ്വർണ വില ഉയരാൻ കാരണങ്ങൾ ഒരുപാടുണ്ട്. സാധാരണയായി യുദ്ധങ്ങൾ പുറപ്പെടുവിച്ചാൽ സ്വർണ വിലയ്ക്ക് ഏറെ അനുകൂലമാണ്. മാത്രമല്ല യു.എസ് സാമ്പദ് വ്യവസ്ഥയും സ്വർണ വിലയെ സ്വാധീനിക്കുന്നുണ്ട്. രാജ്യാന്തര വില ഇന്ന് 2,686 ഡോളറിലാണ് വ്യാപാരം നടക്കുന്നത്. കനത്ത ഇടിവാണ് ഇന്ന് രേഖപ്പെടുത്തിയത്. ഇതിനു മുന്നേ 2,700നു മുകളിലേയ്ക്ക് വില ഉയർന്നിരുന്നു.

സ്വർണത്തിന് വില ഉയരുമ്പോൾ ആളുകളെല്ലാം സ്വർണ നിക്ഷേപങ്ങളിൽ ഇൻവെസ്റ്റ് ചെയ്യും. അതായത് സ്വർണത്തിന് വില കയറുമ്പോഴാണ് സ്വർണ നിക്ഷേപങ്ങൾക്കും മൂല്യം വർദ്ധിക്കുന്നത്. ഗോൾഡ് ഇടിഎഫ് പോലുള്ള നിക്ഷേപങ്ങളിൽ നിന്ന് അധികമായി ലാഭം എടുക്കാൻ തുടങ്ങിയതോടെയാണ് ഇന്ന് സ്വർണ വില ഇടിഞ്ഞത്.

വിലയിൽ ഇടിവ്, അഡ്വാൻസ് ബുക്ക് ചെയ്യുന്നുണ്ടോ?

സ്വർണ വില ഇടിഞ്ഞതോടെ സ്വർണാഭരണം വാങ്ങാനുള്ള തിരക്കും വർദ്ധിക്കും. ആഭരണം വാങ്ങാൻ പ്ലാനുള്ളവർ ഇന്ന് അഡ്വാൻസ് ബുക്ക് ചെയ്യുന്നതാണ് നല്ലത്. വിവാഹം പോലുള്ള ആഘോഷങ്ങൾക്കു വേണ്ടി ആഭരണം വാങ്ങുന്നവരും ഇന്നത്തെ വിലയിൽ ബുക്ക് ചെയ്തോളൂ. നാളെയും വില കുറഞ്ഞാൽ ആഭരണം വാങ്ങുന്നവരുടെ എണ്ണം കൂടിയേക്കാം. എന്നാൽ സ്വർണ വില പ്രവചനാതീതമായതിനാൽ വില കുറയുമ്പോൾ മുൻകൂട്ടി ചെയ്യുന്നതാണ് നല്ലത്.