പുതുവർഷത്തിലേക്ക് കടക്കുമ്പോൾ സ്വർണ വില കുത്തനെ ഇടിഞ്ഞു, സ്വർണം വീണ്ടും 56000ലേക്ക് വീണു

2024 അവസാനിക്കുന്നു. 2024നോട് വിടപറയുമ്പോൾ ഇന്ന് സ്വർണ വിലയിൽ കനത്ത ഇടിവ്. പവന് 320 രൂപയാണ് ഒറ്റയടിക്ക് കുറഞ്ഞത്. ഇന്നത്തെ വിലക്കുറവ് ഏറെ ആശ്വാസകരമാണ്. ആഭരണപ്രേമികൾക്കും വിവാഹ ആഘോഷങ്ങൾക്ക് ഒരുങ്ങുന്നവർക്കും ഇന്നത്തെ വിലയിൽ ധൈര്യമായി ആഭരണം എടുക്കാം. വില കുറഞ്ഞതോടെ സ്വർണം 56000ലേക്ക് വീണു. ഇന്നലെ 120 രൂപ പവന് വർദ്ധിച്ചിരുന്നു.

ഇന്നത്തെ വില

ഇന്ന് ഒരു ​ഗ്രാമിന് 40 രൂപ കുറഞ്ഞ് 7110 രൂപയായി. പവന് 320 രൂപ കുറഞ്ഞ് 56,880 രൂപയായി. ഇന്നത്തെ വിലപ്രകാരം 10 ​ഗ്രാം സ്വർണം വാങ്ങാൻ 71,110 രൂപയാവുന്നു. 24 കാരറ്റ് സ്വർണത്തിന് ഒരു ​ഗ്രാമിന് 7756 രൂപയും പവന് 62,048 രൂപയുമാവുന്നു. 18 ​കാരറ്റിന് ഒരു ​ഗ്രാമിന് 5818 രൂപയും പവന് 46,544 രൂപയുമാണ്.

ഒരു പവൻ ആഭരണത്തിന് എത്ര വേണം?

ഇന്ന് സ്വർണ വില കുറഞ്ഞു. സ്വാഭാവികമായും ആഭരണത്തിന്റെ വിലയിലും കുറവുണ്ട്. 3% ജി.എസ്.ടി, പണിക്കൂലി, ഹോൾമാർക്ക് ചാർജ് (53.10 രൂപ) എന്നിവ നോക്കിയാൽ കേരളത്തിലെ ജ്വല്ലറിയിൽ നിന്നും ഇന്ന് ഒരു പവൻ സ്വർണാഭരണം വാങ്ങാൻ ഏകദേശം 61,565 രൂപ വേണം. ഒരു ​ഗ്രാം ആഭരണത്തിന് ഇന്ന് ഏകദേശം 7,740 രൂപ കൊടുക്കണം. പണിക്കൂലി മാറുന്നതിനനുസരിച്ച് ഓരോ ജ്വല്ലറികളിലും ഈ വിലയിൽ നേരിയ മാറ്റങ്ങൾ വന്നേക്കാം.

രാജ്യാന്തര വിലയിലെ ചലനങ്ങൾ കേരളത്തിലെ സ്വർണത്തെ ശക്തമായി ബാധിക്കുന്നു. ഇസ്രയേൽ-ഹമാസ് സംഘർഷം, റഷ്യ-യുക്രെയ്ൻ യുദ്ധം എന്നിവ സ്വർണ വിലക്ക് ആശ്വാസമായി മാറി. കണക്ക് പരിശോധിച്ചാൽ ഓഹരി വിപണിയേക്കാൾ വമ്പൻ നേട്ടമാണ് സ്വർണത്തിലൂടെ ലഭിച്ചത്. 2025ലും ഇതേ കുതിപ്പ് സ്വർണ വിലയിൽ ഉണ്ടാവുമെന്നാണ് റിപ്പോർട്ട് പറയുന്നത്. 

ഈ വർഷത്തെ അവസാന ദിവസം തന്നെ ബുക്ക് ചെയ്തോളൂ...

2024 അവസാനിക്കുന്നു. പുതുവർഷത്തിലേക്ക് പ്രവേശിക്കാൻ മണിക്കൂറുകൾ മാത്രം ബാക്കി നിൽക്കെ ഇന്ന് കേരളത്തിലെ സ്വർണ വില ഇടിഞ്ഞു. ഇന്ന് വീണ്ടും 56000ലേക്ക് വില ഇടിഞ്ഞു. അതിനാൽ വേ​ഗം തന്നെ ആഭരണം ബുക്ക് ചെയ്തോളൂ... വിവാഹ ആഘോഷങ്ങൾക്ക് തയ്യാറെടുക്കുന്നവർക്ക് ഇന്നത്തെ വിലക്കുറവ് ഏറെ ആശ്വാസകരമാണ്.