സ്വർണ വില ഇന്നും കത്തിക്കയറുന്നു, 58,000 കടന്നു; മൂന്ന് ദിവസം കൊണ്ട് വർദ്ധിച്ചത് 1360 രൂപ

സ്വർണ വില കത്തിക്കയറുന്നു. തുടർച്ചയായ അഞ്ചാം ദിവസവും സ്വർണ വില കുറഞ്ഞില്ല. ഇന്നത്തെ വിലക്കയറ്റത്തിലൂടെ സ്വർണം പവന് 58000 കടന്നു. ഈ വിലക്കയറ്റം സാധാരണക്കാരെ കാര്യമായി ബാധിക്കും. മാത്രമല്ല വിവാഹ ആവശ്യങ്ങൾക്കായി സ്വർണം വാങ്ങുന്നവർക്ക് വലിയ തിരിച്ചടിയാണ്. ഇന്ന് പവന് 640 രൂപയാണ് വീണ്ടും വർദ്ധിച്ചത്. അതായത് മൂന്ന് ദിവസം കൊണ്ട് 1360 രൂപയാണ് പവന് വർദ്ധിച്ചത്. ഈ വിലക്കയറ്റം ഡിസംബറിലെ ഏറ്റവും ഉയർന്ന നിരക്കാണ്. ഇനിയും വില ഉയർന്നാൽ 60,000 ഭേദിക്കാൻ സാധ്യതയുണ്ട്.

ഇന്നത്തെ വില

ഇന്ന് ഒരു ​ഗ്രാമിന് 80 രൂപ വർദ്ധിച്ച് 7285 രൂപയായി. പവന് 640 രൂപ വർദ്ധിച്ച് 58,280 രൂപയായി. ഇന്നത്തെ വിലപ്രകാരം 10 ​ഗ്രാം സ്വർണം വാങ്ങാൻ 72,850 രൂപയാവുന്നു. 24 കാരറ്റ് സ്വർണത്തിന് ഒരു ​ഗ്രാമിന് 7947 രൂപയും പവന് 63,576 രൂപയുമാവുന്നു. 18 ​കാരറ്റിന് ഒരു ​ഗ്രാമിന് 5961 രൂപയും പവന് 47,688 രൂപയുമാണ്.

വിലക്കയറ്റത്തിന് കാരണം...

സിറിയയിലെ രാഷ്ട്രീയ സംഘർഷങ്ങളും ഒപ്പം ചൈനയുടെ സ്വർണം വാങ്ങലും കേരളത്തിലെ സ്വർണ വിലയെയും കാര്യമായി സ്വാധീനിക്കുന്നുണ്ട. അതെല്ലാമാണ് പ്രധാനമായും സ്വർണ വില ഉയരാൻ കാരണമാവുന്നത്.

മാത്രമല്ല യു.എസ് പലിശ നിരക്ക് കുറയുമെന്ന വാർത്തയും സ്വർണ വിലയ്ക്ക് അനുകൂലമായ സാഹചര്യമാണ് ഉണ്ടാക്കുന്നത്.

വില 60,000 കടക്കുമോ?

ഈ ആഴ്ചയിലെ മൂന്നാമത്തെ ദിവസമാസ ഇന്നും വില മുന്നോട്ട് ഉയരുന്നു. ഇനിയും വില ഉയരുമോ? ഈ വിലയിൽ സ്വർണം വാങ്ങാൻ പ്ലാനുണ്ടോ? നാളെയും ശക്തമായ വിലക്കയറ്റം വന്നാൽ സ്വർണ വില 59,000 തൊടും. ഇത് സാധാരണക്കാർക്ക് ഒട്ടും സ്വീകാര്യമായ വിലക്കയറ്റമല്ല. വില ഇനിയും ഉയരുന്നതോടെ സ്വർണം വാങ്ങുന്നവരുടെ എണ്ണത്തിലും കുറവു വന്നേക്കാം.

ഇന്നത്തെ വിലയിൽ അഡ്വാൻസ് ബുക്ക് ചെയ്യാം. ഇനിയും വരും ദിവസങ്ങളിൽ വില ഉയർന്നേക്കാം.