കൊച്ചി: സംസ്ഥാനത്ത് ഇന്ന് സ്വര്ണവിലയില് മാറ്റമില്ല. പവന് 35,600 രൂപയും ഗ്രാമിന് 4,450 രൂപയുമായി കേരളത്തില് സ്വര്ണവില തുടരുകയാണ്. ഇന്നലെ പവന് 160 രൂപയും ഗ്രാമിന് 20 രൂപയും വില കുറഞ്ഞിരുന്നു. മെയ് മാസത്തെ ഏറ്റവും ഉയര്ന്ന നിരക്കിലാണ് സ്വര്ണം ചൊവാഴ്ച്ച (മെയ് 11) എത്തിയത്. ഈ ദിവസം പവന് 35,760 രൂപയും ഗ്രാമിന് 4,470 രൂപയുമായിരുന്നു നിരക്ക്. ഈ മാസം സ്വര്ണം രേഖപ്പെടുത്തിയ ഏറ്റവും കുറഞ്ഞ വിലനിലവാരം പവന് 35,040 രൂപയാണ് (മെയ് 1, 2 തീയതികളില്).
മെയ് മാസം ഇതുവരെ പവന് 560 രൂപയുടെ വിലവര്ധനവ് സംഭവിച്ചു. ഏപ്രിലില് 1,720 രൂപയാണ് പവന് വില കൂടിയത്. ഇതേസമയം, മാര്ച്ചില് 1,560 രൂപയും ഫെബ്രുവരിയില് 2,640 രൂപയും പവന് വില കുറഞ്ഞിരുന്നു. കഴിഞ്ഞമാസം സ്വര്ണം കുറിച്ച ഏറ്റവും ഉയര്ന്ന നിരക്ക് 36,080 രൂപയും (ഏപ്രില് 22) ഏറ്റവും കുറഞ്ഞ നിരക്ക് 33,320 രൂപയുമായിരുന്നു (ഏപ്രില് 1). സംസ്ഥാനത്തെ വെള്ളി നിരക്കിലും ഇന്ന് ചെറിയ മാറ്റമുണ്ട്. 1 ഗ്രാം വെള്ളിക്ക് 71.13 രൂപയാണ് വ്യാഴാഴ്ച്ച വില. 8 ഗ്രാം വെള്ളിക്ക് വില 569 രൂപ.
ഇന്ത്യയിലെ പ്രധാന നഗരങ്ങളിലെ സ്വര്ണവില ചുവടെ കാണാം (8 ഗ്രാം 22 കാരറ്റ് സ്വര്ണം).
ബെംഗളൂരു: പവന് 35,600 രൂപ
ചെന്നൈ: പവന് 36,000 രൂപ
ഹൈദരാബാദ്: പവന് 35,600 രൂപ
കൊല്ക്കത്ത: പവന് 36,640 രൂപ
മംഗലാപുരം: പവന് 35,600 രൂപ
മുംബൈ: പവന് 35,776 രൂപ
മൈസൂരു: പവന് 35,600 രൂപ
ദില്ലി: പവന് 36,720 രൂപ
രാജ്യത്തെ പ്രമുഖ ചരക്ക് വ്യാപാര കേന്ദ്രമായ എംസിഎക്സില് (മള്ട്ടി കമ്മോഡിറ്റി എക്സ്ചേഞ്ച്) 10 ഗ്രാമിന് 160 രൂപ കുറഞ്ഞ് 47,473 രൂപയാണ് സ്വര്ണം ഇന്ന് വില രേഖപ്പെടുത്തുന്നത്. 0.28 ശതമാനം ഇടിവ്. വെള്ളിയുടെ കിലോ നിരക്ക് 769 രൂപ കുറഞ്ഞ് 71,165 രൂപയിലുമെത്തി. ഇടിവ് 1.07 ശതമാനം. രാജ്യാന്തര വിപണിയില് സ്വര്ണത്തിന് വില കൂടുന്ന ചിത്രമാണ് ഇന്നുള്ളത്. അമേരിക്കയുടെ കേന്ദ്ര ബാങ്കായ ഫെഡറല് റിസര്വ് പലിശ നിരക്ക് കൂട്ടില്ലെന്ന പ്രതീക്ഷ സ്വര്ണത്തിന് ഗുണം ചെയ്യുകയാണ്. ഇതേസമയം ഏപ്രിലില് കരുതിയതിലും മുകളില് പണപ്പെരുപ്പം രേഖപ്പെടുത്തിയതോടെ അമേരിക്കയുടെ ട്രഷറി വരുമാനം കൂടി. ഈ സാഹചര്യം സ്വര്ണത്തിന്റെ വലിയ കുതിപ്പിന് കടിഞ്ഞാണിടുന്നുണ്ട്.
വ്യാഴാഴ്ച്ച ഔണ്സിന് 1,819.7 ഡോളര് എന്ന കമ്പോള വിലയിലാണ് സ്വര്ണ വ്യാപാരം പുരോഗമിക്കുന്നത്. 0.2 ശതമാനം വര്ധനവ്. യുഎസ് സ്വര്ണ ഫ്യൂച്ചറുകളിലും 0.2 ശതമാനം വര്ധനവ് ദൃശ്യമാണ്. 1,819.10 ഡോളര് നിലവാരം യുഎസ് സ്വര്ണ ഫ്യൂച്ചറുകള് ഇന്ന് കയ്യടക്കുന്നു.