ഇന്നലെ കുറഞ്ഞ സ്വർണ വില ഇന്ന് മാറ്റമില്ലാതെ തുടരുന്നു; ഈ ട്രെൻഡ് വിലക്കയറ്റത്തിനുള്ള സൂചനയാണോ?

കേരളത്തിൽ വീണ്ടും സ്വർണ വില മാറ്റമില്ലാതെ തുടരുന്നു. ആഭരണപ്രേമികൾക്ക് ഇത് സന്തോഷ നിമിഷം. കഴിഞ്ഞ മൂന്ന് ദിവസത്തിന് ശേഷമായിരുന്നു ഇന്നലെ സ്വർണ വില പവന് 200 രൂപ കുറഞ്ഞത്. നേരിയ കുറവാണെങ്കിലും സാധാരണക്കാർക്ക് ഇത് ആശ്വാസകരമായ വാർത്തയാണ്. ഇന്നും ഇതേ വിലയിൽ തന്നെയാണ് വ്യാപാരം നടക്കുന്നത് എന്നതും ഏറെ സന്തോഷം. എന്നാൽ ഈ ട്രെൻഡ് വിലക്കയറ്റത്തിനുള്ള സൂചനയാണോ?

ഇതിനു മുന്നേ ഡിസംബർ 4ന് മാറ്റമില്ലാതെ വില നിലനിന്നിരുന്നു. എന്നാൽ അതിന്റെ തൊട്ടടുത്ത ദിവസം ഡിസംബർ 5 ന് വില കയറി. ഇന്ന് വിലയിൽ മാറ്റമില്ലാതെ തുടരുന്നതിനാൽ നാളെ വില ഉയരാൻ സാധ്യതയുണ്ട് എന്ന് മനസിലാക്കാം. രാജ്യാന്തര വിപണിയിലെ വിവിധ മാറ്റങ്ങളാണ് സ്വർണ വിലയെ സാരമായി ബാധിക്കുന്നത്.

ഇന്നത്തെ വില

ഇന്നത്തെ വിലയിൽ യാതൊരു മാറ്റവുമില്ല. ഇന്നലെ വ്യാപാരം പുരോ​ഗമിച്ച അതേ വിലയിലാണ് ഇന്നത്തെ വ്യാപാരവും. ഇന്നും ഒരു ​ഗ്രാമിന് 25 രൂപ കുറഞ്ഞ് 7115 രൂപയായി. പവന് 200 രൂപ കുറഞ്ഞ് 56,920 രൂപയായി. ഇന്നത്തെ വിലപ്രകാരം 10 ​ഗ്രാം സ്വർണം വാങ്ങാൻ 71,150 രൂപ നൽകണം. 24 കാരറ്റ് സ്വർണത്തിന് ഒരു ​ഗ്രാമിന് 7762 രൂപയും പവന് 62,096 രൂപയുമാവുന്നു. 18 ​കാരറ്റിന് ഒരു ​ഗ്രാമിന് 5822 രൂപയും പവന് 46,576 രൂപയുമാണ്.

സ്വർണ വില മാറ്റമില്ലാതെ തുടരുന്നത് രാജ്യാന്തര വിലയിലെ മാറ്റങ്ങളാണ്. 

സ്വർണം ബുക്ക് ചെയ്യുന്നുണ്ടോ?

ഇതാണ് ബെസ്റ്റ് ടൈം. ഇന്ന് സ്വർണ വില മാറ്റമില്ലാതെ തുടരുന്നു. ആഭരണങ്ങൾ വാങ്ങാൻ പ്ലാനുണ്ടെങ്കിൽ ഇന്ന് തന്നെ ബുക്ക് ചെയ്തോളൂ. ഇന്നത്തെ വിലയിൽ തന്നെ എടുക്കാം. വിവാഹമോ ആവശ്യങ്ങളോ ഉള്ളവർ ഇന്ന് ബുക്ക് ചെയ്യുന്നത് നല്ല തീരുമാനമായിരിക്കും. ഒരു പക്ഷേ അടുത്ത ദിവസങ്ങളിൽ വില വർദ്ധിച്ചേക്കാം. ഇന്ന് ബുക്ക് ചെയ്താൽ ഇന്നത്തെ വിലയിൽ തന്നെ പർച്ചേസ് ചെയ്യാം. സ്വർണ വിലയിലെ കയറ്റിറക്കങ്ങൾ പ്രവചനാതീതമാണ്.