ക്രിസ്മസ് ആഘോഷം പൊടിപൊടിക്കുമ്പോൾ സ്വർണ വിലയിലും നേരിയ കയറ്റം; പവന് 80 രൂപ ഉയർന്നു

ഇന്ന് ലോകമെമ്പാടും ക്രിസ്മസ് ആഘോഷിക്കുമ്പോൾ സ്വർണ വില ഉയ‍ർന്നു. കേരളത്തിൽ ഇന്നലെ സ്വർണ വില പവന് 80 രൂപ കുറഞ്ഞിരുന്നു. എന്നാൽ ഇന്ന് പവന് 80 രൂപ വർദ്ധിച്ചു. ഇന്നലെ ഇറങ്ങിയ വില ഇന്ന് കയറി. എങ്കിലും കാര്യമായ ഒരു ഉയർച്ച വന്നിട്ടില്ല. ക്രിസ്മസ് ആഘോഷത്തിൽ സ്വർണ വിലയിൽ കാര്യമായ കയറ്റം വന്നിട്ടില്ല എന്നത് ആശ്വാസകരം. രാജ്യാന്തര വിപണിയുടെ ചലനങ്ങളാണ് കേരളത്തിലും പ്രതിഫലിക്കുന്നത്.

ഇന്നത്തെ വില

ഇന്ന് ഒരു ​ഗ്രാമിന് 10 രൂപ വർദ്ധിച്ച് 7100 രൂപയായി. പവന് 80 രൂപ വർദ്ധിച്ച് 56,800 രൂപയായി. 10 ​ഗ്രാം സ്വർണത്തിന് ഇന്നും 71,000 രൂപ വേണം. 24 കാരറ്റ് സ്വർണത്തിന് ഒരു ​ഗ്രാമിന് 7745 രൂപയും പവന് 61,960 രൂപയുമാവുന്നു. 18 ​കാരറ്റിന് ഒരു ​ഗ്രാമിന് 5809 രൂപയും പവന് 46,472 രൂപയുമാണ്. ഡിസംബർ 23ന് വ്യാപാരം പുരോ​ഗമിച്ച അതേ വിലയിലാണ് ഇന്നത്തെ വ്യാപാരം നടക്കുന്നത്.

ഒരു പവൻ ആഭരണത്തിന് എത്ര വേണം?

ഇന്നത്തെ സ്വർണ വിലയിൽ 3% ജി.എസ്.ടി, ഹോൾമാർക്ക് ചാർജ് (45 രൂപ), പണിക്കൂലി എന്നിവ നോക്കിയാൽ കേരളത്തിലെ ജ്വല്ലറിയിൽ നിന്നും ഇന്ന് ഒരു പവൻ സ്വർണാഭരണം വാങ്ങാൻ 61,475 രൂപ വേണം. ഒരു ​ഗ്രാം ആഭരണത്തിന് ഇന്ന് 7725 രൂപ കൊടുക്കണം. പണിക്കൂലിയിലെ നേരിയ മാറ്റങ്ങളാണ് സ്വർണാഭരണ വിലയിലും വ്യത്യാസം ഉണ്ടാവാൻ കാരണമാവുന്നത്. ഇവിടെ 5% പണിക്കൂലിയുടെ അടിസ്ഥാനത്തിലാണ് ഈ വില കണക്കാക്കുന്നത്. ഇതിൽ വ്യത്യാസം വന്നേക്കാം.

വില ഉയരുന്നു....

സ്വർണ വില ഉയരുന്നതിനാൽ ഇന്ന് അഡ്വാൻസ് ബുക്ക് ചെയ്യുന്നുണ്ടോ? നാളെയും വില കയറിയാൽ സ്വർണം വെറും സ്വപ്നമായേക്കാം. വിവാഹ ആവശ്യങ്ങൾക്കായി ആഭരണം വാങ്ങുന്നവർക്ക് ഇന്നത്തെ വിലയിൽ അഡ്വാൻസ് ബുക്ക് ചെയ്യുന്നതാണ് നല്ലത്. ഒരു പക്ഷേ അടുത്ത ദിവസങ്ങളിൽ വില വർദ്ധിച്ചേക്കാം, അതിനു മുന്നേ ആഭരണം ഇന്നത്തെ വിലയിൽ തന്നെ ബുക്ക് ചെയ്യാം.