കുതിപ്പ് നിലച്ചു: സ്വർണ വില താഴേക്ക് വീഴുന്നു, രാജ്യാന്തര വിപണിയും മൂക്ക് കുത്തി

ആഭരണപ്രേമികൾക്ക് ഇത് ബെസ്റ്റ് ടൈെ തന്നെ. ഇന്നും സംസ്ഥാനത്തെ സ്വർണ വില കുറഞ്ഞു. ഇന്ന് 880 രൂപ പവന് വീണ്ടും കുറഞ്ഞു. നവംബർ 9 മുതൽ സ്വർണവില താഴേക്ക് ഇടിയുന്നു. ഇതാദ്യമായിട്ടാണ് ഇത്രയും ദിവസത്തോളം സ്വർണവില ഇടിയുന്നത്. രാജ്യാന്തര വിപണിയിലെ മാറ്റങ്ങളാണ് സ്വർണ വില കേരളത്തിലും കുറയുന്നത്. ഇന്നലെ പവന് 320 രൂപയോളം കുറ‍ഞ്ഞിരുന്നു. നവംബറിലെ സ്വർണ വില നോക്കിയാൽ ഇന്ന് വരെ 4160 രൂപയാണ് ഇതുവരെ കുറഞ്ഞത്.

ഇന്നത്തെ വില

ഇന്ന് സ്വർണ വില ഒരു ​ഗ്രാമിന് 110 രൂപ കുറഞ്ഞ് ഇന്ന് 6935 രൂപയായി. അതായത് ​ഗ്രാമിന്റെ വില 7000നു താഴേക്ക് എത്തി. പവന് 880 രൂപ കുറഞ്ഞ് ഇന്ന് 55,480 രൂപയായി. സ്വർണ വില വീണ്ടും താഴേക്ക് പതിക്കുന്നു. ഇതോടെ സ്വർണത്തിന് കനത്ത ഇടിവാണ് സംഭവിക്കുന്നത്. ഇതോടെ ആഭരണപ്രേമികൾക്ക് ആശ്വസിക്കാവുന്ന വാർത്തയാണ് വരുന്നത്. സ്വർണത്തിന്റെ കുതിപ്പ് നിലച്ചു താഴേക്ക് വീഴുന്നു. ഇന്നത്തെ വിലപ്രകാരം 10 ​ഗ്രാം സ്വർണം വാങ്ങാൻ 69350 രൂപയാവുന്നു.

ഒരു പവൻ ആഭരണം വാങ്ങാൻ എത്ര രൂപ വേണം.?

ഇന്നും സ്വർണവില ഇടിഞ്ഞതിനാൽ ആഭരണത്തിനും വില ഇടിയും. 3% ജി.എസ്.ടി, ഹോൾമാർക്ക് ചാർജ് (53.10 രൂപ), പണിക്കൂലി എന്നിവ കണക്കാക്കിയാൽ ഇന്ന് കേരളത്തിൽ നിന്ന് ഒരു പവൻ സ്വർണാഭരണം വാങ്ങാൻ 60,056 രൂപ മതി. ഇതേ വിലയിൽ തന്നെ എല്ലാ ജ്വല്ലറികളിലും ആഭരണം വാങ്ങാം എന്നില്ല. കാരണം 5 മുതൽ 30 ശതമാനം വരെ പണിക്കൂലി കണക്കാക്കുന്നതിനാൽ ഓരോ ജ്വല്ലറിയിലും വ്യത്യസ്തമായിരിക്കും. നിലവിൽ 5% പണിക്കൂലി നോക്കിയാൽ ഒരു പവൻ സ്വർണാഭരണം വാങ്ങാൻ 60,056 രൂപയും ഒരു ​ഗ്രാമിന് 7507 രൂപയുമാവുന്നു.

സ്വർണം വീഴുന്നു....

യു.എസ് തിരഞ്ഞെടുപ്പിനു ശേഷം ഡോളറും യീൽഡും യു എസ് ഓഹരികളും മുകളിലേക്ക് കുതിക്കുന്നു. മാത്രമല്ല ട്രംപിനൊപ്പം ഇലോൺ മസ്കും യു.എസിന്റെ ഭരണത്തിലെത്തുന്നതോടെ ക്രിപ്റ്റോകറൻസി മൂല്യം ഇനിയും ഉയരും. ഇതോടെ സ്വർണ ഇ.ടി.എഫുകൾ പോലുള്ള സ്വർണ നിക്ഷേപങ്ങളിൽ നിക്ഷേപിക്കുന്നവരുടെ എണ്ണത്തിൽ ​ഗണ്യമായി കുറവ് വരുന്നു.

സ്വർണ വിലയിൽ ഇടിവ് സംഭവിക്കാൻ ഏറ്റവും സുപ്രധാന കാര്യം ഇതാണ്. രാജ്യാന്തര സ്വർണവില ഔൺസിന് 2,559 ഡോളറിലേക്കാണ് ഇന്ന് വീണു. 50 ഡോളറിലധികമാണ് ഇന്നു മാത്രം കുറഞ്ഞത്. നിലവിൽ 2561 ഡോളറിലാണ് വ്യാപാരം പുരോഗമിക്കുന്നത്. രാജ്യാന്തര വിലയിലെ ഇടിവ് കേരളത്തിലും ഇടിയാൻ കാരണമായി.

ഇന്നത്തെ വിലക്ക് വാങ്ങിയാലോ..?

വിവാഹ ആവശ്യങ്ങൾക്കും ആഭരണപ്രേമികൾക്കും സന്തോഷിക്കാം. ഇന്നും സ്വർണ വില കുറഞ്ഞു. സ്വർണത്തിൻ്റെ വില താഴോട്ട് കുതിക്കുന്നു. ഇതാണ് ആഭരണം വാങ്ങാൻ ബെസ്റ്റ് ടൈം. വിവാഹങ്ങൾക്കും മറ്റു ആവശ്യങ്ങൾക്കും സ്വർണം എടുക്കാൻ ആ​ഗ്രഹിക്കുന്നവർക്ക് ഇതാണ് നല്ല അവസരം. ഇന്ന് തന്നെ ബുക്ക് ചെയ്യൂ.