പ്രവചനാതീതമായി സ്വർണ വില; ഇന്ന് ഒറ്റയടിയ്ക്ക് 560 രൂപ ഉയർന്നു, വില 58,000 കടക്കുമോ?

സ്വർണ വില കുറഞ്ഞും കൂടിയും മാറി മറയുന്നു. കേരളത്തിൽ ഇന്നലെ പവന് 120 രൂപ കുറഞ്ഞപ്പോൾ ഇന്ന് ഒറ്റയടിക്ക് 560 രൂപ വർദ്ധിച്ചു. ഇന്നലെ ആശ്വാസമായ സ്വർണ വില ഇന്ന് മലക്കം മറിഞ്ഞ് 57,000 കടന്നു. അപ്രതീക്ഷിതമായ ഈ വില മാറ്റങ്ങൾ സാധാരണക്കാരെ പ്രതിസന്ധിയിലാഴ്ത്തുന്നു. നാളെയും വില കയറിയാൽ 58,000 രൂപയിലേക്ക് സ്വർണ വില ഉയരുമെന്നതിൽ സംശയമില്ല. വിലക്കയറ്റവും വിലയിടിവും പ്രവചനാതീതമാവുന്നു.

ഇന്നത്തെ വില

ഇന്ന് സ്വർണ വില ഉയർന്നു. ഒരു ​ഗ്രാമിന് 70 രൂപ വർദ്ധിച്ച് 7160 രൂപയായി. പവന് 560 രൂപ കയറി 57,280 രൂപയായി. ഇന്നലെ സ്വർണ വില കുറഞ്ഞപ്പോൾ ഇന്ന് സ്വർണ വില കയറി. സ്വർണ വില ഇനിയും കയറുമോ? ഇന്നത്തെ വിലപ്രകാരം 10 ​ഗ്രാം സ്വർണം വാങ്ങാൻ 71,600 രൂപയാവുന്നു. 24 കാരറ്റ് സ്വർണത്തിന് ഒരു ​ഗ്രാമിന് 7811 രൂപയും പവന് 62,488 രൂപയുമാവുന്നു. 18 ​കാരറ്റിന് ഒരു ​ഗ്രാമിന് 5858 രൂപയും പവന് 46,864 രൂപയുമാണ്.

സ്വർണ വിലയിലെ ചലനങ്ങൾ

രാജ്യാന്തര വിലയിലെ ചലനങ്ങളാണ് കേരളത്തിലെ ഈ ചാഞ്ചാട്ടത്തിന് കാരണം. യുദ്ധം അവസാനിക്കുന്നതുമായി ബന്ധപ്പെട്ടാണ് ഇന്നലെ സ്വർണ വില കുറഞ്ഞത്. എന്നാൽ അതിന് വിപരീതമായി വീണ്ടും ആക്രമണം നടത്തിയെന്ന് ഇസ്രായേൽ വ്യക്തിമാക്കി. ഇതോടെ യുദ്ധത്തിന് വഴി തുറന്നിരിക്കുന്നു. സ്വർണ വില ഉയരാനും ഇത് കാരണമായി.

യുദ്ധം വന്നാൽ സ്വർണ നിക്ഷേപങ്ങൾക്കും ഡിമാൻഡ് ഉയരും. അതും സ്വർണ വിലയ്ക്ക് അനുകൂലമായ വാർത്തയാണ്. അതിനാ യുദ്ധം നീണ്ടും പോയാൽ സ്വർണം ഇനിയും ഉയരും.

മാത്രമല്ല യു.എസിൽ പണപ്പെരുപ്പം, തൊഴിലില്ലായ്മ എന്നിവയിൽ ആശ്വാസകരമായ വാർത്തകൾ വരുന്നതിനാൽ ഡിസംബറിൽ അടിസ്ഥാന പലിശ നിരക്ക് കുറക്കാൻ സാധ്യതയുണ്ട്. അതും വരും ദിവസങ്ങളിലും വില വർദ്ധിക്കാൻ ഇടയാക്കാം.  

സ്വർണ വില ഉയരുന്നു....

സ്വർണ വില വീണ്ടും ഉയർന്നു. ഇതിങ്ങനെ കുറഞ്ഞും കൂടിയും സാധാരണക്കാരെ പ്രതിസന്ധിയാലാഴ്ത്തുമോ? ഇന്നത്തെ സ്വർണ വില ഉയർന്നെങ്കിലും ഈ വിലയ്ക്ക് സ്വർണം വാങ്ങുന്നതാണ് നല്ലത്. നാളെയും സ്വർണ വില ഉയർന്നാൽ സാധാരണക്കാർക്ക് താങ്ങാവുന്നതിലും അപ്പുറമായേക്കാം. ഒക്ടോബർ അവസാനത്തെ സ്വർണ വിലയിലേക്ക് നാളെ വില ഉയർന്നാൽ വിവാഹ ആവശ്യങ്ങൾക്കും മറ്റുമായി ആഭരണങ്ങൾ വാങ്ങുന്നവർക്ക് വലിയ തിരിച്ചടിയാവും. അതിനാൽ ഇന്നത്തെ വിലയ്ക്ക് തന്നെ സ്വർണാഭരണം ബുക്ക് ചെയ്യൂ.