ഇന്നലെ കയറിയപ്പോൾ ഇന്ന് ഇറങ്ങി, സ്വർണ വിലയിൽ നേരിയ ഇടിവ്; ഈ വിലക്കുറവ് ആശ്വാസകരമല്ല

മാറി മറിഞ്ഞ് സ്വർണ വില. സംസ്ഥാനത്തെ സ്വർണ വിലയിൽ ഇന്ന് നേരിയ ഇടിവ്. സ്വർണ വിലയിലെ ഈ കയറ്റിറക്കങ്ങൾ അപ്രതീക്ഷിതമാവുന്നു. ഇന്ന് പവന് 80 രൂപയാണ് കുറഞ്ഞത്. ഇന്നലെ ഒറ്റയടിയ്ക്ക് 560 രൂപയായിരുന്നു ഉയർന്നത്. അതിനാൽ ഇന്നത്തെ ഇറക്കം താത്കാലികമാണ്. വിവാഹം ആവശ്യങ്ങൾക്കും മറ്റുമായി സ്വർണം വാങ്ങാൻ പ്ലാൻ ചെയ്യുന്നവർക്ക് ഈ വിലയിറക്കം ആശ്വാസകരമല്ല. ഓരോ ദിവസവും വില കൂടിയും കുറഞ്ഞും മാറുന്ന ഈ ട്രെൻഡ് ഇനിയും തുടർന്നാൽ ഡിസംബർ ആദ്യ വാരം തന്നെ സ്വർണ വില 60,000 എന്ന റെക്കോർഡിലേക്ക് എത്തും.

ഇന്നത്തെ വില

ഇന്ന് ഒരു ​ഗ്രാമിന് 10 രൂപ കുറഞ്ഞ് 7150 രൂപയായി. പവന് 80 രൂപ കുറഞ്ഞ് 57,200 രൂപയായി. ഈ ആഴ്ചയിൽ ഓരോ ദിവസവും വില കൂടിയും കുറഞ്ഞും സാധാരണക്കാരെ പ്രതിസന്ധിയിലെത്തിച്ചു. ഈ മാസത്തെ അവസാന ദിവസമായ ഇന്ന് നേരിയ തോതിലാണെങ്കിലും വില കുറഞ്ഞിരിക്കുന്നു. ഇന്നത്തെ വിലപ്രകാരം 10 ​ഗ്രാം സ്വർണം വാങ്ങാൻ 71,500 രൂപയാവുന്നു. 24 കാരറ്റ് സ്വർണത്തിന് ഒരു ​ഗ്രാമിന് 7800 രൂപയും പവന് 62,400 രൂപയുമാവുന്നു. 18 ​കാരറ്റിന് ഒരു ​ഗ്രാമിന് 5850 രൂപയും പവന് 46,800 രൂപയുമാണ്.

 യുദ്ധം സ്വർണ വിലയ്ക്ക് ആശ്വാസകരം....

രാജ്യാന്തര വിലയിലെ വ്യതിയാനങ്ങൾ കേരളത്തിലും പ്രതിഫലിയ്ക്കുന്നു. യുദ്ധം വീണ്ടും ആരംഭിക്കുന്നതോടെ ഇന്നലെ പെട്ടെന്ന് വില കയറി. എന്നാൽ ഇന്ന് വീണ്ടും ചെറിയ ഇറക്കം. യു.എസ് സാമ്പദ് വ്യവസ്ഥയിലെ ചലനങ്ങൾ ഡിസംബറിൽ സ്വർണ വിലയ്ക്ക് ആശ്വസകരമാവുമോ എന്ന് കണ്ടറിയണം.

യുദ്ധം അവസാനിക്കാതെ തുടർന്നാൽ ഒക്ടോബറിലെ സ്വർണ വിലയുടെ റെക്കോർഡുകൾ ഭേദിക്കാൻ സാധ്യതയുണ്ട്. ഇത് സാധാരണക്കാരെ ഇരുട്ടിലാഴ്ത്തുന്ന വിലക്കയറ്റം ആവും. 

സ്വർണ വില മലക്കം മറിയുന്നു...

ഇന്ന് സ്വർണ വിലയിൽ നേരിയ ഇടിവ്. ഇന്നലെ കനത്ത വിലക്കയറ്റവും രേഖപ്പെടുത്തിയിരുന്നു. ഈ ആഴ്ചയിൽ വില കൂടിയും കുറഞ്ഞും സാധാരണക്കാരെ പ്രതിസന്ധിയിലേക്ക് വീഴത്തുകയാണ് സ്വർണ വില. വിവാഹ ആവശ്യങ്ങൾക്കായി സ്വർണാഭരണം വാങ്ങുന്നവർക്ക് ഈ മാറ്റം ആശ്വാസകരമല്ല. രാജ്യാന്തര വിലയിലെ മാറ്റങ്ങളാണ് പ്രതിഫലിക്കുന്നതെങ്കിലും ഇന്നത്തെ വിലയ്ക്ക് ആഭരണം വാങ്ങിയാൽ നല്ലതാണോ? ഈ വില ഇനി വരും ദിവസങ്ങളിൽ താഴേക്ക് വീഴുമോ എന്ന് കണ്ടറിയണം.