വീഴ്ച്ചക്കൊടുവിൽ ഉയർത്തെഴുന്നേറ്റു; ഇന്ന് സ്വർണ വില ഉയർന്നു, രാജ്യാന്തര വിപണിയും ശക്തിപ്രാപിക്കുന്നു

3 ദിവസത്തെ തുടർച്ചയായ ഇടിവിന് ശേഷം ഇന്ന് കേരളത്തിലെ സ്വർണ വില വർദ്ധിച്ചു. ഇന്ന് പവന് 480 രൂപയാണ് വർദ്ധിച്ചത്. ഇന്നത്തെ വിലക്കയറ്റം സാധാരണക്കാർക്ക് നിരാശയേകുന്നു. മൂന്ന് ദിവസം കൊണ്ട് 880 രൂപയാണ് കുറഞ്ഞത്. യു.എസ് പലിശ നിരക്ക് കുറച്ചതും സ്വർണത്തിന്റെ ഇറക്കുമതിച്ചെലവ് വർദ്ധിച്ചതുമെല്ലാം കഴിഞ്ഞ ദിവസങ്ങളിൽ സ്വർണ വില ഇടിയാൻ കാരണമായി.

ഇന്നത്തെ വില

ഇന്ന് ഒരു ​ഗ്രാമിന് 60 രൂപ കുറഞ്ഞ് 7100 രൂപയായി. പവന് 480 രൂപ കുറഞ്ഞ് 56,800 രൂപയായി. ഇന്നത്തെ വിലപ്രകാരം 10 ​ഗ്രാം സ്വർണം വാങ്ങാൻ 71,000 രൂപയാവുന്നു.24 കാരറ്റ് സ്വർണത്തിന് ഒരു ​ഗ്രാമിന് 7745 രൂപയും പവന് 61,960 രൂപയുമാവുന്നു. 18 ​കാരറ്റിന് ഒരു ​ഗ്രാമിന് 5809 രൂപയും പവന് 46,472 രൂപയുമാണ്.

ഇന്നലെ പവന് 56,320 രൂപയായിരുന്നു. ഗ്രാമിന് 7040 രൂപയിലുമാണ് വ്യാപാരം പുരോഗമിച്ചത്. ഡിസംബര്ർ 58,280 എന്ന ഏറ്റവും ഉയർന്ന വിലയിലേക്ക് സ്വർണ വില ഉയർന്നിരുന്നു. ഒക്ടോബറിൽ 5900 കടന്ന സ്വർണ വില നവംബറിലും ഡിസംബറിലും ഇതുവരെ ഭേദിച്ചിട്ടില്ല. എന്നാൽ ഡിസംബറിലെ വിലക്കയറ്റം ജനങ്ങളെ ഏറെ സ്തംഭിപ്പിച്ചിരുന്നു. 

ഒരു പവൻ ആഭരണത്തിന് എത്ര വേണം?

ഇന്നത്തെ സ്വർണ വിലയ്ക്ക് പണിക്കൂലി, 3% ജി.എസ്.ടി, ഹോൾമാർക്ക് ചാർജ് (53.10 രൂപ)എന്നിവ നോക്കിയാൽ കേരളത്തിലെ ജ്വല്ലറിയിൽ നിന്നും ഇന്ന് ഒരു പവൻ സ്വർണാഭരണം വാങ്ങാൻ 61,485 രൂപ വേണം. ഒരു ​ഗ്രാം ആഭരണത്തിന് ഇന്ന് 7,735 രൂപ കൊടുക്കണം. ഏകദേശം 5% പണിക്കൂലി കണക്കാക്കുമ്പോൾ ഈ തുക വരും. എങ്കിലും ഓരോ ജ്വല്ലറികശും ആഭരണങ്ങളുടെ പണിക്കൂലി വ്യത്യാസപ്പെടുന്നതിനാൽ ഈ തുകയിലും നേരിയ മാറ്റങ്ങൾ വന്നേക്കാം.

ഇന്ന് ബുക്ക് ചെയ്യാൻ പ്ലാനുണ്ടോ?

ഇന്നലത്തെ വിലയിൽ വാങ്ങാൻ സാധിക്കാത്തതിൽ വിഷമമുണ്ടോ? ഇന്ന് വില കയറിയെങ്കിലും 56000ൽ തന്നെയാണ് പവന്റെ വില നിൽക്കുന്നത്. അതിനാൽ ഇന്ന് തന്നെ സ്വർണം വാങ്ങിക്കോളൂ.. വരും ദിവസങ്ങളിൽ വില ഉയരാൻ സാധ്യതയുണ്ട്.