സാമ്പത്തികമായി ഗുണദോഷസമ്മിശ്രാവസ്ഥ; പാഴ്ചിലവുകള്‍ വർധിക്കാൻ സാധ്യത; ഈ നാളുകാർ ശ്രദ്ധിക്കാം

ഈ ആഴ്ച്ച എങ്ങനെയായിരിക്കും? മനസ്സില്‍ ഉദ്ദേശിക്കുന്ന രീതിയില്‍ കാര്യങ്ങള്‍ നടക്കുമോ? പുതിയ ആഴ്ച്ചയെ കുറിച്ച് ആശങ്കയുണ്ടോ നിങ്ങൾക്ക്? എങ്കിൽ അറിയാം ഓരോ നക്ഷത്രക്കാരുടെയും അടുത്തവാരത്തേക്കുള്ള സാമ്പത്തിക വാരഫലം. സെപ്തംബർ 12 മുതൽ 18 വരെയുള്ള സാമ്പത്തിക വാരഫലമാണ് ചുവടെ നൽകുന്നത്.

മേടക്കൂറ് (അശ്വതി, ഭരണി, കാര്‍ത്തിക 1/4)

പൊതുവെ അനുകൂല സാമ്പത്തിക നിലയാണ് കാണുന്നത്. പുതിയ സംരംഭങ്ങള്‍ തുടങ്ങും. കൂടുതല്‍ വരുമാനമുണ്ടാകുന്നതിന് സാഹചര്യമുണ്ടാകും. വസ്തു വാഹനങ്ങള്‍ നേടുവാനിടയാകും.

ഇടവക്കൂറ് (കാര്‍ത്തിക 3/4, രോഹിണി, മകയിരം 1/2)

പുതിയ സംരംഭങ്ങള്‍ക്കു തുടക്കം കുറിക്കും. സാമ്പത്തിക നേട്ടങ്ങള്‍ കൈവരിക്കും. ആദായത്തില്‍ വലിയ വര്‍ദ്ധനവ് ഉണ്ടാകും. പൊതുവെ നല്ല സാമ്പത്തിക ഉയര്‍ച്ച കൈവരിക്കുന്നതിനുള്ള സാധ്യത കാണുന്നുണ്ട്.

മിഥുനക്കൂറ് (മകയിരം 1/2, തിരുവാതിര, പുണര്‍തം 3/4)

സാമ്പത്തികമായി ഗുണദോഷസമ്മിശ്രാവസ്ഥ ഉണ്ടാകും. വരുമാനത്തില്‍ സ്ഥിരത നില്‍ക്കും. എന്നാല്‍ പാഴ്ചിലവുകള്‍ അധികമാകുവാന്‍ സാധ്യത. അപ്രതീക്ഷിത നഷ്ടങ്ങള്‍ അനുഭവപ്പെടാം.

കര്‍ക്കിടകക്കൂറ് (പുണര്‍തം 1/4, പൂയം, ആയില്യം)

പൊതുവെ ഗുണദോഷ സമ്മിശ്രമായ ധനാവസ്ഥ ഉണ്ടാകും. അപ്രതീക്ഷിത നഷ്ടങ്ങള്‍ വരാം. പുതിയ ബിസിനസുകള്‍ക്ക് പറ്റിയ സമയമല്ല. നല്ല രീതിയില്‍ നടന്നിരുന്ന കച്ചവടങ്ങള്‍ക്ക് മന്ദത അനുഭവപ്പെടാം.

ചിങ്ങക്കൂറ് (മകം, പൂരം, ഉത്രം 1/4)

പൊതുവെ ഗുണമുള്ള സാമ്പത്തിക സ്ഥിതി ഉണ്ടാകും. വളരെ നേട്ടങ്ങള്‍ കൈവരിക്കും. പുതിയ ബിസിനസുകള്‍ തുടങ്ങുവാന്‍ കഴിയും. കൂടുതലായി വരുമാനമുണ്ടാകുന്നതിനു സാധ്യത. പണമിടപാടുകള്‍ ശ്രദ്ധിച്ചു നടത്തേണ്ടതാണ്.
കന്നിക്കൂറ് (ഉത്രം 3/4, അത്തം, ചിത്തിര 1/2)
തടസ്സങ്ങള്‍ കാരണം, കച്ചവടം വേണ്ട രീതിയില്‍ പുരോഗമിച്ചെന്നു വരില്ല. നഷ്ടങ്ങള്‍ക്കു സാധ്യതയുള്ളതിനാല്‍ ശ്രദ്ധിക്കുക. പുതിയ സംരംഭങ്ങള്‍ക്ക് പറ്റിയ സമയമല്ല.

തുലാക്കൂറ് (ചിത്തിര 1/2, ചോതി, വിശാഖം 3/4)

അനുകൂലമായ സാമ്പത്തിക സ്ഥിതി ഉണ്ടാകും. കൂടുതല്‍ നേട്ടങ്ങള്‍ കൈവരിക്കും. ജീവിതത്തില്‍ പുരോഗതിയുണ്ടാകും. വസ്തു വാഹനാദികള്‍ ലഭിച്ചേക്കാം. നൂതന ബിസിനസ് തുടങ്ങുന്നതിനു സാധ്യത.

വൃശ്ചികക്കൂറ് (വിശാഖം 1/4, അനിഴം, കേട്ട)

പൊതുവെ തടസ്സങ്ങള്‍ വന്നേക്കാം. സാമ്പത്തികമായി മന്ദത അനുഭവപ്പെടാം. കച്ചവടക്കാര്‍ക്ക് വരുമാനം കുറയാന്‍ സാധ്യത. പുതിയ കാര്യങ്ങള്‍ തുടങ്ങുന്നതിന് നല്ല സമയമല്ല. ധനമിടപാടുകള്‍ സൂക്ഷിച്ചു നടത്തുക.

ധനുക്കൂറ് (മൂലം, പൂരാടം, ഉത്രാടം 1/4)

സാമ്പത്തികമായി അനുകൂല സമയമാണ്. തൊഴില്‍പരമായി കൂടുതല്‍ വരുമാനസാധ്യത കച്ചവടക്കാര്‍ക്ക് അധിക നേട്ടങ്ങള്‍ ഉണ്ടാകും. പുതിയ ബിസിനസ്സുകള്‍ തുടങ്ങുവാന്‍ സാധിക്കും. ജീവിത നേട്ടമുണ്ടാകും

മകരക്കൂറ് (ഉത്രാടം 3/4, തിരുവോണം, അവിട്ടം 1/2)

പല രീതിയില്‍ തടസ്സങ്ങള്‍ വരാം. തൊഴില്‍പരമായ മന്ദത ഉണ്ടാകാം. സാമ്പത്തിക നേട്ടങ്ങള്‍ കുറയും. കച്ചവടക്കാര്‍ വളരെ ശ്രദ്ധിച്ച് എല്ലാം ചെയ്യുക. ധനമിടപാടുകള്‍ ശ്രദ്ധിച്ചു നടത്തുക.

കുംഭക്കൂറ് (അവിട്ടം, ചതയം, പൂരൂരുട്ടാതി 3/4)

സാമ്പത്തിക സ്ഥിതി അനുകൂലമാകണമെന്നില്ല. തടസ്സങ്ങള്‍ പല കാര്യത്തിലും ഉണ്ടായേക്കാം. കച്ചവടക്കാര്‍ക്ക് നഷ്ടങ്ങള്‍ക്കു സാധ്യതയുള്ളതിനാല്‍ ശ്രദ്ധിക്കുക. പുതിയ കാര്യങ്ങള്‍ തുടങ്ങുന്നതിന് അനുകൂല സമയമല്ല.

മീനക്കൂറ് (പൂരൂരുട്ടാതി 1/4, ഉതൃട്ടാതി, രേവതി)

ഗുണകരമായ സമയമാണ്. തൊഴില്‍ അഭിവൃദ്ധിയുണ്ടാകും. കച്ചവടക്കാര്‍ക്ക് വളരെയധികം നേട്ടങ്ങള്‍ ഉണ്ടാകും. നൂതന സംരംഭങ്ങള്‍ തുടങ്ങുന്നതിന് അവസരമുണ്ടാകുന്നതും നേട്ടങ്ങള്‍ ലഭിക്കുന്നതുമാണ്.