2020ലെ അവസാന വ്യാപാരം: ഓഹരി വിപണിയിൽ നേരിയ നേട്ടം മാത്രം

മാർക്കറ്റ് ബെഞ്ച്മാർക്കുകളായ സെൻസെക്സും നിഫ്റ്റിയും ഡിസംബർ 31 ന് നേരിയ നേട്ടത്തിൽ വ്യാപാരം അവസാനിപ്പിച്ചു. 5 പോയിൻറ് അഥവാ 0.01 ശതമാനം നേട്ടത്തോടെ സെൻസെക്സ് 47,751.33 ൽ ക്ലോസ് ചെയ്തു. നിഫ്റ്റി 13,981.75 എന്ന നിലയിലാണ് വ്യാപാരം അവസാനിപ്പിച്ചത്. ബി‌എസ്‌ഇ മിഡ്‌ക്യാപ് സൂചിക 0.20 ശതമാനവും സ്‌മോൾകാപ്പ് സൂചിക 0.36 ശതമാനവും ഉയർന്നു.

2020ലെ അവസാന വ്യാപാരം: ഓഹരി വിപണിയിൽ നേരിയ നേട്ടം മാത്രം

നിഫ്റ്റി ബാങ്ക്, പൊതുമേഖലാ ബാങ്ക്, പ്രൈവറ്റ് ബാങ്ക്, എഫ്എംസിജി, ഐടി സൂചികകൾ ഇന്ന് നഷ്ടത്തിൽ വ്യാപാരം അവസാനിപ്പിച്ചു. മീഡിയ, റിയൽറ്റി സൂചികകൾ ഒരു ശതമാനം ഉയർന്നു. ഇൻട്രാഡേയിൽ നിഫ്റ്റി എക്കാലത്തെയും ഉയർന്ന നിലയായ 14,000 പോയിന്റ് കടന്നു. നിഫ്റ്റി ബാങ്ക് സൂചിക 39 പോയിൻറുകൾ ഇടിഞ്ഞ്‌ 31,264 ലേക്ക് താഴുകയും മിഡ്‌കാപ്പ് ഇൻ‌ഡെക്സ് 101 പോയിൻറ് ഉയർന്ന് 20,843 എന്ന നിലയിൽ എത്തുകയും ചെയ്തു.

ഇന്നലെ മികച്ച പ്രകടനം കാഴ്ച്ച വച്ച സിമൻറ് ഓഹരികൾ ഇന്ന് ഇടിഞ്ഞു. ശ്രീ സിമൻറിനാണ് ഏറ്റവും കൂടുതൽ നഷ്ടം നേരിട്ടത്. സൺ ഫാർമ, ഹിൻഡാൽകോ, എച്ച്ഡിഎഫ്സി, ഐസിഐസിഐ എന്നിവ നിഫ്റ്റിയിലെ ഇന്നത്തെ നേട്ടത്തിന് പിന്തുണ നൽകിയപ്പോൾ കോട്ടക്, ടിസിഎസ്, ഭാരതി എയർടെൽ എന്നിവ നിഫ്റ്റിയെ തളർത്തി.