Click it and Unblock the Notifications
പൊതുമേഖലാ ബാങ്കായ ബാങ്ക് ഓഫ് ബറോഡ ഡിജിറ്റൽ വായ്പ പ്ലാറ്റ്ഫോം ആരംഭിച്ചു. ഇതുവഴി റീട്ടെയിൽ വായ്പക്കാർക്ക് കടലാസ് അപേക്ഷ നടപടിക്രമങ്ങളില്ലാതെ ഡിജിറ്റലായി വായ്പ അനുമതി നേടാം. ബാങ്കിന്റെ പ്രസ്താവന പ്രകാരം, ഡിജിറ്റൽ പ്ലാറ്റ്ഫോം വഴി 30 മിനിറ്റിനുള്ളിൽ വീട്, കാർ, വ്യക്തിഗത വായ്പകൾ എന്നിവ ലഭിക്കും. ഡിജിറ്റൽ പ്ലാറ്റ്ഫോമിലൂടെ ബാങ്ക് സ്ഥിര നിക്ഷേപത്തിൽ നിന്നും ഓൺലൈൻ വായ്പ ലഭിക്കും.
ഡിജിറ്റൽ പ്ലാറ്റ്ഫോം ആരംഭിക്കുന്നതോടെ വ്യക്തിഗത വായ്പ വിതരണം ആദ്യം പൂർണമായും സാങ്കേതികവത്ക്കരിക്കുമെന്നും തുടർന്ന് എംഎസ്എംഇ (മൈക്രോ, ചെറുകിട, ഇടത്തരം സംരംഭങ്ങൾ), കാർഷിക വായ്പകൾ എന്നിവയും ഡിജിറ്റലായി നൽകുമെന്ന് ബാങ്ക് അറിയിച്ചു. അടുത്ത അഞ്ച് വർഷത്തിനുള്ളിൽ റീട്ടെയിൽ വായ്പ നൽകുന്നതിന്റെ ഡിജിറ്റൽ വിഹിതം 74 ശതമാനമായി ഉയരുമെന്നാണ് ബാങ്കിന്റെ പ്രതീക്ഷ.
ഉപയോക്താക്കൾക്ക് അവരുടെ സേവിംഗ്സ് ബാങ്ക് അക്കൌണ്ടിലേക്ക് വായ്പ തുക നേടാൻ കഴിയും. റീട്ടെയിൽ, എംഎസ്എംഇ, കാർഷിക മേഖലകളിലുടനീളം ഡിജിറ്റൽ വായ്പ നൽകുന്നത് വഴി അടുത്ത 5 വർഷത്തിനുള്ളിൽ ബാങ്കിംഗ് വ്യവസായ വളർച്ച കൈവരിക്കുമെന്നും ബാങ്ക് ഓഫ് ബറോഡ വ്യക്തമാക്കി.
പുതിയ പ്ലാറ്റ്ഫോമിലൂടെ, ബാങ്ക് സ്ഥിര നിക്ഷേപത്തിനെതിരെ ഓൺലൈൻ വായ്പയും വാഗ്ദാനം ചെയ്യുന്നുണ്ട്. ബാങ്കിന്റെ സ്ഥിര നിക്ഷേപ ഉപഭോക്താക്കൾക്ക് മൊബൈൽ ബാങ്കിംഗ്, നെറ്റ് ബാങ്കിംഗ് സൗകര്യം വഴി തൽക്ഷണം ഓൺലൈൻ എഫ്ഡിയിൽ നിന്ന് വായ്പ ലഭിക്കും.
Sign in with Google