ആധാർ കാർഡിന് പകരം ഇനി എംആധാർ ഉപയോഗിക്കൂ..

യുഐഡിഎഐ ആധാർ ആപ്ലിക്കേഷന്റെ പരിഷ്‌കരിച്ച പതിപ്പ് അവതരിപ്പിച്ചു. ആൻട്രോയിഡ് ഐഒഎസ് ഉപഭോക്താക്കൾക്ക് ഇപ്പോൾ 'എംആധാർ' ഡൗൺലോഡ് ചെയ്യാം. ആപ്പിൾ സ്‌റ്റോറിലും ഗൂഗിൾ പ്ലേ സ്‌റ്റോറിലും പരിഷ്‌കരിച്ച ആധാർ ആപ്പ് ലഭ്യമാണ്. ആധാർ കാർഡിന്റെ സോഫ്‌റ്റ് കോപ്പിയായി ഇനി എംആധാർ ഉപയോഗിക്കാവുന്നതാണ്. യാത്രകളിൽ ഇനിമുതൽ ആധാർകാർഡ് കൈവശം വയ്‌ക്കണമെന്നില്ല. ആധാര്‍ കാര്‍ഡ് ഡൗണ്‍ലോഡ് ചെയ്യുക, മേല്‍വിലാസം പുതുക്കുക , ക്യുആര്‍കോഡ് സ്‌കാൻ ചെയ്യുക, ഇകെവൈസി ഡൗണ്‍ലോഡ് ചെയ്യുക തുടങ്ങി നിരവധി കാര്യങ്ങൾ എംആപ്പിൽ ചെയ്യാൻ കഴിയും.

നിങ്ങളുടെ ഫോണിലെ പഴയ പതിപ്പ് കളഞ്ഞ് പുതിയത് ഡൗൺലോഡ് ചെയ്യാൻ യുഐഡിഎഐ നിർദ്ദേശം നൽകിയിട്ടുണ്ട്. നിങ്ങളുടെ പേര്, ആധാർ നമ്പർ, ജനന തീയതി, വിലാസം, ഫോട്ടോ എന്നിവ എംആധാറിൽ ഉണ്ടാവും. അതിനാൽ തന്നെ യാത്രകളിൽ നിങ്ങൾക്ക് ഇത് ഉപയോഗിക്കാം. എന്നാൽ എംആധാർ ഓഫ്‌ലൈനായി പ്രവർത്തിക്കില്ല എന്നത് ശ്രദ്ധിക്കുക. നിങ്ങൾ ഓൺലൈനിൽ ആണെങ്കിൽ മാത്രമേ യുഐഡിഎഐയിൽ നിന്ന് വിവരങ്ങൾ ഡൗൺലോഡ് ചെയ്യാൻ സാധിക്കൂ.

ആധാർ കാർഡിന് പകരം ഇനി എംആധാർ ഉപയോഗിക്കൂ..

മലയാളം ഇംഗ്ലീഷ് തുടങ്ങി 12 ഭാഷകളിൽ എംആധാർ ലഭ്യമാണ്. സുരക്ഷയ്‌ക്കായി എംആധാർ വഴി ആധാർ അല്ലെങ്കിൽ ബയോമെട്രിക്ക് ഡാറ്റകൾ ലോക്ക് ചെയ്‌ത് വയ്‌ക്കാനും ആവശ്യത്തിന് ഉപയോഗിക്കാനും കഴിയും. കൂടാതെ നിങ്ങളുടെ എംആധാർ അപ്ലിക്കേഷനിൽ നിന്ന് ആധാർ റീപ്രിന്റ് ഓർഡർ ചെയ്യാനും കഴിയും. ഇതിനായി നിങ്ങൾ 50 രൂപ സേവന ചാർജായി നൽകിയാൽ മതി, പ്രിന്റ് ചെയ്‌ത പതിപ്പ് 15 ദിവസത്തിനുള്ളിൽ നിങ്ങളുടെ ആധാറിൽ നൽകിയിരിക്കുന്ന വിലാസത്തിൽ ലഭിക്കുന്നതുമാണ്.

നിങ്ങളുടെ മൊബൈൽ ഫോണിൽ ആധാർ എങ്ങനെയാണ് ഇൻസ്‌റ്റാൾ ചെയ്യുക?

1. ഗൂഗിൾ പ്ലേ സ്‌റ്റോർ അല്ലെങ്കിൽ ആപ്പ് സ്‌റ്റോർ തുറക്കുക

2. ഇൻസ്റ്റാൾ ബട്ടൺ ക്ലിക്കുചെയ്യുക

3. ഈ ആപ്ലിക്കേഷൻ ഇൻസ്റ്റാൾ ചെയ്‌ത് കഴിഞ്ഞാൽ ഒരു പാസ്‌വേഡ് സെറ്റ്ചെയ്യേണ്ടതാണ്

എംആധാർ ലോഗിൻ ചെയ്യേണ്ടപ്പോഴെല്ലാം ഈ പാസ്‌വേഡ് ആവശ്യമാണ്. മറ്റാരെങ്കിലും നിങ്ങളുടെ ആപ്ലിക്കേഷൻ ഉപയോഗിക്കുന്നത് തടയാൻ ഈ പാസ്‌വേഡ് ഉപകരിക്കും.