വില 230 രൂപ മുതൽ, ഇപ്പോൾ വാങ്ങാൻ ബയോകോൺ ഉൾപ്പെടെ 3 ഓഹരികൾ, കുതിപ്പിനുള്ള കാരണം ഇതാണ്

ഓഹരി വിപണിയിലെ ചാഞ്ചാട്ടം തുടരുകയാണ്. കഴിഞ്ഞ കുറേ നാളുകളായി പച്ചയിൽ അവസാനിക്കുകയും റെക്കോർഡ് ഉയരം തൊടുകയും ചെയ്ത സൂചികകൾ എന്നാൽ കഴിഞ്ഞ രണ്ട് ദിവസം ചുവപ്പിലാണ് അവസാനിച്ചത്. അതുകൊണ്ടു തന്നെ വരും ദിവസങ്ങളിൽ വിപണി ഏത് രീതിയിൽ പ്രതികരിക്കുമെന്ന് പറയാൻ സാധിക്കില്ല.

ആഭ്യന്തര ബ്രോക്കറേജ് സ്ഥാപനമായ എൽകെപി സെക്യൂരിറ്റീസിലെ സീനിയർ ടെക്നിക്കൽ അനലിസ്റ്റ് രൂപക് ഇപ്പോൾ വാങ്ങാൻ സാധിക്കുന്ന 3 ഓഹരികൾ ശുപാർശ ചെയ്യുന്നുണ്ട്. ഏതൊക്കെയാണ് ആ ഓഹരികളെന്നും വില എത്രയാണെന്നും നമുക്ക് വിശദമായി പരിശോധിക്കാം.

1. ഇന്ത്യൻ എനർജി എക്സ്ചേഞ്ച്

വൈദ്യുതിയുടെ ഭൗതിക വിതരണത്തിനായി ഇലക്ട്രിസിറ്റി യൂണിറ്റുകളില്‍ വ്യാപാരം നടത്തുന്നതിന് ഒരു ഓട്ടോമേറ്റഡ് പ്ലാറ്റ്ഫോമും ഇന്‍ഫ്രാസ്ട്രക്ചറും നല്‍കുന്നു. എൻഎസ്ഇയിൽ 209.10 രൂപ എന്ന നിരക്കിലാണ് വ്യാഴാഴ്ച ഇന്ത്യൻ എനർജി എക്സ്ചേഞ്ച് ഓഹരി വ്യാപാരം അവസാനിപ്പിച്ചത്. ആറ് മാസത്തിനിടെ 39 ശതമാനം വളർച്ച നേടാൻ ഓഹരിക്ക് സാധിച്ചു. 51.41 ശതമാനം മുന്നേറ്റമാണ് ഒരു വർഷത്തിനിടെ ഓഹരി നേടിയത്.

ടാർഗെറ്റ് വില: 230 രൂപ | സ്റ്റോപ്പ് ലോസ്: 199 രൂപ

പ്രതിദിന ടൈംഫ്രെയിമിലെ ബ്രേക്ക്ഔട്ടിനെത്തുടർന്ന് ഓഹരി വില ഏകീകരിക്കുകയും നിർണായകമായ ചലിക്കുന്ന ശരാശരിക്ക് മുകളിൽ നിലനിൽക്കുകയും ചെയ്യുന്നു. കൂടാതെ ആർഎസ്ഐ ഒരു ബുള്ളിഷ് ക്രോസ്ഓവർ സൂചിപ്പിക്കുന്നു.

2. ബയോകോൺ

രാജ്യത്തെ മുൻനിര ഫാർമ കമ്പനിയാണ് ബയോകോൺ. 383 രൂപയാണ് നിലവിലെ ഓഹരി വില. കഴിഞ്ഞ ഒരു മാസത്തിനിടെ 12.51 ശതമാനം വളർച്ച നേടാൻ ഓഹരിക്ക് സാധിച്ചു. 36.81 ശതമാനം മുന്നേറ്റമാണ് ആറ് മാസത്തിനിടെ ഓഹരി നേടിയത്. 2024-ൽ ഇതുവരെ 50 ശതമാനം നേട്ടമുണ്ടാക്കാനും ബയോകോൺ ഓഹരിക്ക് സാധിച്ചു. ഒരു വർഷത്തിനിടെ 43.39 ശതമാനം വളർച്ച നേടാനും ഓഹരിക്ക് സാധിച്ചു.

ടാർഗെറ്റ് വില: 410 രൂപ | സ്റ്റോപ്പ് ലോസ്: 359 രൂപ

ബയോകോൺ പ്രതിദിന ടൈംഫ്രെയിമിൽ ഒരു ഏകീകരണ ബ്രേക്ക്ഔട്ട് നൽകി. കൂടാതെ ഓഹരി പ്രതിദിന ചാർട്ടിൽ നിർണായകമായ ചലിക്കുന്ന ശരാശരിക്ക് മുകളിൽ നിലകൊള്ളുന്നു. ഇത് നിലവിലുള്ള ബുള്ളിഷ് പ്രവണതയെ സൂചിപ്പിക്കുന്നു. സമീപകാലത്ത് ഓഹരി ശക്തമായി തുടരാൻ സാധ്യതയുണ്ട്. അങ്ങനെയെങ്കിൽ ഓഹരി വില 410 രൂപയിലെത്താൻ സാധ്യതയുണ്ട്. താഴ്ന്ന നിലയിൽ പിന്തുണ 359 രൂപയിലാണ്.

3. ഭാരതി എയർടെൽ

വലിയ പരിജയപ്പെടുത്തലുകൾ ആവശ്യമില്ലാത്ത ഓഹരി. എൻഎസ്ഇയിൽ 1,545.05 രൂപ എന്ന നിലയിലാണ് വ്യാഴാഴ്ച ഓഹരി വ്യാപാരം അവസാനിപ്പിച്ചത്. 32.18 ശതമാനം വളർച്ചയാണ് ആറ് മാസത്തിനിടെ ഓഹരി നേടിയത്. 2024-ൽ ഇതുവരെ 52.21 ശതമാനം മുന്നേറ്റമുണ്ടാക്കാനും ഓഹരിക്ക് സാധിച്ചു. 78.43 ശതമാനം വളർച്ചയാണ് ഒരു വർഷത്തിനിടെ ഓഹരി നേടിയത്.

ടാർഗെറ്റ് വില: 1,620 രൂപ | സ്റ്റോപ്പ് ലോസ്: 1,529 രൂപ

പ്രതിദിന ടൈംഫ്രെയിമിലെ ഒരു ചെറിയ തിരുത്തലിനെ തുടർന്ന് ഭാരതി എയർടെൽ ഒരു ഹാമർ പാറ്റേൺ രൂപീകരിച്ചു. കൂടാതെ ഓഹരി പ്രതിദിന ചാർട്ടിൽ നിർണായകമായ ചലിക്കുന്ന ശരാശരിക്ക് മുകളിൽ നിലകൊള്ളുന്നു. ഇത് നിലവിലുള്ള ബുള്ളിഷ് പ്രവണതയെ സൂചിപ്പിക്കുന്നു.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.