ബെഞ്ച്മാർക്ക് സൂചികകൾ ഈ ആഴ്ച ശക്തമായ തുടക്കത്തോടെ വ്യാപാരം ആരംഭിച്ചു. മിക്ക ഏഷ്യൻ വിപണികളും ഒരു ശതമാനം നേട്ടത്തിനടുത്ത് ആണ് വ്യാപാരം നടത്തുന്നത്. യുഎസ് വിപണികളിൽ ഡോവ് ഫ്യൂച്ചേഴ്സ് 0.50 ശതമാനം നേട്ടത്തിലേയ്ക്കാണ് നീങ്ങുന്നത്. കഴിഞ്ഞയാഴ്ചത്തെ യുഎസ് വിപണികളിലെ ശക്തമായ ക്ലോസിംഗിന്റെ പശ്ചാത്തലത്തിലായിരുന്നു ഇത്. സെൻസെക്സ് ഇന്ന് 410 പോയിന്റുമായി വ്യാപാരം നടക്കുമ്പോൾ നിഫ്റ്റി 116 പോയിൻറ് ഉയർന്നു.
ഐസിഐസിഐ ബാങ്ക് ഓഹരികൾ ശനിയാഴ്ചത്തെ ത്രൈമാസഫലത്തെ തുടർന്ന് കാര്യമായ മാറ്റമില്ലാതെയാണ് വ്യാപാരം നടത്തുന്നത്. അറ്റാദായം പ്രതീക്ഷിച്ചതിനും താഴെയാണെങ്കിലും നിക്ഷേപകർ ഇക്കാര്യം അവഗണിച്ചതായാണ് സൂചനകൾ.
സെൻസെക്സിൽ 997 പോയിന്റ് നേട്ടം, നിഫ്റ്റി 9,850 ന് മുകളിൽ; ടാറ്റ മോട്ടോഴ്സ് ഓഹരികൾ 20% ഉയർന്നു
മെയ് 14 ന് ക്ലോസിംഗ് തീയതിയായി കമ്പനി പ്രഖ്യാപിച്ചതിന് ശേഷം റിലയൻസ് ഇൻഡസ്ട്രീസിലെ ഓഹരികളും ഉയർന്നു. ജിയോ പ്ലാറ്റ്ഫോമുകളിലെ ഓഹരി വാങ്ങാൻ സൗദി അറേബ്യൻ വെൽത്ത് ഫണ്ട് താൽപര്യം പ്രകടിപ്പിച്ചതായി റിപ്പോർട്ടുകൾ ഉണ്ട്. ഇതിനെ തുടർന്ന് റിലയൻസ് ഇൻഡസ്ട്രീസ് ഓഹരി വിലി 2.5 ശതമാനം ഉയർന്ന് 1,600 രൂപയായി. അംഗീകൃത ഡീലർഷിപ്പുകൾ ഉൾപ്പെടെ 1,500 സ്ഥലങ്ങളിൽ പ്രവർത്തനം പുനരാരംഭിച്ചതായി കമ്പനി അറിയിച്ചതിനെത്തുടർന്ന് ഹീറോ മോട്ടോകോർപ്പിന്റെ ഓഹരികൾ രണ്ട് ശതമാനം ഉയർന്നു.
എസ്ബിഐ കാർഡ്സ് ഓഹരി വില ഒരു ശതമാനം ഇടിഞ്ഞു. അതേസമയം, മിക്ക ഏഷ്യൻ വിപണികളും ജാപ്പനീസ് നിക്കി ഉൾപ്പെടെ ഇന്ന് നേട്ടത്തിലാണ് വ്യാപാരം നടത്തുന്നത്.