മൊബൈല്‍ ഹാന്‍ഡ്‌സെറ്റ് വില്‍പ്പന 15% വരെ ഇടിയുമെന്ന് റിപ്പോര്‍ട്ട്‌

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

കൊവിഡ് 19 വ്യാപനം വിതരണ ശൃംഖലയില്‍ ചെലുത്തിയ സ്വാധീനത്താല്‍, മൊബൈല്‍ ഹാന്‍ഡ്‌സെറ്റ് വില്‍പ്പന ഈ പാദത്തില്‍ 8-15 ശതമാനം വരെ കുറയാന്‍ സാധ്യത. വൈറസ് വ്യാപനത്തിന്റെ പൂര്‍ണ ആഘാതവും ജൂണില്‍ അറിയാന്‍ സാധിക്കുമെന്നാണ് റിപ്പോര്‍ട്ടുകള്‍. ജൂണ്‍ അവസാന പാദത്തെ വില്‍പ്പനയില്‍ 30 ശതമാനം വരെ ഇടിവ് വരാനും സാധ്യത കാണുന്നു. മാര്‍ക്കറ്റ് ഇന്റലിജന്‍സ് കമ്പനിയായ ടെക് ആര്‍ക്, ഏപ്രില്‍-ജൂണ്‍ പാദത്തിലെ മൊബൈല്‍ ഹാന്‍ഡ്‌സെറ്റ് വില്‍പ്പനയില്‍ 25-30 ശതമാനം കുറവുണ്ടാകുമെന്ന് പ്രവചിച്ചിട്ടുണ്ട്.

മൊബൈല്‍ ഹാന്‍ഡ്‌സെറ്റ് വില്‍പ്പന 15% വരെ ഇടിയുമെന്ന് റിപ്പോര്‍ട്ട്‌

 

വിതരണ ശൃംഖലയിലെ പ്രശ്‌നങ്ങള്‍ കാരണം സാധനങ്ങള്‍ ആവശ്യപ്രകാരം സംഭരിക്കാന്‍ കഴിയുന്നില്ലെന്നും കമ്പനി വ്യക്തമാക്കി. ടെക് ആര്‍ക് റിപ്പോര്‍ട്ടില്‍ സൂചിപ്പിച്ചിരിക്കുന്നതു പോലെ അന്താരാഷ്ട്ര ഡാറ്റാ കോര്‍പ്പറേഷനും (ഐഡിസി) നിലവിലെ പാദത്തിലെ കയറ്റുമതി എസ്റ്റിമേറ്റ് കുറച്ചിട്ടുണ്ട്. വില്‍പ്പനയില്‍ ആദ്യ പാദത്തില്‍ 8-10 ശതമാനം വരെ ഇടിവുണ്ടാകുമെന്നാണ് സൈബര്‍ മീഡിയ റിസര്‍ച്ച് (സിഎംആര്‍) പ്രവചിക്കുന്നത്. കൗണ്ടര്‍ പോയിന്റ് റിസര്‍ച്ചാവട്ടെ മൊത്തം 15 ശതമാനം ഇടിവ് കണക്കാക്കുന്നു. കൂടാതെ, സ്മാര്‍ട്‌ഫോണ്‍ വിപണിയില്‍ രണ്ടാം പാദത്തില്‍ അതികഠിനമായ പ്രത്യാഘാതങ്ങള്‍ ഉണ്ടാവാന്‍ സാധ്യതയുണ്ടെന്നും സിഎംആര്‍ കൂട്ടിച്ചേര്‍ത്തിട്ടുണ്ട്.

സ്മാര്‍ട്‌ഫോണ്‍, ഫീച്ചര്‍ ഫോണ്‍ കയറ്റുമതി ജനുവരിയില്‍ വര്‍ദ്ധിച്ചുവെങ്കിലും ഫെബ്രുവരിയില്‍ ഇത് കുറഞ്ഞെന്നും സിഎംആര്‍ റിപ്പോര്‍ട്ടില്‍ പറയുന്നു. ആദ്യ പാദത്തില്‍ 31-32 ദശലക്ഷം ഫോണുകളുടെ വില്‍പ്പനയാണ് അനലിസ്റ്റുകള്‍ പ്രവചിക്കുന്നതെന്നും റിപ്പോര്‍ട്ടില്‍ പരാമര്‍ശിക്കുന്നു.

പ്രമുഖ സ്മാര്‍ട്‌ഫോണ്‍ ബ്രാന്‍ഡുകളായ ഷവോമി, വണ്‍പ്ലസ്, ഒപ്പോ, വിവോ എന്നിവ രാജ്യത്ത് ഉപകരണങ്ങള്‍ അസംബ്ള്‍ ചെയ്യുന്നുണ്ട്. എങ്കിലും, ബാറ്ററി, മെമ്മറി ബോര്‍ഡ്, പ്രിന്റഡ് സര്‍ക്യൂട്ട് ബോര്‍ഡ്, ഡിസ്‌പ്ലേ എന്നിവയുള്‍പ്പടെയുള്ള മൊബൈല്‍ ഫോണ്‍ ഭാഗങ്ങള്‍ക്കായി ഇവര്‍ ചൈനയെയാണ് പ്രധാനമായും ആശ്രയിച്ചിരിക്കുന്നത്.

അടുത്തിടെ പുറത്തുവന്ന റിപ്പോര്‍ട്ടുകള്‍ പറയുന്നത്, മൊബൈല്‍ ഫോണ്‍/ സ്മാര്‍ട്‌ഫോണ്‍ ഘടക വിതരണത്തിലെ കുറവ് മൂലം ഏറ്റവും കൂടുതല്‍ ദുരിതമനുഭവിക്കുന്നതില്‍ പ്രധാനി ആപ്പിളാണെന്നാണ്. സാങ്കേതിക ഭീമന്മാരായ ആപ്പിളിന്റെ ഏറ്റവും പുതിയ മോഡലുകളായ ഐഫോണ്‍ എക്‌സ്ആര്‍, ഐഫോണ്‍ 11 എന്നിവ പൂര്‍ണ്ണമായും കയറ്റുമതി ചെയ്യുന്നത് ചൈനയില്‍ നിന്നാണ്.

Read more about: news
English summary

മൊബൈല്‍ ഹാന്‍ഡ്‌സെറ്റ് വില്‍പ്പന 15% വരെ ഇടിയുമെന്ന് റിപ്പോര്‍ട്ട്‌

Smartphone Sales Likely To Fall 15 Per Cent This Quarter. Read in Malayalam.
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X