മിഡ് ക്യാപ് മെറ്റൽ സ്റ്റോക്ക് വാങ്ങാം, ബൈ കോൾ നൽകി മോത്തിലാൽ ഓസ്വാൾ, ടാർഗെറ്റ് വില 900 രൂപ, കൂടെ കൂട്ടുന്നോ

ഓഹരി വിപണിയോടുള്ള മലയാളി നിക്ഷേപകരുടെ പേടി പതിയെ മാറാൻ തുടങ്ങിയിട്ടുണ്ട്. ഓഹരി നിക്ഷേപം എന്നത് പണം നഷ്ടപെടുന്ന ഇടം മാത്രമല്ലെന്നും പണം നേടാനുള്ള വഴി കൂടിയാണെന്നും എല്ലാവരും തിരിച്ചറിയുന്നുണ്ട്. വിപണിയെക്കുറിച്ച് നന്നായി പഠിച്ച് നിക്ഷേപം നടത്തിയാൽ നേട്ടമുണ്ടാക്കാൻ സാധിക്കും.

മികച്ച ഓഹരികൾ കണ്ടെത്തി വാങ്ങുകയെന്നതാണ് സുരക്ഷിതമായ നിക്ഷേപ മാർ​ഗം. ഓഹരികളെ പഠിച്ച് വളർച്ച സാധ്യത മനസിലാക്കി വാങ്ങുന്നത് നഷ്ട സാധ്യത കുറയ്ക്കും. പ്രമുഖ ബ്രോക്കറേജ് സ്ഥാപനങ്ങളുടെ വിലയിരുത്തലുകളും വിശകലനങ്ങളും ശ്രദ്ധിക്കുന്നതും നല്ലതാണ്.

ജിൻഡാൽ സ്റ്റീൽ ആൻഡ് പവർ ലിമിറ്റഡിന് (ജെഎസ്പിഎൽ)

പ്രമുഖ ബ്രോക്കറേജ് സ്ഥാപനമായ മോത്തിലാൽ ഓസ്വാൾ, ജിൻഡാൽ സ്റ്റീൽ ആൻഡ് പവർ ലിമിറ്റഡിന് (ജെഎസ്പിഎൽ) ഒരു ബൈ കോൾ നൽകിയിട്ടുണ്ട്. അതായത് ഇപ്പോൾ ജെഎസ്പിഎൽ ഓഹരി വാങ്ങുന്നത് നേട്ടമുണ്ടാക്കാൻ സഹായകരമാകുമെന്നർത്ഥം.

ജെഎസ്പിഎല്ലിൻ്റെ നിലവിലെ വിപണി വില 772.85 രൂപയാണ്. കഴിഞ്ഞ ദിവസങ്ങളിൽ ഓഹരിയിൽ ഉയർച്ചയും ഉണ്ടായിരുന്നു. ബിഎസ്ഇയിൽ 1.54% ഉയർന്ന് 783.50 രൂപയായും എൻഎസ്ഇയിൽ 1.58% ഉയർന്ന് 783.70 രൂപയിലും ജെഎസ്പിഎൽ ഓഹരി എത്തി. അതുകൊണ്ടു തന്നെ ഓഹരി 900 രൂപ വരെ എത്തുമെന്നാണ് മോത്തിലാൽ ഓസ്വാൾ വിലയിരുത്തുന്നത്.

11,736 കോടിയുടെ മൊത്ത വരുമാനം

2023 ഡിസംബർ 31 ന് അവസാനിച്ച പാദത്തിൽ ജെഎസ്പിഎൽ 11,736.40 കോടി രൂപയുടെ ഏകീകൃത മൊത്ത വരുമാനം റിപ്പോർട്ട് ചെയ്തു. ഇത് മുൻ പാദത്തേക്കാൾ -4.44% കുറവും കഴിഞ്ഞ വർഷം ഇതേ പാദത്തിൽ നിന്ന് -5.88% വും കുറഞ്ഞു. എന്നിരുന്നാലും, അവസാന പാദത്തിൽ 1,927.87 കോടി രൂപ നികുതിക്ക് ശേഷമുള്ള അറ്റാദായം കൈവരിക്കാൻ കമ്പനിക്ക് കഴിഞ്ഞു.

ഉടമസ്ഥതയുടെ കാര്യത്തിൽ, 2023 ഡിസംബർ 31 വരെ ജെഎസ്പിഎൽ പ്രൊമോട്ടർമാർക്ക് 61.2% ഓഹരിയുണ്ട്. അതേസമയം വിദേശ സ്ഥാപന നിക്ഷേപകർക്ക് 11.75 ശതമാനവും ആഭ്യന്തര സ്ഥാപന നിക്ഷേപകർക്ക് 15.32 ശതമാനവും ഉണ്ട്.

ബൈ കോൾ 900 രൂപ

ജെഎസ്പിഎൽ ആസൂത്രിത മൂലധനച്ചെലവിന് ഊന്നൽ നൽകി. ഇത് വോളിയം വളർച്ചയെ നയിക്കുകയും ഘടനാപരമായ ചെലവ് കുറയ്ക്കുകയും ചെയ്യും. കമ്പനിക്ക് ഇന്ത്യൻ നിർമ്മാതാക്കൾക്കിടയിൽ ഏറ്റവും മികച്ച ബാലൻസ് ഷീറ്റ് ഉണ്ട്. അതോടൊപ്പം 2024 സാമ്പത്തിക വർഷത്തിന്റെ ആദ്യ ഒമ്പത് മാസങ്ങളിൽ 9,100 കോടി രൂപയുടെ അറ്റ ​​കടവും ആരോഗ്യകരമായ തലത്തിൽ 0.9 മടങ്ങ് ഇബിഐടിഡിഎ അനുപാതവും ഉണ്ട്.

കമ്പനിയുടെ സ്റ്റോക്ക് 5.2x FY26E EV/EBITDA, 1.3x FY26E P/B എന്നിവയിൽ വ്യാപാരം ചെയ്യുന്നുവെന്ന് ബ്രോക്കറേജ് എടുത്തുകാണിക്കുന്നു. 6x FY26E EV/EBITDA അടിസ്ഥാനമാക്കി 900 രൂപ ടാർഗെറ്റ് വിലയുള്ള സ്റ്റോക്കിൻ്റെ വാങ്ങൽ ശുപാർശ മോത്തിലാൽ ഓസ്വാൾ ആവർത്തിച്ചു.

ജെഎസ്പിഎൽ - ചരിത്രം

1979-ൽ സ്ഥാപിതമായ ജിൻഡാൽ സ്റ്റീൽ ആൻഡ് പവർ ലിമിറ്റഡ്, ലോഹ-ഫെറസ് മേഖലയിൽ ഒരു മിഡ്-ക്യാപ് കമ്പനിയായി പ്രവർത്തിക്കുന്നു. 79,169.04 കോടി രൂപയുടെ വിപണി മൂലധനമാണ് കമ്പനിക്കുള്ളത്. 2023 മാർച്ച് 31-ന് അവസാനിക്കുന്ന സാമ്പത്തിക വർഷത്തിലെ റിപ്പോർട്ടുകൾ പ്രകാരം, ഇരുമ്പ്, ഉരുക്ക് ഇനങ്ങൾ, മറ്റ് പ്രവർത്തന വരുമാനം, സ്ക്രാപ്പ്, കയറ്റുമതി എന്നിവയാണ് കമ്പനിയുടെ പ്രധാന വരുമാന വിഭാഗങ്ങൾ.

ജിൻഡാൽ സ്റ്റീൽ ആൻഡ് പവർ സ്റ്റീലിന് പവർ, മൈനിംഗ്, ഇൻഫ്രാസ്ട്രക്ചർ എന്നീ മേഖലകളിൽ ലോകമെമ്പാടും 12 ബില്യൺ യുഎസ് ഡോളറിൻ്റെ നിക്ഷേപമുണ്ട്.
ജിൻഡാൽ സ്റ്റീൽ ആൻഡ് പവർ ലിമിറ്റഡിൻ്റെ വളർച്ചാ സാധ്യതകളും അതുവഴി ഓഹരിയിലെ മുറ്റേറ്റങ്ങളും അടിവരയിടുന്നതാണ് മോത്തിലാൽ ഓസ്വാളിൽ നിന്നുള്ള ശുപാർശ. ഇത് ലോഹ മേഖലയിലെ നിക്ഷേപം വഴി നേട്ടമുണ്ടാക്കാൻ ആഗ്രഹിക്കുന്ന നിക്ഷേപകർക്ക് പരിഗണിക്കാവുന്നതാണ്.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.