വില 180 രൂപ മുതൽ, ഈ 4 ഓഹരികൾ വാങ്ങിയാൽ ലാഭം 55 ശതമാനം വരെ, ഇതാണ് മോത്തിലാലിന്‍റെ ശുപാശ

ബ്രോക്കറേജ് സ്ഥാപനമായ മോത്തിലാൽ ഓസ്വാൾ അവരുടെ ഏറ്റവും പുതിയ സ്റ്റോക്ക് ശുപാർശകൾ പുറത്തിറക്കി. ശക്തമായ അടിസ്ഥാനകാര്യങ്ങളും വളർച്ചാ സാധ്യതയുമുള്ള 4 ഓഹരികൾ വാങ്ങാൻ ബ്രോക്കറേജ് ശുപാർശ ചെയ്തു. റിയൽ എസ്റ്റേറ്റ്, ഇൻഫ്രാസ്ട്രക്ചർ, എഫ്എംസിജി, ഊർജ്ജം തുടങ്ങിയ മേഖലകളിലെ ഓഹരികളാണ് മോത്തിലാൽ കണ്ടെത്തിയിരിക്കുന്നത്. നമുക്ക് ഓഹരികളുടെ വിശദാംശങ്ങൾ പരിശോധിക്കാം.

1. ലോധ ഡെവലപ്പേഴ്സ്

മുംബൈ ആസ്ഥാനമായി പ്രവർത്തിക്കുന്ന ഒരു ഇന്ത്യൻ ബഹുരാഷ്ട്ര റിയൽ എസ്റ്റേറ്റ് കമ്പനിയും നിർമ്മാണ കമ്പനിയുമാണ് ലോധ അല്ലെങ്കിൽ ലോധ ഡെവലപ്പേഴ്‌സ് ലിമിറ്റഡ്. മുംബൈ, താനെ, ഹൈദരാബാദ്, പൂനെ, ലണ്ടൻ എന്നിവിടങ്ങളിൽ പാർപ്പിട, വാണിജ്യ കെട്ടിടങ്ങൾ കമ്പനി നിർമ്മിച്ചിട്ടുണ്ട്. എൻഎസ്ഇയിൽ 1,237 രൂപ നിലവാരത്തിലാണ് ബുധനാഴ്ച ലോധ ഡെവലപ്പേഴ്സ് ഓഹരി വ്യാപാരം അവസാനിപ്പിച്ചത്. കഴിഞ്ഞ ഒരുമാസത്തിനിടെ 10 ശതമാനം നഷ്ടം ഓഹരി നേരിട്ടു. അതേസമയം ആറ് മാസത്തെ കണക്കുകൾ പരിശോധിച്ചാൽ 7 ശതമാനം വളർച്ച നേടാൻ ലോധ ഓഹരിക്ക് സാധിച്ചിട്ടുണ്ടെന്ന് കാണാം.

ടാർഗെറ്റ് വില

ബ്രോക്കറേജിന്റെ കണക്കനുസരിച്ച്, 2026 സാമ്പത്തിക വർഷത്തിന്‍റെ ആദ്യ പാദത്തിൽ കമ്പനി പ്രീസെയിലുകളിൽ 10% വാർഷിക വളർച്ചയോടെ 4450 കോടി രൂപയായി. ലോധയുടെ പലാവ ടൗൺഷിപ്പിലെ സ്ഥിരതയാർന്ന നിർവ്വഹണം, സ്കെയിൽ, സാധ്യത എന്നിവ ഒരു ബുള്ളിഷ് വീക്ഷണത്തെ പിന്തുണയ്ക്കുന്നു എന്നാണ് ബ്രോക്കറേജ് പറയുന്നത്. 1870 രൂപ ടാർഗെറ്റ് വിലയോടെ ഓഹരി വാങ്ങാമെന്നാണ് മോത്തിലാൽ ഓസ്വാൾ ശുപാർശ. ഇത് നിലവിലെ വിപണി വിലയേക്കാൾ 55% വർദ്ധനവ് സൂചിപ്പിക്കുന്നു.

2. ലാർസൻ & ട്യൂബ്രോ

അടിസ്ഥാന സൗകര്യ വികസനം, പെട്രോളിയം, ഊർജം, പ്രതിരോധം, ഐടി, പ്രോസസ് ഇൻഡസ്ട്രീസ്, ധനകാര്യ സേവനം തുടങ്ങിയ മേഖലകളിൽ പ്രവർത്തിക്കുന്ന ഇന്ത്യൻ ബഹുരാഷ്ട്ര കമ്പനിയാണ് ലാർസൻ & ട്യൂബ്രോ. എൻഎസ്ഇയിൽ 3,659.20 രൂപ എന്നതാണ് നിലവിലെ ഓഹരി വില. കഴിഞ്ഞ ആറ് മാസത്തിനിടെ 7 ശതമാനം വളർച്ചയാണ് ഓഹരി നേടിയത്.

ടാർഗെറ്റ് വില

2026 സാമ്പത്തിക വർഷത്തിലെ ആദ്യ പാദത്തിൽ കമ്പനി പ്രതീക്ഷിച്ചതിലും കൂടുതൽ വരുമാനം നേടി. ഓർഡർ പൈപ്പ്‌ലൈനിലെ 65% വാർഷിക വളർച്ചയും നിർവ്വഹണത്തിലെ തുടർച്ചയായ ശക്തിയും കണക്കിലെടുക്കുമ്പോൾ, മോട്ടിലാൽ ഓഹരിയിൽ ദീർഘകാല മൂല്യം കാണുന്നു എന്നാണ് ബ്രോക്കറേജ് ചൂണ്ടിക്കാട്ടുന്നു. 4200 രൂപ ടാർഗെറ്റ് വിലയോടെ ഓഹരി വാങ്ങാമെന്നും ബ്രോക്കറേജ് വ്യക്തമാക്കി. ഇത് 18 ശതമാനം നേട്ടം സൂചിപ്പിക്കുന്നു.

3. വരുൺ ബിവറേജസ്

പെപ്സികോ ഫ്രാഞ്ചൈസി കൈവശം വച്ചിരിക്കുന്ന കമ്പനി. കാര്‍ബണേറ്റഡ് പാനീയ മേഖലയിലെ അതുല്യരാണ്. എൻഎസ്ഇയിൽ 519.60 രൂപ നിലവാരത്തിലാണ് ഓഹരി വ്യാപാരം പുരോഗമിക്കുന്നത്. കഴിഞ്ഞ ഒരുമാസത്തിനിടെ 13.5 ശതമാനം വളർച്ച നേടാൻ ഓഹരിക്ക് സാധിച്ചു.

ടാർഗെറ്റ് വില

കാലാനുസൃതമല്ലാത്ത മഴ ഉൽപാദനത്തെ ബാധിച്ചെങ്കിലും, രണ്ടാം പാദത്തിൽ കമ്പനി മികച്ച പ്രകടനം കാഴ്ചവച്ചു. മുന്നോട്ട് പോകുമ്പോൾ, അന്താരാഷ്ട്ര വിപണികളിലെ വളർച്ചയും ശക്തമായ ഓൺ-ഗ്രൗണ്ട് എക്സിക്യൂഷനും കാരണം കമ്പനിയുടെ വരുമാനം കൂടുമെന്നാണ് ബ്രോക്കറേജ് പറയുന്നത്. അതുകൊണ്ടുതന്നെ വരുൺ ബിവറേജസ് ഓഹരി 620 രൂപ ലക്ഷ്യ വിലയിൽ വാങ്ങാൻ ബ്രോക്കറേജ് ശുപാർശ ചെയ്യുന്നു. ഇത് നിലവിലെ നിലവാരത്തിൽ നിന്ന് 20% വർദ്ധനവ് സൂചിപ്പിക്കുന്നു.

4. ഗെയിൽ

ഇന്ത്യയിലെ ഏറ്റവും വലിയ പൊതുമേഖല പ്രകൃതി വാതക ഉൽപ്പാദന-വിതരണ കമ്പനിയാണ് ഗെയ്ൽ (ഇന്ത്യ) ലിമിറ്റഡ്. 180.55 രൂപയാണ് നിലവിലെ ഓഹരി വില. കഴിഞ്ഞ ആറ് മാസത്തിനിടെ 8 ശതമാനം വളർച്ച നേടാൻ പൊതുമേഖലാ ഓഹരിക്ക് സാധിച്ചു.

ടാർഗെറ്റ് വില

മോത്തിലാൽ ഓസ്വാൾ ഗെയ്‌ലിന് 210 രൂപ ലക്ഷ്യ വിലയോടെ ഒരു ബൈ റേറ്റിംഗ് നൽകി. ഇത് 16 ശതമാനം വർദ്ധനവ് സൂചിപ്പിക്കുന്നു.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.