മുഹൂർത്ത വ്യാപാരം 2020: ഉടൻ വ്യാപാരം ആരംഭിക്കും, പ്രീ-ഓപ്പണിംഗ് സെഷനിൽ റോക്കറ്റ് കുതിപ്പ്

2020 ലെ ദീപാവലി ആഘോഷവേളയിൽ ഇന്ത്യൻ ഓഹരി സൂചികകളായ സെൻസെക്‌സും നിഫ്റ്റിയും മുഹൂർത്ത വ്യാപാരത്തിനായി ഉടൻ തുറക്കും. സംവത് 2076 ഇന്നലെ ഉയർന്ന നിലവാരത്തിൽ അവസാനിപ്പിച്ച ശേഷം ഓഹരി വിപണികൾ ഇന്ന് മുഹൂർത്ത വ്യാപാരത്തിനായാണ് തുറക്കുന്നത്. ബി‌എസ്‌ഇയും എൻ‌എസ്‌ഇയും ഒരു മണിക്കൂർ നേരത്തെ വ്യാപാരമാണ് നടത്തുക. 6.15 മുതൽ 7.15 വരെയാണ് വ്യാപാര സമയം.

മുഹൂർത്ത വ്യാപാരം 2020: ഓഹരി വിപണിയിൽ ഉടൻ വ്യാപാരം ആരംഭിക്കും

മുഹൂർത്ത വ്യാപാരം ഹിന്ദു പുതുവർഷമായ വിക്രം സംവത് 2077 ന്റെ തുടക്കത്തിലാണ് നടത്തുന്നത്. ഇന്ത്യയിലെ ഓഹരി വിപണികളിൽ ഈ ദിവസം വ്യാപാരം നടത്തുന്നത് ശുഭസൂചനയായാണ് കണക്കാക്കുന്നത്. ഈ പ്രത്യേക സമയം നടത്തുന്ന വ്യാപാരം സമൃദ്ധിയും ഭാഗ്യവും സമ്പത്തും നൽകുമെന്നാണ് വിശ്വസിക്കപ്പെടുന്നത്. 1957 മുതൽ ബി‌എസ്‌ഇ മുഹൂർത്ത വ്യാപാരം നടത്തുന്നുണ്ട്. 1992 മുതലാണ് എൻ‌എസ്‌ഇ മുഹൂർത്ത വ്യാപാരം ആരംഭിച്ചത്.

മgഹൂർത്ത വ്യാപാരത്തിന് തൊട്ടു മുമ്പുള്ള പ്രീ-ഓപ്പണിംഗ് സെഷനിൽ സെൻസെക്സിനും നിഫ്റ്റിയ്ക്കും റോക്കറ്റ് കുതിപ്പ്. സെൻസെക്സ് 400 പോയിൻറ് ഉയർന്നപ്പോൾ നിഫ്റ്റി 12,800 ന് മുകളിലാണ് വ്യാപാരം നടത്തുന്നത്.