പെന്നി ഓഹരികളിലെ മെഗാ സ്റ്റാർ, 2025-ൽ ഇതുവരെ നേടിയത് 134% വളർച്ച, നിങ്ങളുടെ കയ്യിലുണ്ടോ..?

പെന്നി ഓഹരികളിലെ നിക്ഷേപത്തിലൂടെ നിരവധി നേട്ടങ്ങളാണ് നിക്ഷേപകന് ലഭിക്കുക. അതിൽ ഏറ്റവും പ്രധാനപ്പെട്ടത് മൾട്ടിബാഗർ റിട്ടേൺ നേടാനുള്ള സാധ്യതയാണ്. രണ്ടാമത്തേത് ഓഹരി വിപണിയിലെ ചാഞ്ചാട്ടത്തെക്കുറിച്ച് കൃത്യമായി മനസിലാക്കാൻ സാധിക്കും എന്നതും. തുടർച്ചയായി 14 സെഷനുകളിൽ നേട്ടമുണ്ടാക്കിയ ഒരു പെന്നി ഓഹരിയുടെ വിശദാംശങ്ങൾ നമുക്ക് നോക്കിയാലോ. 2025-ൽ മാത്രം 134 ശതമാനം വളർച്ചയാണ് ബ്ലൂഗോഡ് എന്‍റർടൈൻമെന്‍റ് ഓഹരി നേടിയത്.

52 ആഴ്ചയിലെ ഉയർന്ന വില

ബിഎസ്ഇയിൽ 20.02 എന്ന 52 ആഴ്ചയിലെ ഏറ്റവും ഉയർന്ന വിലയിലാണ് ബ്ലൂഗോഡ് എന്‍റർടൈൻമെന്‍റ് ഓഹരിയുടെ വ്യാപാരം പുരോഗമിക്കുന്നത്. കഴിഞ്ഞ അഞ്ച് ദിവസത്തിനിടെ 8.16 ശതമാനവും ഒരുമാസത്തിനിടെ 42.8 ശതമാനവും വളർച്ച നേടാൻ ഓഹരിക്ക് സാധിച്ചു. ആറ് മാസത്തെ പ്രകടനം പരിശോധിച്ചാൽ 185 ശതമാനം വളർച്ചയോടെ നിക്ഷേപകരുടെ കീശ നിറയ്ക്കാനും ബ്ലൂഗോഡ് എന്‍റർടൈൻമെന്‍റ് ഓഹരിക്ക് സാധിച്ചു. ജൂലൈ തുടക്കം മുതൽ ബ്ലൂഗോഡ് എന്‍റർടൈൻമെന്‍റ് ഓഹരി വില പതിവായി ഉയരുകയും അപ്പർ സർക്യൂട്ടിൽ എത്തുകയും ചെയ്തു. കഴിഞ്ഞ മാസത്തിൽ ഓഹരി വില 42 ശതമാനത്തിൽ കൂടുതൽ ഉയർന്നു.

സാങ്കേതിക കാര്യങ്ങൾ

സാങ്കേതിക സൂചകങ്ങളുടെ കാര്യത്തിൽ ബ്ലൂഗോഡ് എന്‍റർടൈൻമെന്‍റ് നിലവിൽ അതിന്‍റെ 5-ദിവസം, 20-ദിവസം, 50-ദിവസം, 100-ദിവസം, 200-ദിവസം എന്നീ കാലയളവുകളിലെ മൂവിംഗ് ആവറേജുകൾക്ക് മുകളിലാണ് വ്യാപാരം നടത്തുന്നത്. ഇത് ഓഹരിയുടെ വിലയിൽ ശക്തമായ ഒരു ഉയർച്ച പ്രവണതയെ സൂചിപ്പിക്കുന്നു.

വിപണി മൂലധനം - 110 കോടി
52 വീക്ക് ഹൈ' ലോ: 20.02 രൂപ/ 5.62 രൂപ
സ്‌റ്റോക്ക് പിഇ: 60.6
ബുക്ക്‌വാല്യൂ: -0.84 രൂപ
മുഖവില: 10 രൂപ

സാമ്പത്തിക പ്രകടനം

കമ്പനിയുടെ അറ്റ വിൽപ്പ 2020ലെ 10.93 കോടിയിൽ നിന്ന് 2025ൽ 2.30 കോടിയായി കുറഞ്ഞു. മൊത്തം പ്രവർത്തന വരുമാനവും സമാനമായ പ്രവണത പിന്തുടർന്നു. മാർച്ച് 2020 ൽ 10.93 കോടിയിൽ നിന്നും മാർച്ച് 2025 ആയപ്പോഴേക്കും 2.30 കോടിയായി കുറഞ്ഞു. കമ്പനിയുടെ മൊത്തം ചെലവിൽ കുറവുണ്ടായി, മാർച്ച് 2019 ലെ 17.97 കോടിയിൽ നിന്ന് മാർച്ച് 25 ൽ 0.54 കോടിയായി കുറഞ്ഞു. അറ്റാദായം 2019 മാർച്ചിൽ -6.88 കോടി നഷ്ടത്തിൽ നിന്ന് 2025 മാർച്ചിൽ 1.82 കോടി ലാഭമായി ഉയർന്നു. പ്രതി ഓഹരി വരുമാനം (ഇപിഎസ്) ഗണ്യമായി മെച്ചപ്പെട്ടു, 2019 മാർച്ചിൽ -10.62 ൽ നിന്ന് 2025 മാർച്ചിൽ 2.8 ആയി. ഇത് ലാഭക്ഷമതയിൽ ഒരു പോസിറ്റീവ് വഴിത്തിരിവിനെ സൂചിപ്പിക്കുന്നു.

ഓഹരി വിഭജനം

മൾട്ടിബാഗർ സ്മോൾ-ക്യാപ് സ്റ്റോക്കായ ബ്ലൂഗോഡ് എന്‍റർടൈൻമെന്‍റും ഓഹരി വിഭജനം പരിഗണിക്കുന്നുണ്ട്. അടുത്തിടെ ഡയറക്ടർ ബോർഡ് കമ്പനിയുടെ ഇക്വിറ്റി ഷെയറുകളുടെ വിഭജനം അംഗീകരിച്ചു. 1:10 എന്ന രീതിയിലാണ് ഓഹരി വിഭജനം. ബ്ലൂഗോഡ് എന്‍റർടൈൻമെന്‍റ് ഓഹരി ഉടമകളിൽ വ്യക്തിഗത നിക്ഷേപകരും ഉൾപ്പെടുന്നു. അവർ കമ്പനിയുടെ 90.73% ഓഹരികളും കൈവശം വച്ചിട്ടുണ്ട്. പൊതു ഓഹരി ഉടമകളിൽ, ഭികാമചന്ദ് രാജേഷ് ഹഫ് 2.01% കൈവശം വച്ചിട്ടുണ്ട്. ഇതിൽ സ്ഥാപന നിക്ഷേപകരോ മ്യൂച്വൽ ഫണ്ടുകളോ ഉൾപ്പെട്ടിട്ടില്ല.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.