അന്നത്തെ 1 ലക്ഷം ഇന്നത്തെ 2.5 കോടി, ഇതാണ് ലക്ഷപ്രഭുവിനെ കോടീശ്വരനാക്കിയ ഓഹരി, നിങ്ങളുടെ കയ്യിലുണ്ടോ..?

യുഎസ് പ്രസിഡന്‍റ് ഡൊണാൾഡ് ട്രംപ് ഏർപ്പെടുത്തിയ താരിഫുകൾ ഉൾപ്പെടെയുള്ള വർദ്ധിച്ചുവരുന്ന ഭൗമരാഷ്ട്രീയ സംഘർഷങ്ങൾ ഇന്ത്യൻ ഓഹരി വിപണിയുടെ അസ്ഥിരത വർദ്ധിപ്പിച്ചിട്ടുണ്ട്. അതുകൊണ്ടുതന്നെ മികച്ച ഓഹരികളിൽ നിക്ഷേപം നടത്താൻ എല്ലാവരും ശ്രദ്ധിക്കണം. വിപണിയുടെ അനിശ്ചിതത്വത്തിനിടയിലും, സ്ഥിരമായി മികച്ച പ്രകടനം കാഴ്ചവയ്ക്കുകയും മികച്ച നേട്ടം കൈവരിക്കുകയും ചെയ്ത മൾട്ടിബാഗർ പെന്നി ഓഹരിയാണ് ഹസൂർ മൾട്ടി പ്രോജക്ട്സ്.

2015 സെപ്റ്റംബറിൽ 0.16 രൂപ വിലയുണ്ടായിരുന്ന ഹസൂർ മൾട്ടി പ്രോജക്ട്‌സ് ഓഹരി വില ഇപ്പോൾ 41 രൂപയ്ക്ക് മുകളിലാണ്. പത്ത് വർഷം മുമ്പ് ഓഹരിയിൽ ഒരു ലക്ഷം രൂപയുടെ നിക്ഷേപം നടത്തിയിരുന്നെങ്കിൽ ഇപ്പോൾ അത് ഏകദേശം 2.59 കോടി രൂപയായി വളരുമായിരുന്നു. അസാധാരണമായ വരുമാനം നൽകാനുള്ള ഓഹരി വിപണിയുടെ കഴിവിനെ ഹസൂർ മൾട്ടി പ്രോജക്ട്‌സ് അടിവരയിടുകയാണ്. ഓഹരിയുടെ കൂടുതൽ വിശദാംശങ്ങൾ നമുക്ക് പരിശോധിക്കാം.

ഹസൂർ മൾട്ടി പ്രോജക്ട്‌സ്

റിയൽ എസ്റ്റേറ്റ് രംഗത്തും റോഡ് നിർമാണ മേഖലയിലും പ്രവർത്തിക്കുന്ന മൈക്രോ ക്യാപ് കമ്പനിയാണ് ഹസൂ‌ർ മൾട്ടി പ്രോജക്ട്സ് ലിമിറ്റഡ്. 1992 ലാണ് കമ്പനി പ്രവർത്തനം ആരംഭിച്ചത്. മഹാരാഷ്ട്ര സ്റ്റേറ്റ് റോഡ് ഡെവലപ്‌മെന്റ് കോർപ്പറേഷൻ, നാഷണൽ ഹൈവേ അതോറിറ്റി ഓഫ് ഇന്ത്യ തുടങ്ങിയ സർക്കാർ ഏജൻസികൾക്കായി നാഷണൽ ഹൈവേ പദ്ധതികളിൽ സബ് കോൺട്രാക്ടറായി കമ്പനി പ്രധാനമായും പ്രവർത്തിക്കുന്നു.

ഓഹരി വിപണിയിലെ പ്രകടനം

ബിഎസ്ഇയിൽ 41.49 രൂപ എന്നതാണ് ഓഹരിയുടെ നിലവിലെ വില. കഴിഞ്ഞ അഞ്ച് ദിവസത്തിനിടെ 2.3 ശതമാനം നഷ്ടം ഓഹരി നേരിട്ടു. എന്നാൽ ആറ് മാസത്തിനിടെ 24.63 ശതമാനം വളർച്ച കൈവരിക്കാൻ ഓഹരിക്ക് സാധിച്ചു. 63.90 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. അഞ്ച് വർഷത്തിനിടെ 41,390 ശതമാനത്തിന്‍റെ കുതിപ്പാണ് ഹസൂർ മൾട്ടി പ്രോജക്ട്‌സ് നേടിയത്.

സാങ്കേതിക കാര്യങ്ങൾ

52 വീക്ക് ഹൈ/ ലോ: 63.9 / 32.0
സ്‌റ്റോക്ക് പിഇ: 20.7
ബുക്ക്‌വാല്യൂ: 20.8 രൂപ
ഡിവിഡന്റ്: 0.97
ആര്‍ഒസിഇ: 14.1%
ആര്‍ഒഇ: 11.5%
മുഖവില: 1 രൂപ

1 ലക്ഷം വളർന്നത് 30 ലക്ഷമായി, ഇതാണ് സമ്പാദ്യം വളർത്തിയ മ്യൂച്വൽ ഫണ്ട്, നിങ്ങൾക്ക് നിക്ഷേപമുണ്ടോ..?

ധനസമാഹരണം

ബുധനാഴ്ച സ്റ്റോക്ക് എക്സ്ചേഞ്ചുകളിൽ സമർപ്പിച്ച ഒരു ഫയലിംഗിൽ ഹസൂർ മൾട്ടി പ്രോജക്ട്സ് ഒരു ഓഹരിക്ക് 30 രൂപ ഇഷ്യു വിലയിൽ 1 രൂപ മുഖവിലയുള്ള 60,000 ഇക്വിറ്റി ഓഹരികൾ അനുവദിക്കുന്നതിന് ബോർഡ് അംഗീകാരം നൽകിയതായി അറിയിച്ചു. 6,000 വാറന്റുകളുടെ പരിവർത്തനത്തെ തുടർന്നാണ് ഈ അലോട്ട്മെന്റ്. അതിലൂടെ 13.5 ലക്ഷം രൂപയുടെ അന്തിമ പേയ്‌മെന്റ് ലഭിച്ചു. ഈ അലോട്ട്മെന്റിനുശേഷം, കമ്പനിയുടെ ഇഷ്യു ചെയ്തതും അടച്ചുതീർത്തതുമായ മൂലധനം 23,00,48,910 രൂപയായി. പുതുതായി ഇഷ്യു ചെയ്ത ഓഹരികൾക്ക് നിലവിലുള്ള ഓഹരികളുടെ അതേ അവകാശങ്ങൾ ഉണ്ടായിരിക്കും.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.