20 രൂപ പോലും വേണ്ട, ഈ കിടിലൻ മൾട്ടിബാ​ഗർ പെന്നിസ്റ്റോക്ക് വാങ്ങിയാലോ? ഓഹരികൾ കുതിക്കുന്നു

ഓഹരി വിപണിയിൽ ഇൻവെസ്റ്റ് ചെയ്യാൻ പ്ലാനുണ്ടോ? എങ്കിൽ പേടിക്കണ്ട നിങ്ങൾക്ക് വാങ്ങാവുന്ന കിടിലൻ ഓഹരികളെ കുറിച്ച് അറിയാം. 20 രൂപയിൽ താഴെയുള്ള ഓഹരികൾ വാങ്ങാൻ ആ​ഗ്രഹിക്കുന്നവർക്ക് ഇതൊരു ബെസ്റ്റ് ഓപ്ഷനാണ്. ഇന്ന് ബി.എസ്.ഇയിലെ ഏറ്റവും മികച്ച പ്രകടനം കാഴ്ച വെച്ചത് ഹാർഡ്‌വിൻ ഇന്ത്യ ലിമിറ്റഡ് എന്ന സ്‌മോൾ-ക്യാപ് കമ്പനിയാണ്. ഇന്ന് കമ്പനിയുടെ ഓഹരികൾ 5 ശതമാനം അപ്പർ സർക്യൂട്ടിലെത്തി ഒരു ഷെയറിന് 17.14 രൂപയിലെത്തി.

ഹാർഡ്‌വിൻ ഇന്ത്യ ലിമിറ്റഡ് ഓഹരിയുടെ 52 ആഴ്‌ചയിലെ ഏറ്റവും ഉയർന്ന വില 34.79 രൂപയും 52 ആഴ്‌ചയിലെ ഏറ്റവും താഴ്ന്ന നിരക്കായ 17.29 രൂപയുമാണ്. 20 രൂപയിൽ താഴെയുള്ള ഓഹരികൾ വാങ്ങാൻ ആ​ഗ്രഹിക്കുന്നവർക്ക് ഇതാണ് നല്ല ഓപ്ഷൻ

ഹാർഡ്‌വിൻ ഇന്ത്യ ലിമിറ്റഡ്

റെസിഡൻഷ്യൽ, കൊമേഴ്‌സ്യൽ ഘടനകൾക്കായി ആർക്കിടെക്ചറൽ ഹാർഡ്‌വെയറും ഗ്ലാസ് ഫിറ്റിംഗുകളും നിർമ്മിക്കുന്നതിൽ വൈ​ദ​ഗ്ധ്യമുള്ള സ്ഥാപനമാണ് ഹാർഡ്‌വിൻ ഇന്ത്യ ലിമിറ്റഡ്. ഇത് ബി.എസ്.ഇയിലും, എൻ.എസ്.ഇയിലും ലിസ്റ്റ് ചെയ്തിട്ടുണ്ട്. ഈ കമ്പനിയുടെ വിപണി മൂലധനം 837 കോടി രൂപയാണ്.

2024 ഡിസംബറിൽ, കമ്പനിയുടെ 0.46 ശതമാനം ഓഹരി ഏറ്റെടുത്തു. നിലവിലുള്ള ഓഹരികൾ പ്രൊമോട്ടർമാരുടെ 43.77 ശതമാനവും, വിദേശ സ്ഥാപന നിക്ഷേപകരുടെ (എഫ്‌.ഐ.ഐ) 0.07 ശതമാനവും, സർക്കാരിന്റെ 0.46 ശതമാനവും, പൊതുജനങ്ങളുടെ 55.70 ശതമാനവും ഉൾപ്പെടുന്നു.

ഹാർഡ്‌വിൻ ഇന്ത്യ ലിമിറ്റഡ് അതിൻ്റെ ഷെയർഹോൾഡർമാർക്ക് 13,95,52,587 ഇക്വിറ്റി ഷെയറുകളുടെ ബോണസ് ഇഷ്യു പ്രഖ്യാപിച്ചു. അത് 2024 ഡിസംബർ 30-ന് അംഗീകരിച്ചു. നിലവിലുള്ള ഓഹരിയുടമകൾക്ക് ഓരോ 5 ഓഹരികൾക്കും 2 ബോണസ് ഓഹരികൾ ലഭിക്കും. ഇത് ഹാർഡ്‌വിൻ ഇന്ത്യ ലിമിറ്റഡിൻ്റെ പെയ്ഡ്-അപ്പ് ഇക്വിറ്റി ഷെയർ മൂലധനം 48,84,34,054 രൂപയായി. അതായത് 1 രൂപ മുഖവിലയുള്ള 48,84,34,054 ഇക്വിറ്റി ഷെയറുകളെ പ്രതിനിധീകരിക്കുന്നു.

അടുത്ത രണ്ട് വർഷത്തിനുള്ളിൽ തങ്ങളുടെ നവീകരണത്തിനും നിർമ്മാണ പദ്ധതികൾക്കുമായി വിപുലമായ ശ്രേണിയിലുള്ള ഉൽപ്പന്നങ്ങൾ വിതരണം ചെയ്യുന്നതിനായി ഭൂട്ടാനിലെ പ്രമുഖ കൺസ്ട്രക്ഷൻ കമ്പനിയായ ദി ഗ്യാൽസങ് ഇൻഫ്രയുമായി ഹാർഡ്‌വിൻ ഇന്ത്യ ലിമിറ്റഡ് ധാരണാപത്രത്തിൽ ഒപ്പുവച്ചു. ഇത് 5 കോടി രൂപയുടെ ഡീലാണ്. ഈ പങ്കാളിത്തത്തിലൂടെ ഹാർഡ്‌വിൻ ഇന്ത്യ ലിമിറ്റഡിന് ഭൂട്ടാനീസ് വിപണിയിലേക്കുള്ള ആദ്യ ചുവടുവെപ്പ് വിജയകരമായി ആരംഭിച്ചു എന്ന് വ്യക്തമാക്കാം.

ഓരോ പാദത്തിലേയും വളർച്ച പരിശോധിക്കാം...

കമ്പനിയുടെ ത്രൈമാസ ഫലങ്ങൾ പരിശോധിച്ചാൽ നെറ്റ് സെയിൽ 62 ശതമാനം വർദ്ധിച്ച് 51.65 കോടി രൂപയായി. മാത്രമല്ല നെറ്റ് പ്രോഫിറ്റ് 2025 സാമ്പത്തിക വർഷത്തിൽ രണ്ടാം പാദത്തിൽ 201 ശതമാനം വർദ്ധിച്ച് 4.04 കോടി രൂപയുമായി. അതിൻ്റെ അർദ്ധവാർഷിക ഫലങ്ങൾ പരിശോധിച്ചാൽ, നെറ്റ് സെയിൽ 35 ശതമാനം വർദ്ധിച്ച് 92.57 കോടി രൂപയായി.

നെറ്റ് പ്രോഫിറ്റ് 2024 സാമ്പത്തിക വർഷത്തിലെ ആദ്യ പാദത്തെ അപേക്ഷിച്ച് 2025 സാമ്പത്തിക വർഷത്തിലെ ആദ്യ പാദത്തിൽ 108 ശതമാനം ഉയർന്ന് 5.38 കോടി രൂപയായി. ഈ ഓഹരികൾ 3 വർഷത്തിനുള്ളിൽ 485 ശതമാനം മൾട്ടിബാഗർ റിട്ടേണും 2018 ൽ ലിസ്റ്റ് ചെയ്തതിന് ശേഷം 4,661 ശതമാനവും നൽകി. ഇത് നിക്ഷേപകർക്ക് ലിസ്റ്റ് ചെയ്ത് വെക്കാവുന്ന മികച്ച സ്റ്റോക്ക് ഓപ്ഷനായിരിക്കും.