വില 55 രൂപയിൽ താഴെ, വളർച്ച 9,421 ശതമാനം, ഈ മൾട്ടിബാഗർ പെന്നി ഓഹരിയിൽ നിങ്ങൾക്ക് നിക്ഷേപമുണ്ടോ..?

കഴിഞ്ഞ ആറ് മാസത്തിനിടെ മികച്ച ലാഭം നിക്ഷേപകർക്ക് നൽകിയ പെന്നി ഓഹരിയാണ് വിൻട്രോൺ ഇൻഫോർമാറ്റിക്‌സ്. ഓഹരി വരും ദിവസങ്ങളിലും കുതിപ്പ് തുടരാനുള്ള സാധ്യതയുണ്ടെന്നാണ് ബ്രോക്കറേജുകൾ വിലയിരുത്തുന്നത്. അതുകൊണ്ടു തന്നെ ഓഹരിയുടെ കൂടുതൽ വിശദാംശങ്ങൾ നമുക്ക് പരിശോധിക്കാം.

വിൻട്രോൺ ഇൻഫോർമാറ്റിക്‌സ്

ഇലക്ട്രോണിക് ഉപകരണങ്ങൾ നിർമ്മിക്കുകയും വിൽക്കുകയും ചെയ്യുന്ന കമ്പനിയാണ് വിൻട്രോൺ ഇൻഫോർമാറ്റിക്‌സ്. എഎച്ച്ഡി, ഐപി പ്രൊജക്റ്റ് ക്യാമറകൾ എന്നിവയും കമ്പനി നിർമ്മിക്കുന്നു. 1991-ൽ സ്ഥാപിതമായ ഈ കമ്പനി ഇന്ത്യയിലെ ന്യൂ ഡൽഹിയിലാണ് പ്രവർത്തിക്കുന്നത്. ഗുഡ്‌വർത്ത് ബിൽഡ് ഇൻവെസ്റ്റ് പ്രൈവറ്റ് ലിമിറ്റഡിൻ്റെ ഉപസ്ഥാപനമാണ് വിൻട്രോൺ ഇൻഫോർമാറ്റിക്‌സ് ലിമിറ്റഡ്.

വരുമാനം

മാർച്ച് പാദത്തിൽ വിൻട്രോൺ ഇൻഫോർമാറ്റിക്‌സ് 16.51 കോടി രൂപയുടെ അറ്റാദായം റിപ്പോർട്ട് ചെയ്തു. കഴിഞ്ഞ വർഷം ഇതേ കാലയളവിലെ 1.7 കോടി രൂപ നഷ്ടത്തിൽ നിന്ന് വൻതോതിൽ ഉയർന്നു. അതേസമയം മൊത്ത വരുമാനം 167.5 കോടി രൂപയാണ്.

2023-24 സാമ്പത്തിക വർഷത്തിൽ കമ്പനി 16.6 കോടി രൂപ അറ്റാദായം നേടി. 2024 സാമ്പത്തിക വർഷത്തിലെ വരുമാനം മുൻ സാമ്പത്തിക വർഷത്തെ 18.5 കോടി രൂപയിൽ നിന്ന് 174.12 കോടി രൂപയായി ഉയർന്നു.

ഓഹരി വിപണിയിലെ പ്രകടനം

എൻഎസ്ഇയിൽ 2 ശതമാനം ഇൻട്രാഡേ നേട്ടത്തോടെ 52.37 രൂപ എന്നതാണ് വിൻട്രോൺ ഇൻഫോർമാറ്റിക്‌സ് ഓഹരിയുടെ വില. കഴിഞ്ഞ അഞ്ച് ദിവസത്തിനിടെ 8.22 ശതമാനം വളർച്ച നേടാൻ ഓഹരിക്ക് സാധിച്ചു. ആറ് മാസം കൊണ്ട് 127.99 ശതമാനം മുന്നേറ്റമാണ് ഓഹരി നേടിയത്. ജൂലൈയിൽ ഇതുവരെ 51 ശതമാനം വളർച്ചയാണ് ഓഹരി നേടിയത്. ജൂണിൽ 19 ശതമാനം നേട്ടമുണ്ടാക്കാനും ഓഹരിക്ക് സാധിച്ചു.

2024 ജനുവരിയിൽ 54 ശതമാനവും ഫെബ്രുവരിയിൽ 51 ശതമാനവും നേട്ടമുണ്ടാക്കാൻ ഓഹരിക്ക് സാധിച്ചിരുന്നു. അതേസമയം മാർച്ചിൽ 33 ശതമാനം തകർച്ച ഓഹരി നേരിട്ടു. എന്നാൽ ഏപ്രിൽ മാസം 25 ശതമാനം ഉയർന്നിരുന്നു. കഴിഞ്ഞ ഒരു വർഷത്തിനിടെ 1032 ശതമാനം ലാഭമാണ് നിക്ഷേപകർക്ക് ഓഹരി നൽകിയത്. അഞ്ച് വർഷത്തിനിടെ 9,421.82 ശതമാനം മുന്നേറ്റമുണ്ടാക്കാനും വിൻട്രോൺ ഇൻഫോർമാറ്റിക്‌സ് ഓഹരിക്ക് സാധിച്ചു.

ജൂലൈ 30-ന് രേഖപ്പെടുത്തിയ 52.37 രൂപയാണ് ഓഹരിയുടെ 52 ആഴ്ചയിലെ ഏറ്റവും ഉയർന്ന ഓഹരി വില. 3.81 രൂപയാണ് 52 ആഴ്ചയിലെ ഏറ്റവും താഴ്ന്ന ഓഹരി വില. 2021 ജൂലൈയിലെ 0.86 രൂപയിൽ നിന്ന് 5989 ശതമാനം വർധനയാണ് സ്റ്റോക്ക് കൈവരിച്ചത്. ദീർഘകാലത്തെ സുസ്ഥിരമായ വളർച്ച, നിക്ഷേപകർക്ക് കാര്യമായ വരുമാനം സൃഷ്ടിക്കാനുള്ള വിൻട്രോണിൻ്റെ കഴിവ് തെളിയിക്കുന്നു.

ബ്രോക്കറേജ് വിലയിരുത്തൽ

ഐസിഐസിഐ ഡയറക്‌ട് വിൻട്രോൺ ഇൻഫോർമാറ്റിക്‌സ് ഓഹരിയിൽ ബുള്ളിഷ് ആണ്. ഓഹരി വില സ്ഥിരമായി ഹ്രസ്വ, ഇടത്തരം, ദീർഘകാല ചലിക്കുന്ന ശരാശരിക്ക് മുകളിൽ തുടരുന്നുണ്ട്. പന്ത്രണ്ട് മാസത്തെ (ടിടിഎം) ഇപിഎസ് വളർച്ചയും ശക്തമായ വാർഷിക ഇപിഎസ് വളർച്ചയും കമ്പനി പ്രകടമാക്കി എന്നും ബ്രോക്കറേജ് പറയുന്നു. അതേസമയം കഴിഞ്ഞ 2 വർഷമായി പ്രവർത്തനങ്ങളിൽ നിന്നുള്ള പണമൊഴുക്ക് കുറയുന്നതിന് സ്ഥാപനം സാക്ഷ്യം വഹിച്ചു എന്നത് ശ്രദ്ധിക്കണമെന്നും ബ്രോക്കറേജ് റിപ്പോർട്ടിലുണ്ട്.

അസാധാരണമായ പ്രകടനം ഉണ്ടായിരുന്നിട്ടും ഓഹരി നിലവിൽ ഇഎസ്എം: ഘട്ടം 2-ന് കീഴിലാണെന്ന കാര്യവും നിക്ഷേപകർ പരിഗണിക്കണം.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.