റെക്കോർഡ് തീയ്യതി ഓഗസ്റ്റ് 22-ന്, ഈ റെയിൽവേ ഓഹരി 222 രൂപ ടാർഗെറ്റ് വിലയോടെ വാങ്ങാം, കൂടെക്കൂട്ടുന്നോ..?

ലാർജ് ക്യാപ് പൊതുമേഖലാ സ്ഥാപനമായ ഇന്ത്യൻ റെയിൽവേ ഫിനാൻസ് കോർപ്പറേഷൻ ലിമിറ്റഡ് അന്തിമ ലാഭ വിഹിതം നൽകുന്നതിനുള്ള റെക്കോർഡ് തീയ്യതി പ്രഖ്യാപിച്ചു. ആഗസ്ത് 22-ന് ലാഭവിഹിതം നൽകുമെന്നാണ് കമ്പനി അറിയിച്ചിരിക്കുന്നത്. കമ്പനിയുടെ വാർഷിക പൊതുയോഗം (എജിഎം) ഓഗസ്റ്റ് 29-ന് നടക്കും. കഴിഞ്ഞ കുറച്ച് ദിവസങ്ങളായി തിരുത്തലിന് സാക്ഷ്യം വഹിക്കുന്ന റെയിൽവേ ഓഹരി വരും ദിവസങ്ങളിൽ നേട്ടമുണ്ടാക്കാനുള്ള സാധ്യതയുണ്ടെന്നാണ് വിലയിരുത്തൽ. അതുകൊണ്ടു തന്നെ ഓഹരിയുടെ വിശദാംശങ്ങൾ നമുക്ക് പരിശോധിക്കാം.

ഓഹരി വിപണിയിലെ പ്രകടനം

ബിഎസ്ഇയിൽ 176.30 രൂപ എന്ന നിലയിലാണ് ചൊവ്വാഴ്ച ഐആർഎഫ്സി ഓഹരി വ്യാപാരം അവസാനിപ്പിച്ചത്. കഴിഞ്ഞ അഞ്ച് ദിവസത്തിനിടെ 9.19 ശതമാനം നഷ്ടം ഓഹരി നേരിട്ടു. ഒരു മാസത്തിനിടെ 12.77 ശതമാനം ഇടിവിനും പൊതുമേഖലാ സ്ഥാപനം സാക്ഷ്യം വഹിച്ചിട്ടുണ്ട്. 8.53 ശതമാനമാണ് ആറ് മാസത്തെ വളർച്ച. 2024-ൽ ഇതുവരെ 75.65 ശതമാനം നേട്ടമുണ്ടാക്കാനും ഓഹരിക്ക് സാധിച്ചു.

കഴിഞ്ഞ ഒരു വർഷത്തിനിടെ 254.09 ശതമാനം നേട്ടത്തോടെ മൾട്ടിബാഗർ ഓഹരികളുടെ പട്ടികയിൽ ഇടം നേടാനും ഐആർഎഫ്സി ഓഹരിക്ക് സാധിച്ചു. 229.05 രൂപയാണ് ഓഹരിയുടെ 52 ആഴ്ചയിലെ ഏറ്റവും ഉയർന്ന വില. 44.90 രൂപയാണ് 52 ആഴ്ചയിലെ ഏറ്റവും താഴ്ന്ന ഓഹരി വില.

ലാഭവിഹിതം- ചരിത്രം

ഇന്ത്യൻ റെയിൽവേ ഫിനാൻസ് കോർപ്പറേഷൻ 2021 ഫെബ്രുവരി 17 മുതൽ 6 തവണ ലാഭവിഹിതം പ്രഖ്യാപിച്ചു. കഴിഞ്ഞ 1 വർഷത്തിൽ ഐആർഎഫ്സി ഒരു ഓഹരിക്ക് 1.50 രൂപ വീതം ഇക്വിറ്റി ഡിവിഡൻ്റ് പ്രഖ്യാപിച്ചു. നിലവിലെ ഓഹരി വിലയായ 176.30 രൂപയിൽ, ഇന്ത്യൻ റെയിൽവേ ഫിനാൻസ് കോർപ്പറേഷൻ 0.85% ലാഭവിഹിതം വാഗ്ദാനം ചെയ്യുന്നു.

ഓഹരി വാങ്ങണോ..?

ഓഹരി അടുത്തിടെ ഒരു ചെറിയ തിരുത്തലിന് സാക്ഷ്യം വഹിച്ചു. ഇത് പക്ഷപാതം മെച്ചപ്പെടുത്തുന്നതിന് നിലവിൽ ഒരു പിൻവലിക്കലിനെ സൂചിപ്പിക്കുന്നു എന്നാണ് ബ്രോക്കറേജ് സ്ഥാപനമായ പ്രഭുദാസ് ലില്ലാധേറിലെ ടെക്‌നിക്കൽ റിസർച്ച് അനലിസ്റ്റ്, ഷിജു കൂത്തുപാലക്കൽ പറയുന്നത്. ചാർട്ടുകൾ മികച്ചതായി കാണുമ്പോൾ180 രൂപയുടെ സ്റ്റോപ്പ് ലോസോടെ ഓഹരി വാങ്ങാം. 2027-222 രൂപയാണ് ടാർഗെറ്റ് വില.

അതേസമയം ബ്രോക്കറേജ് സ്ഥാപനമായ ആനന്ദ് രതിയും ഓഹരി വാങ്ങാൻ ശുപാർശ ചെയ്തു. പിന്തുണ 183 രൂപയിലും പ്രതിരോധം 200 രൂപയിലുമായിരിക്കും. പ്രതീക്ഷിക്കുന്ന ട്രേഡിംഗ് ശ്രേണി ഹ്രസ്വകാലത്തേക്ക് 175 രൂപയ്ക്കും 210 രൂപയ്ക്കും ഇടയിലായിരിക്കുമെന്നാണ് ബ്രോക്കറേജ് വിലയിരുത്തൽ.

ഇന്ത്യൻ റെയിൽവേ ഫിനാൻസ് കോർപ്പറേഷൻ (ഐആർഎഫ്‌സി)

ആഭ്യന്തര, വിദേശ വിപണികളിൽ നിന്ന് ഫണ്ട് സ്വരൂപിക്കുന്നതിനായി ഇന്ത്യൻ റെയിൽ‌വേയുടെ സമർപ്പിത ധനകാര്യ വിഭാഗമാണ് ഐ‌ആർ‌എഫ്‌സി. ഈ കമ്പനി ആരംഭിച്ചത് 1986-ലാണ്. മിനിരത്‌ന പദവിയുള്ള പൊതുമേഖലാ കമ്പനിയാണിത്. ഐആർഎഫ്‌സിയിൽ സർക്കാരിന് 86.36 ശതമാനവും വിദേശ നിക്ഷേപകർക്ക് 1.14 ശതമാനവും പങ്കാളിത്തമുണ്ട്. ആഭ്യന്തര മ്യൂച്വൽ ഫണ്ടുകൾക്ക് 0.5 ശതമാനം ഓഹരികളാണ് കമ്പനിയിലുള്ളത്. ഐആർഎഫ്‌സിയുടെ വിപണി മൂലധനം 2.31 ലക്ഷം കോടിയാണ്.

2024 മാർച്ച് വരെ, 'നവരത്ന' പൊതുമേഖലാ സ്ഥാപനത്തിൽ പ്രൊമോട്ടർമാർക്ക് 86.36 ശതമാനം ഓഹരിയുണ്ട്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.