കുതിച്ച് പായുന്ന റെയിൽവേ ഓഹരി, 3 മാസത്തെ നേട്ടം 180%, വളർച്ച തുടരാൻ സാധ്യത, കൂടെക്കൂട്ടുന്നോ..?

ഇന്ത്യൻ ഓഹരി വിപണിയിൽ നിരവധി റെയിൽവേ ഓഹരികളെ കാണാൻ സാധിക്കും. പലതും മൾട്ടിബാഗർ റിട്ടേൺ നൽകിയവയാണ്. സെപ്തംബർ 5-ന് 52 ​​ആഴ്‌ചയിലെ ഏറ്റവും പുതിയ ഉയരത്തിലെത്തിയ ഒരു റെയിൽവേ ഓഹരിയുണ്ട്. വെറും 3 മാസത്തിനുള്ളിൽ 180 ശതമാനം വളർച്ച കൈവരിച്ച ഓഹരി. നിങ്ങൾ കരുതുണ്ടാകും മുകളിൽ സൂചിപ്പിച്ച ഓഹരി ഐആർഎഫ്‌സിയോ ആർവിഎൻഎല്ലോ ആയിരിക്കുമെന്ന്. എന്നാൽ അല്ല.. പറയാൻ പോകുന്ന ഓഹരി കോൺകോർഡ് കൺട്രോൾ സിസ്റ്റംസ് ആണ്.

കോൺകോർഡ് കൺട്രോൾ സിസ്റ്റംസ്

2022-ൽ ലിസ്റ്റുചെയ്‌ത കോൺകോർഡ് കൺട്രോൾ, ഇന്ത്യൻ റെയിൽവേയ്‌ക്കായി ഉൽപ്പന്നങ്ങൾ നിർമ്മിക്കാനും വിതരണം ചെയ്യാനും അനുമതിയുള്ള റിസർച്ച് ഡിസൈൻ ആൻഡ് സ്റ്റാൻഡേർഡ് ഓർഗനൈസേഷൻ്റെ അംഗീകൃത വെണ്ടറാണ്. രണ്ട് കോച്ചുകൾക്കിടയിൽ വൈദ്യുത ബന്ധം സ്ഥാപിക്കാൻ ഉപയോഗിക്കുന്ന ഇൻ്റർ വെഹിക്കുലാർ കപ്ലർ എന്നറിയപ്പെടുന്ന റെയിൽവേയിൽ ഉപയോഗിക്കുന്ന ഒരു പ്രധാന ഘടകം കമ്പനി നിർമ്മിക്കുന്നു.

എമർജൻസി ലൈറ്റിംഗ് സംവിധാനങ്ങൾ, ബ്രഷ്‌ലെസ് ഡിസി ക്യാരേജ് ഫാനുകൾ, എക്‌സ്‌ഹോസ്റ്റ് ഫാനുകൾ, കേബിൾ ജാക്കറ്റുകൾ, ബെല്ലോസ് തുടങ്ങിയ ഉൽപ്പന്നങ്ങളും കമ്പനി നിർമ്മിക്കുന്നു.

ഓഹരി വില

എൻഎസ്ഇയിൽ 1,902 രൂപ എന്ന നിലയിലാണ് വ്യാഴാഴ്ച കോൺകോർഡ് കൺട്രോൾ ഓഹരി വ്യാപാരം അവസാനിപ്പിച്ചത്. കഴിഞ്ഞ അഞ്ച് ദിവസത്തിനിടെ 11.75 ശതമാനം വളർച്ച നേടാൻ ഓഹരിക്ക് സാധിച്ചു. 190.38 ശതമാനം മുന്നേറ്റമാണ് ആറ് മാസത്തിനിടെ ഓഹരി നേടിയത്. 2024-ൽ ഇതുവരെ 117.37 ശതമാനം നേട്ടമുണ്ടാക്കാനും ഓഹരിക്ക് സാധിച്ചു. കഴിഞ്ഞ ഒരു വർഷത്തിനിടെ 272.87 ശതമാനം വളർച്ചയോടെ മൾട്ടിബാഗർ ഓഹരികളുടെ പട്ടികയിൽ ഇടം നേടാനും കോൺകോർഡ് കൺട്രോൾ സിസ്റ്റംസിന് സാധിച്ചു.

2,062.05 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. ഒരു വർഷം മുമ്പ്, 2023 സെപ്റ്റംബർ 6 ന്, സ്റ്റോക്ക് 510 രൂപയ്ക്ക് മുകളിലായിരുന്നു. ഒരു നിക്ഷേപകൻ അന്ന് 10,000 രൂപയ്ക്കാണ് കോൺകോർഡ് ഓഹരികൾ വാങ്ങിയതെങ്കിൽ, അവരുടെ നിക്ഷേപ മൂല്യത്തിന് 180% നേട്ടത്തിൽ 3 മാസത്തിനുള്ളിൽ 28,000 രൂപയുടെ കോർപ്പസ് ഉണ്ടായിരിക്കും.

ആശിഷ് കച്ചോളിയയുടെ പിന്തുണ

പ്രമുഖ ഓഹരി നിക്ഷേപകനായ ആശിഷ് കച്ചോളിയയ്ക്ക് കോൺകോർഡ് കൺട്രോൾ സിസ്റ്റംസിൽ 11.99 കോടി രൂപയുടെ നിക്ഷേപമുണ്ട്. മറ്റൊരു നിക്ഷേപകനായ മുകുൾ മഹാവീർ അഗർവാളിന് കമ്പനിയിൽ 2,40,000 ഓഹരികൾ അല്ലെങ്കിൽ 4.01 ശതമാനം ഓഹരിയുണ്ട്.

വരുമാനത്തിൽ വർധനവ്

2024 സാമ്പത്തിക വർഷത്തിലെ 30.45 കോടിയിൽ നിന്ന് 2025 വർഷത്തെ ഒന്നാം പാദത്തിലെ വരുമാനം 35.07 കോടിയായി ഉയർന്നതായി കോൺകോർഡ് കൺട്രോൾ സിസ്റ്റംസ് റിപ്പോർട്ട് ചെയ്തു. 25 സാമ്പത്തിക വർഷത്തിലെ ഒന്നാം പാദത്തിൽ കമ്പനിയുടെ അറ്റാദായം 6.98 കോടി രൂപയായിരുന്നു. സാമ്പത്തിക വർഷം ഒന്നാം പാദത്തിൽ ഒരു ഷെയറിന് 11.75 രൂപയായിരുന്നു വരുമാനം (ഇപിഎസ്).

കോൺകോർഡ് ഇതുവരെ ബോണസ് ഇഷ്യൂകളോ ഓഹരി വിഭജനമോ ഡിവിഡൻ്റുകളോ നൽകിയിട്ടില്ല എന്നത് ശ്രദ്ധേയമാണ്.

ഐപിഒ വിശദാംശങ്ങൾ

2022 സെപ്റ്റംബർ 27 മുതൽ 29 വരെയാണ് കോൺകോർഡ് ഐപിഒ അരങ്ങേറിയത്. പ്രൈസ് ബാൻഡ് 53 രൂപ മുതൽ 55 രൂപ വരെയായിരുന്നു. ഓഹരികൾ 2022 ഒക്ടോബർ 10-ന് ബിഎസ്ഇ എസ്എംഇയിൽ ലിസ്റ്റ് ചെയ്തു.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.