വിപണിയുടെ ഇടിവിലും മുന്നേറി റെയിൽവേ ഓഹരി, ടിറ്റാഗർ റെയിലിന്‍റെ നേട്ടം 13%, കുതിപ്പ് തുടരുമെന്ന് ബ്രോക്കറേജ്

വിപണിയിലെ ചാഞ്ചാട്ടം തുടരുകയാണ്. തുടർച്ചയായ മൂന്നാം ദിവസവും വിപണി ചുവപ്പിലാണ് അവസാനിച്ചത്. ബുധനാഴ്ച നേട്ടമുണ്ടാക്കിയ ഓഹരികളിൽ ഏറ്റവും പ്രധാനപ്പെട്ടത് ടിറ്റാഗർ റെയിൽ സിസ്റ്റംസ് ഓഹരിയാണ്. ബിഎസ്ഇയിൽ ഏകദേശം 13 ശതമാനമാണ് റെയിൽവേ ഓഹരി ഉയർന്നത്. മാർച്ച് 13 മുതൽ, കഴിഞ്ഞ 11 ആഴ്ചകളിൽ, റെയിൽവേ വാഗൺ കമ്പനിയുടെ ഓഹരി 81 ശതമാനം സൂം ചെയ്തു. എന്താണ് മുന്നേറ്റത്തിന്‍റെ കാരണമെന്നും നിലവിലെ ഓഹരി വില എത്രയാണെന്നും നമുക്ക് വിശദമായി പരിശോധിക്കാം.

മൾട്ടിബാഗർ ഓഹരി

11.38 ശതമാനം ഇൻട്രാഡേ നേട്ടത്തോടെ 1398.60 രൂപ എന്നതാണ് നിലവിൽ ടിറ്റാഗർ റെയിൽ സിസ്റ്റംസ് ഓഹരി വില. കഴിഞ്ഞ അഞ്ച് ദിവസത്തിനിടെ 13 ശതമാനവും ഒരു മാസത്തിനിടെ 33 ശതമാനവും ഓഹരി വളർച്ച കൈവരിച്ചു. 2024-ൽ ഇതുവരെ 34.37 ശതമാനം മുന്നേറ്റമാണ് ഓഹരിക്ക് നേടാനായത്. ഒരു വർഷത്തിനിടെ 298 ശതമാനം ലാഭം നിക്ഷേപകർക്ക് നൽകാനും ഓഹരിക്ക് സാധിച്ചു.

മെയ് 29 ന് ഓഹരിയുടെ ശരാശരി ട്രേഡിംഗ് വോളിയം ഇരട്ടിയിലധികം വർദ്ധിച്ചു, മൊത്തം 7.9 ദശലക്ഷം ഇക്വിറ്റി ഷെയറുകൾ, കമ്പനിയുടെ മൊത്തം ഇക്വിറ്റിയുടെ 5.9 ശതമാനം പ്രതിനിധീകരിക്കുന്നു, ഇത് എൻഎസ്ഇയിലും ബിഎസ്ഇയിലും കൈമാറി.

ടിറ്റാഗർ റെയിൽ സിസ്റ്റംസ്

ഇന്ത്യയിലും ഇറ്റലിയിലും ശക്തമായ സാന്നിധ്യമുള്ള ഒരു പ്രമുഖ മൊബിലിറ്റി സൊല്യൂഷൻ പ്രൊവൈഡറാണ് ടിറ്റാഗർ. സെമി-ഹൈ-സ്പീഡ് ട്രെയിനുകൾ, അർബൻ മെട്രോകൾ, പാസഞ്ചർ കോച്ചുകൾ, പ്രൊപ്പൽഷൻ ഉപകരണങ്ങൾ, സ്പെഷ്യലൈസ്ഡ് ഉൾപ്പെടെയുള്ള വിപുലമായ വാഗണുകൾ എന്നിവയാണ് ഉണ്ടാക്കുന്നത്.

മികച്ച ഓർഡർ ബുക്ക്

പുണെ മെട്രോ, സൂറത്ത് മെട്രോ പദ്ധതികൾക്കായുള്ള മെട്രോ ട്രെയിനുകളുടെ നിർമ്മാണത്തിനും വിതരണത്തിനുമുള്ള ഓർഡറുകൾക്ക് പുറമേ, ഇന്ത്യൻ റെയിൽവേയുടെ വാഗണുകൾക്കായുള്ള എക്കാലത്തെയും വലിയ ഓർഡർ നേടാനും കമ്പനിക്ക് സാധിച്ചു.

2024 മാർച്ച് 31-ലെ കണക്കനുസരിച്ച്, ടിആർഎസ്എല്ലിൻ്റെ മൊത്തം ഓർഡർ ബുക്ക് 14,750 കോടി രൂപയാണ്. മാർച്ചിൽ, 1,909 കോടി രൂപയുടെ കരാർ റെയിൽവേ ബോർഡിൽ നിന്നും ടിറ്റാഗർ റെയിൽ സിസ്റ്റംസിന് ലഭിച്ചിരുന്നു.

ഫെബ്രുവരി 19ന് പ്രതിരോധ മന്ത്രാലയത്തിൽ നിന്ന് 170 കോടി രൂപയുടെ ഓർഡർ കമ്പനി സ്വന്തമാക്കിയിരുന്നു. 250 സ്പെഷ്യലൈസ്ഡ് വാഗണുകൾ വാങ്ങുന്നതിനുള്ളതാണ് കരാർ. 36 മാസത്തിനുള്ളിൽ കരാർ പൂർത്തിയാക്കും എന്നാണ് കമ്പനി വാർത്താക്കുറിപ്പിൽ വ്യക്തമാക്കിയത്.

ബ്രോക്കറേജ് വിലയിരുത്തൽ

2025 സാമ്പത്തിക വർഷത്തിന്‍റെ അവസാനത്തോടെ കമ്പനി കൂടുതൽ വരുമാനവും ലാഭവും നേടുമെന്നാണ് റേറ്റിംഗ് ഏജൻസിയായ ക്രിസിൽ പ്രതീക്ഷിക്കുന്നത്. ചരക്കുനീക്ക വിഭാഗത്തിൽ നിന്നും ടിറ്റാഗർ റെയിൽ സിസ്റ്റംസ് കൂടിതൽ വരുമാനം നേടുമെന്നാണ് പ്രതീക്ഷിക്കുന്നത്. സാമ്പത്തിക വർഷം 2024 മുതൽ 27 വരെയുള്ള കാലയളവിനുള്ളിൽ കമ്പനി 28 ശതമാനം വാർഷിക വരുമാനം നേടുമെന്നാണ് ബ്രോക്കറേജ് സ്ഥാപനമായ ഇൻ്റർനാഷണൽ ബ്രോക്കറേജ് മോർഗൻ സ്റ്റാൻലി വ്യക്തമാക്കിയിരുന്നു.

സാമ്പത്തിക വർഷം 2025 മുതൽ 27 വരെ ചരക്ക് വാഗൺ എക്സിക്യൂഷൻ പ്രതിമാസം 1,000 വാഗണുകളായിരിക്കും. പാസഞ്ചർ കോച്ച് സെഗ്‌മെൻ്റിൽ 26, 76, 96 കോച്ചുകൾ ഓരോ പാദത്തിലും എക്‌സിക്യൂട്ട് ചെയ്യുമെന്ന് ബ്രോക്കറേജ് കൂട്ടിച്ചേർത്തു.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.