7 ശതമാനം ഇടിഞ്ഞ് ഭാരത് ഇലക്‌ട്രോണിക്‌സ്, ഓഹരി ഇപ്പോൾ വാങ്ങിയാൽ നേട്ടമാകുമോ, വിശദമായി അറിയാം

ഭാരത് ഇലക്‌ട്രോണിക്‌സ് ലിമിറ്റഡിൻ്റെ ( ബിഇഎൽ ) ഓഹരികൾ ബുധനാഴ്ചത്തെ വ്യാപാരത്തിൽ 0.57 ശതമാനം ഇടിഞ്ഞ് 316.30 രൂപയിലാണ് ക്ലോസ് ചെയ്തത്. ഓഹരി അതിൻ്റെ എക്കാലത്തെയും ഉയർന്ന മൂല്യമായ 340.35 രൂപയിൽ നിന്ന് 7.21 ശതമാനം ഇടിഞ്ഞു. വരുമാനത്തിൻ്റെ കാര്യത്തിൽ പ്രതിരോധ പൊതുമേഖലാ സ്ഥാപനം 2024 ജൂൺ 30 ന് അവസാനിച്ച പാദത്തിൽ അറ്റാദായത്തിൽ 46.17 ശതമാനം വർധന രേഖപ്പെടുത്തി. പ്രവർത്തനങ്ങളിൽ നിന്നുള്ള വരുമാനം 19.6 ശതമാനം ഉയർന്ന് 4,199 കോടി രൂപയായി.

അവലോകന പാദത്തിൽ കമ്പനിയുടെ ഓർഡർ ബുക്ക് 76,705 കോടി രൂപയാണ്. ഇബിഐടിഡിഎ 41 ശതമാനം ഉയർന്ന് 937 കോടി രൂപയായി. 2024 ജൂൺ വരെ, പ്രതിരോധ പൊതുമേഖലാ സ്ഥാപനത്തിൽ സർക്കാരിന് 51.14 ശതമാനം ഓഹരിയുണ്ട്. ഓഹരിയിൽ ബ്രോക്കറേജുകളുടെ വിലയിരുത്തൽ എന്താണെന്ന് വിശദമായി നോക്കാം.

ഓഹരി വില

എൻഎസ്ഇയിൽ 316.30 രൂപ എന്നതാണ് ബിഇഎൽ ഓഹരിയുടെ വില. കഴിഞ്ഞ അഞ്ച് ദിവസത്തിനിടെ 5.84 ശതമാനം നേട്ടമുണ്ടാക്കാൻ ഓഹരിക്ക് സാധിച്ചിരുന്നു. 2.81 ശതമാനമാണ് ഒരു മാസത്തെ വരുമാനം. ആറ് മാസത്തിനിടെ 70.15 ശതമാനം ലാഭം നിക്ഷേപകർക്ക് നൽകാൻ പൊതുമേഖലാ ഓഹരിക്ക് സാധിച്ചു. 2024-ൽ ഇതുവരെ 72 ശതമാനം നേട്ടവും ഓഹരി നേടി.

കഴിഞ്ഞ ഒരു വർഷത്തിനിടെ 142 ശതമാനം വളർച്ചയോടെ മൾട്ടിബാഗർ ഓഹരികളുടെ പട്ടികയിൽ ഇടം പിടിക്കാനും ബിഇഎൽ ഓഹരിക്ക് സാധിച്ചു. 123.50 രൂപയാണ് ഓഹരിയുടെ 52 ആഴ്ചയിലെ ഏറ്റവും താഴ്ന്ന ഓഹരി വില.

വിദഗ്ധരുടെ അഭിപ്രായം

ഇടത്തരം മുതൽ ദീർഘകാല കാലയളവിൽ കൗണ്ടറിൽ അനലിസ്റ്റുകളും ബ്രോക്കറേജുകളും വലിയ തോതിൽ പോസിറ്റീവ് ആയി തുടർന്നു. കമ്പനിയുടെ നമ്പറുകളും ഓർഡർ ബുക്കും ദീർഘകാല വീക്ഷണത്തിൽ ആവേശകരമായി തോന്നുന്നു. അതുകൊണ്ടു തന്നെ ബിഇഎൽ ഓഹരി ഞങ്ങളുടെ 'ബൈ' ലിസ്റ്റിലുണ്ട് എന്നാണ് ജിയോജിത് ഫിനാൻഷ്യലിലെ സീനിയർ വിപി ഗൗരംഗ് ഷാ പറഞ്ഞത്.

ഓഹരിയുടെ പിന്തുണ 310 രൂപ നിലവാരത്തിലും പ്രതിരോധം 327 രൂപയിലുമായിരിക്കുമെന്ന് ആനന്ദ് രതി ഷെയേഴ്‌സ് ആൻഡ് സ്റ്റോക്ക് ബ്രോക്കേഴ്‌സിലെ സീനിയർ മാനേജർ ജിഗർ എസ് പട്ടേൽ വ്യക്തമാക്കി. 327 രൂപ നിലവാരത്തിന് മുകളിലുള്ള നിർണായക ക്ലോസ് 340 രൂപയിലേക്ക് കൂടുതൽ ഉയരാൻ കാരണമായേക്കാം. പ്രതീക്ഷിക്കുന്ന ട്രേഡിംഗ് ശ്രേണി ഹ്രസ്വകാലത്തേക്ക് 305 രൂപയ്ക്കും 345 രൂപയ്ക്കും ഇടയിലായിരിക്കുമെന്നും പട്ടേൽ സൂചിപ്പിച്ചു.

ന്യൂട്രൽ' റേറ്റിംഗ് നൽകി യുബിഎസ്

പാദഫലം പുറത്ത് വന്നതിന് പിന്നാലെ ബ്രോക്കറേജ് സ്ഥാപനമായ മോർഗൻ സ്റ്റാൻലി ഓഹരിക്ക് 'ഓവർ വെയ്റ്റ്' റേറ്റിംഗ് നൽകുകയും ലക്ഷ്യ വില 364 രൂപയായി ഉയർത്തുകയും ചെയ്തു. അതേസമയം ബ്രോക്കറേജ് സ്ഥാപനമായ യുബിഎസ് ഓഹരിയുടെ 'ന്യൂട്രൽ' റേറ്റിംഗിലേക്ക് തരംതാഴ്ത്തി.

ജെഎം ഫിനാൻഷ്യലിനും മോത്തിലാൽ ഓസ്വാളിനും 360 രൂപ വീതം ടാർഗെറ്റ് വിലയോടെ ഭാരത് ഇലക്‌ട്രോണിക്‌സ് ലിമിറ്റഡ് ഓഹരിയിൽ 'ബൈ' കോൾ ഉണ്ട്. പ്രഭുദാസ് ലില്ലാധർ സ്റ്റോക്ക് 341 രൂപ ടാർഗെറ്റ് പ്രൈസുമായി 'അക്യുമുലേറ്റ്' ആയി ഉയർത്തി, അതേസമയം നുവാമയ്ക്ക് കൗണ്ടറിൽ 'ഹോൾഡ്' റേറ്റിംഗ് ഉണ്ട്. പുതുക്കിയ ടാർഗെറ്റ് വില 304 രൂപയാണ്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.