ഒറ്റ ദിവസം കൊണ്ട് 20% നേട്ടം, വിലയിൽ പുതിയ റെക്കോർഡിട്ട് ഹിന്ദുസ്ഥാൻ സിങ്ക്, നിങ്ങൾക്ക് നിക്ഷേപമുണ്ടോ..?

വിപണിയുടെ ചാഞ്ചാടത്തിന് ഈ ആഴ്ചയും മാറ്റമൊന്നുമില്ല. ആദ്യ സെഷനിൽ ഇടിവോടെ ആരംഭിച്ച ഓഹരി സൂചികകൾ ക്ലോസിംഗ് സമയത്ത് പച്ചയിലാണ് അവസാനിച്ചത്. ഇന്ന് നേട്ടമുണ്ടാക്കിയ ഓഹരികളിൽ ഏറ്റവും പ്രധാനപ്പെട്ട ഓഹരികളിലൊന്ന് ഹിന്ദുസ്ഥാൻ സിങ്കിൻ്റെ ഓഹരികളാണ്. ഏകദേശം 20 ശതമാനത്തിന്‍റെ ഉയർച്ചയാണ് ഇന്ന് ഓഹരി നേടിയത്. എന്താണ് ഹിന്ദുസ്ഥാൻ സിങ്ക് ഓഹരികളുടെ മുന്നേറ്റത്തിന്‍റെ കാരണമെന്ന് നിങ്ങൾ ചിന്തിച്ചിട്ടുണ്ടോ...ഇല്ലെങ്കിൽ നമുക്ക് വിശദമായി പരിശോധിക്കാം.

ലോഹ വിലയിലെ വർധന കരുത്തായി

ലോഹ വിലയിലെ കുത്തനെയുള്ള വർധന കമ്പനിയുടെ മാർജിൻ വർദ്ധിപ്പിക്കുമെന്ന പ്രതീക്ഷകളാണ് ഹിന്ദുസ്ഥാൻ സിങ്ക് ഓഹരികളുടെ മുന്നേറ്റത്തിന് കാരണം. കൂടാതെ, സ്ഥിരമായ ഉൽപ്പാദനച്ചെലവും ഉയർന്ന വിൽപന വിലയും ഉള്ളതിനാൽ, വിൽക്കുന്ന യൂണിറ്റിന് ലാഭം വർദ്ധിക്കുമെന്ന് പ്രതീക്ഷിക്കുന്നു.

ചെമ്പ്, അലുമിനിയം, സിങ്ക്, ലെഡ് എന്നിവയുൾപ്പെടെയുള്ള വ്യാവസായിക ലോഹങ്ങളുടെ വില ഈയിടെയായി ഉയർന്നു. യുഎസ് ഫെഡറൽ റിസർവ് സെപ്തംബറോടെ നിരക്ക് കുറച്ചേക്കുമെന്ന പ്രതീക്ഷകൾക്കിടയിൽ ലോഹങ്ങളും ഉയർന്നു. വിവിധ ഫെഡറൽ ഉദ്യോഗസ്ഥരിൽ നിന്നുള്ള അഭിപ്രായങ്ങൾക്കൊപ്പം ഈ ആഴ്ച പുറത്തിറക്കാനിരിക്കുന്ന ഫെഡറേഷൻ്റെ അവസാന നയ മീറ്റിംഗിൻ്റെ മിനിറ്റുകൾ നിക്ഷേപകർ സൂക്ഷ്മമായി നിരീക്ഷിക്കും.

ഓഹരി വിപണിയിലെ പ്രകടനം

എൻഎസ്ഇയിൽ 19.99 ശതമാനം ഇൻട്രാഡേ നേട്ടത്തൊടെ 743.60 രൂപ എന്ന 52 ആഴ്ചയിലെ ഏറ്റവും ഉയർന്ന വിലയിലാണ് ഹിന്ദുസ്ഥാൻ സിങ്ക് ഓഹരി വില. കഴിഞ്ഞ അഞ്ച് ദിവസത്തിനിടെ 30.80 ശതമാനം വർധനവാണ് ഓഹരി നേടിയത്. കഴിഞ്ഞ ഒരു മാസത്തിനിടെ 81.50 ശതമാനം ലാഭം നേടാനും ഹിന്ദുസ്ഥാൻ സിങ്ക് ഓഹരിക്ക് സാധിച്ചു.

2024-ൽ ഇതുവരെ 133.58 ശതമാനം വളർച്ചയാണ് ഓഹരി നേടിയത്. ഈ കാലയളവിൽ നിഫ്റ്റി മെറ്റൽ സൂചിക 24 ശതമാനവും നിഫ്റ്റി 50 സൂചിക 3.7 ശതമാനവും ഉയർന്നു. കഴിഞ്ഞ ഒരു വർഷത്തിനിടെ 140.88 ശതമാനം നേട്ടത്തോടെ മൾട്ടിബാഗർ ഓഹരികളുടെ പട്ടികയിൽ ഇടംപിടിക്കാനും ഹിന്ദുസ്ഥാൻ സിങ്ക് ഓഹരിക്ക് സാധിച്ചു.

അറ്റാദായത്തിൽ കുറവ്

ആഗോള സിങ്കിൻ്റെ വിലത്തകർച്ച കാരണം വേദാന്ത ഗ്രൂപ്പ് സ്ഥാപനമായ ഹിന്ദുസ്ഥാൻ സിങ്കിൻ്റെ നാലാം പാദ അറ്റാദായം 21 ശതമാനം ഇടിഞ്ഞ് 2,038 കോടി രൂപയായി. ത്രൈമാസ വരുമാനം 12 ശതമാനം ഇടിഞ്ഞ് 7,285 കോടി രൂപയായപ്പോൾ ഇബിഐടിഡിഎ 14 ശതമാനം ഇടിഞ്ഞ് 3,637 കോടി രൂപയായി.

കുറഞ്ഞ സിങ്കിൻ്റെയും ലെഡിൻ്റെയും വിലയും ലെഡിൻ്റെ അളവ് കുറഞ്ഞതും ഇടിവിന് കാരണമായി, ഉയർന്ന സിങ്കിൻ്റെയും വെള്ളിയുടെയും അളവ്, വെള്ളി വില, അനുകൂലമായ വിനിമയ നിരക്കുകൾ എന്നിവ ഭാഗികമായി ഓഫ്സെറ്റ് ചെയ്തു.

ചാഞ്ചാട്ടം തുടർന്ന് വിപണി

അസ്ഥിരമായ വ്യാപാരത്തിനൊടുവിൽ ചാഞ്ചാട്ടം തുടർന്ന ഓഹരി വിപണി. സെൻസെക്സ് 52.63 പോയിൻ്റ് അഥാവാ 0.07 ശതമാനം ഇടിഞ്ഞ് 73,953.31 ലും നിഫ്റ്റി 27.05 പോയിൻറ് അഥവാ 0.12 ശതമാനം ഉയർന്ന് 22,529.05 ലുമാണ് ക്ലോസ് ചെയ്തത്. ഏഷ്യൻ, യൂറോപ്യൻ വിപണികളിൽ നിന്നുള്ള ദുർബലമായ പ്രവണതകൾ വിപണിയെ വലച്ചു . വിദേശ നിക്ഷേപകരുടെ വില്പന സൂചികകൾ തളർത്തി.

നിഫ്റ്റിയിൽ ഐസിഐസിഐ ബാങ്ക്, എച്ച്‌ഡിഎഫ്‌സി ബാങ്ക്, എൽ ആൻഡ് ടി, ഇൻഫോസിസ്, ടിസിഎസ് തുടങ്ങിയ ഓഹരികൾ നേട്ടത്തോടെ വ്യാപാരം അവസാനിപ്പിച്ചപ്പോൾ ടാറ്റ സ്റ്റീൽ, കോൾ ഇന്ത്യ, ഹിൻഡാൽകോ, പവർ ഗ്രിഡ് എന്നീ ഓഹരികൾ ഇടിഞ്ഞു.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.