ഒന്നും രണ്ടുമല്ല, ലാഭം 11% ആണ്, പ്രിക്കോൾ ലിമിറ്റഡ് ഓഹരി ഇപ്പോൾ തന്നെ വാങ്ങു

ഓഹരി വിപണിയിൽ നിക്ഷേപം നടത്താൻ കൃത്യമായ ധാരണയും നിരീക്ഷണവും അത്യാവശ്യമാണ്. കുറഞ്ഞ സമയത്തിനുള്ളിൽ മികച്ച നേട്ടം നൽകാൻ സാധിക്കുന്ന ഓഹരികളെ കണ്ടെത്തുകയും അവയിൽ കൃത്യമായി നിക്ഷേപം നടത്തുകയും വേണം. കഴിഞ്ഞ ഒരു വർഷത്തിനുള്ളിൽ 100 ശതമാനത്തിലധികം നേട്ടം നൽകിയ ഓഹരിയാണ് പ്രിക്കോൾ ലിമിറ്റഡ്.

അടുത്തിടെ, ബ്രോക്കറേജ് ഹൗസ് മൊണാർക്ക് നെറ്റ്‌വർത്ത് ക്യാപിറ്റൽ, പ്രിക്കോൾ ലിമിറ്റഡ് ഓഹരിയുടെ ടാർഗെറ്റ് വില ഉയർത്തിയിട്ടുണ്ട്. അതുകൊണ്ട് തന്നെ പ്രിക്കോൾ ലിമിറ്റഡ് ഓഹരിയുടെ കൂടുതൽ വിശദാംശങ്ങൾ നമുക്ക് പരിശോധിക്കാം.

പ്രിക്കോൾ ലിമിറ്റഡ്

വിവിധതരം ഓട്ടോമൊബൈൽ ഘടകങ്ങളുടെയും നിർമ്മാണത്തിലും വിതരണത്തിലും വൈദഗ്ദ്ധ്യം നേടിയ കമ്പനിയാണ് പ്രിക്കോൾ ലിമിറ്റഡ്. എൻഎസ്ഇയിൽ 453.80 രൂപ എന്നതാണ് നിലവിൽ കമ്പനിയുടെ ഓഹരി വില. കഴിഞ്ഞ ഒരു മാസത്തിനിടെ 4.56 ശതമാനം വളർച്ച കൈവരിക്കാൻ ഓഹരിക്ക് സാധിച്ചു. 2024-ൽ ഇതുവരെ 19.20 ശതമാനം നേട്ടമുണ്ടാക്കാനും കമ്പനിക്ക് സാധിച്ചിട്ടുണ്ട്.

ആറ് മാസത്തിനിടെ 32 ശതമാനം നേട്ടവും ഓഹരി കൈവരിച്ചു. ഒരു വർഷത്തിനിടെ 100.26 ശതമാനം ലാഭമാണ് നിക്ഷേപകർക്ക് ഓഹരി നൽകിയത്. 468.50 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. 211 രൂപയാണ് 52 ആഴ്ചയിലെ ഏറ്റവും താഴ്ന്ന ഓഹരി വില.

ടാർഗെറ്റ് വില

500 രൂപ ടാർഗെറ്റ് വിലയോടെ പ്രിക്കോൾ ലിമിറ്റഡ് ഓഹരി വാങ്ങാമെന്നാണ് ബ്രോക്കറേജ് സ്ഥാപനമായ മൊണാർക്ക് നെറ്റ്‌വർത്ത് ക്യാപിറ്റൽ ശുപാർശ ചെയ്യുന്നത്. നിലവിലെ വിലയുമായി താരതമ്യപ്പെടുത്തുമ്പോൾ ഏകദേശം 11 ശതമാനം വളർച്ച.

വരുമാനത്തിൽ വർധനവ്

2024 ജനുവരി-മാർച്ച് മാസത്തിൽ അവസാനിച്ച പാദത്തിൽ പ്രിക്കോൾ 41.50 കോടി രൂപ നികുതിക്ക് ശേഷമുള്ള ഏകീകൃത ലാഭം രേഖപ്പെടുത്തി. കഴിഞ്ഞ വർഷം ഇതേ സമയത്ത് 29.80 കോടി രൂപയുടെ അറ്റാദായമായിരുന്നു കമ്പനി നേടിയത്. 2024 മാർച്ച് 31 ന് അവസാനിച്ച സാമ്പത്തിക വർഷത്തിലെ അറ്റാദായം മുൻ വർഷത്തെ 124.68 കോടി രൂപയിൽ നിന്ന് 140.61 കോടി രൂപയായിരുന്നു.

ഏകീകൃത മൊത്ത വരുമാനം മുൻ വർഷം ഇതേ കാലയളവിലെ 525.37 കോടി രൂപയിൽ നിന്ന് 588.51 കോടി രൂപയായി ഉയർന്നു. മുൻ സാമ്പത്തിക വർഷത്തെ 1,963.14 കോടി രൂപയിൽ നിന്ന് 2024 മാർച്ച് 31-ന് അവസാനിക്കുന്ന സാമ്പത്തിക വർഷത്തിൽ ഏകീകൃത മൊത്ത വരുമാനം 2,284.94 കോടി രൂപയായി ഉയർന്നു.

ഔട്ട്ലുക്ക് പോസിറ്റീവ്

അടുത്ത മൂന്ന് വർഷത്തിനുള്ളിൽ 300 കോടി രൂപ വരുമാന നാഴികക്കല്ല് കൈവരിക്കുക എന്ന ലക്ഷ്യത്തോടെ പ്രിക്കോൾ ഡിസ്‌ക് ബ്രേക്കുകൾ വിൽപ്പനയ്‌ക്കായി ഉത്പാദിപ്പിക്കാൻ തുടങ്ങി . ഇക്കോക്‌പിറ്റ്, ടെലിമാറ്റിക്‌സ് പോലുള്ള പുതിയ സാങ്കേതികവിദ്യകളും കമ്പനി ഉപയോഗിക്കുന്നുണ്ട്.

45-ലധികം രാജ്യങ്ങളിൽ കമ്പനിക്ക് ഉപഭോക്താക്കളുണ്ട്. വൈവിധ്യമാർന്ന ഉൽപ്പന്നങ്ങൾ വാഗ്ദാനം ചെയ്യുന്ന പ്രിക്കോൾ ലിമിറ്റഡിന് 2,000-ലധികം വേരിയൻ്റുകളുടെ വിപുലമായ പോർട്ട്‌ഫോളിയോയുണ്ട്.

എഫ്ഐഐ ഹോൾഡിംഗ്സ്

2024 മാർച്ച് 31 വരെ, കമ്പനിയുടെ പ്രൊമോട്ടർമാർ 38.51 ശതമാനം ഓഹരി നിലനിർത്തി. വിദേശ സ്ഥാപന നിക്ഷേപകർ 14.39 ശതമാനവും ആഭ്യന്തര സ്ഥാപന നിക്ഷേപകർ 16.59 ശതമാനവും കൈവശം വച്ചിട്ടുണ്ട്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.