വില 80 രൂപയിൽ താഴെ, തകർച്ചയിൽ നിന്നും കരകയറുന്ന ഓഹരി, ഇപ്പോൾ വാങ്ങിയാൽ ലാഭം കൂടെപോരും

ഓഹരി വിപണിയിൽ നിന്നും മികച്ച ലാഭമുണ്ടാക്കണമെങ്കിൽ കൃത്യമായ നിരീക്ഷണം ആവശ്യമാണ്. തുടർച്ചയായി നേട്ടമുണ്ടാക്കിയ ഓഹരികൾ ചിലപ്പോൾ തുടർച്ചയായി ഇടിയുകയും ചെയ്യാം. എന്നാൽ ആ ഓഹരികൾ പിന്തുണ ലെവലിൽ നിന്നും വീണ്ടും മുകളിലേക്ക് ഉയരുമ്പോൾ നിക്ഷേപം നടത്താൻ സാധിച്ചാൽ മികച്ച നേട്ടമുണ്ടാക്കാൻ സാധിക്കും. അത്തരത്തിലുള്ള ഒരു ഓഹരിയെക്കുറിച്ചാണ് ഇന്ന് പറയാൻ പോകുന്നത്.

വ്യാവസായിക ഉൽപ്പന്ന നിർമ്മാതാക്കളായ എംഐസി ഇലക്‌ട്രോണിക്‌സിൻ്റെ ഓഹരികൾ 8 ദിവസത്തെ തുടർച്ചയായ ഇടിവിന് ശേഷം ചൊവ്വാഴ്ച 5 ശതമാനം ഉയർന്ന് അപ്പർ സർക്യൂട്ടിലെത്തി. ചൊവ്വാഴ്ചത്തെ വ്യാപാരത്തിൽ 5.89 ലക്ഷം ഓഹരികളാണ് കൈമാറ്റം ചെയ്യപ്പെട്ടത്. വരും ദിവസങ്ങളിലും ഓഹരി മുകളിലേക്ക് ഉയരുമെന്നാണ് പൊതുവിൽ വിലയിരുത്തുന്നത്. അതുകൊണ്ടു തന്നെ ഓഹരിയുടെ കൂടുതൽ വിശദാംശങ്ങൾ പരിശോധിക്കാം.

വരുമാനം വർധിച്ചു

ഏപ്രിൽ-ജൂൺ പാദത്തിൽ എംഐസി ഇലക്‌ട്രോണിക്‌സിൻ്റെ അറ്റവരുമാനം 10.93 കോടി രൂപയാണ്. കഴിഞ്ഞ വർഷം ഇതേപാദത്തിൽ 7.18 കോടി രൂപയായിരുന്നു കമ്പനിയുടെ വരുമാനം. അതായത് ഏകദേശം 52.22 ശതമാനം വർധനവ്. കമ്പനിയുടെ അറ്റച്ചെലവ് 50 ശതമാനം വർധിച്ച് 5.95 കോടി രൂപയിൽ നിന്ന് 8.96 കോടി രൂപയായി.

അടുത്തിടെ എംഐസി ഇലക്ട്രോണിക്സ് ഫണ്ട് സമാഹരണത്തിനായി ഒരു ക്വാളിഫൈഡ് ഇൻസ്റ്റിറ്റിയൂഷണൽ പ്ലേസ്മെൻ്റ് (ക്യുഐപി) ഇഷ്യു നടത്തിയിരുന്നു. ഈ ക്യുഐപിയുടെ വില 48.30 രൂപയായിരുന്നു.

ഓഹരി വിപണിയിലെ പ്രകടനം

എൻഎസ്ഇയിൽ 77.10 രൂപ എന്ന നിലയിലാണ് ചൊവ്വാഴ്ച എംഐസി ഇലക്ട്രോണിക്സ് ഓഹരി വ്യാപാരം അവസാനിപ്പിച്ചത്. കഴിഞ്ഞ ഒരു മാസത്തിനിടെ 14.39 ശതമാനം ഇടിവ് ഓഹരി നേരിട്ടിരുന്നു. 93.23 ശതമാനമാണ് ആറ് മാസത്തെ വളർച്ച. 2024-ൽ ഇതുവരെ 128.11 ശതമാനം നേട്ടമുണ്ടാക്കാനും എംഐസി ഇലക്ട്രോണിക്സ് ഓഹരിക്ക് സാധിച്ചു.

കഴിഞ്ഞ ഒരു വർഷത്തിനിടെ 181.39 ശതമാനം വളർച്ചയാണ് ഓഹരി നേടിയത്. രണ്ട് വർഷത്തിനുള്ളിൽ 378 ശതമാനം മുന്നേറ്റമാണ് ഓഹരി നേടിയത്. 99.94 രൂപയാണ് ഓഹരിയുടെ 52 ആഴ്ചയിലെ ഏറ്റവും ഉയർന്ന ഓഹരി വില. 22.85 രൂപയാണ് 52 ആഴ്ചയിലെ ഏറ്റവും താഴ്ന്ന ഓഹരി വില.

സാങ്കേതിക കാര്യങ്ങൾ

50-ദിവസം, 100-ദിവസം, 200-ദിവസത്തെ ചലിക്കുന്ന ശരാശരിയേക്കാൾ ഉയർന്നതാണ് ഓഹരി വ്യാപാരം നടത്തുന്നത്. എന്നാൽ 5-ദിവസത്തെയും 20-ദിവസത്തെയും ചലിക്കുന്ന ശരാശരിയേക്കാൾ കുറവാണ്. 5 ദിവസത്തെ ശരാശരി ഡെലിവറി വോളിയം മുൻ സെഷനെ അപേക്ഷിച്ച് 23 ശതമാനം വർധിച്ചതോടെ നിക്ഷേപക പങ്കാളിത്തത്തിൽ വർധനവ് രേഖപ്പെടുത്തി.

ഷെയർഹോൾഡിംഗ് പാറ്റേൺ

2024 ജൂൺ പാദത്തിലെ എംഐസി ഇലക്‌ട്രോണിക്‌സിൻ്റെ ഷെയർഹോൾഡിംഗ് പാറ്റേൺ അനുസരിച്ച്, പ്രൊമോട്ടർമാർക്ക് 73.47 ശതമാനം ഓഹരിയുണ്ട്, അതേസമയം സ്ഥാപനേതര നിക്ഷേപകർക്ക് 26.24 ശതമാനം ഉടമസ്ഥതയുണ്ട്. ബാക്കിയുള്ള 0.29 ശതമാനം ഓഹരി എഫ്ഐഐകളുടെ കൈവശമാണ്.

എംഐസി ഇലക്ട്രോണിക്‌സ്

എല്‍ഇഡി അധിഷ്ഠിത വീഡിയോ പ്രദര്‍ശന സാമഗ്രികളുടെ നിര്‍മാണത്തിലും രൂപകല്‍പനയിലും വികസനത്തിലും ആഗോള തലത്തില്‍ തന്നെ മുന്‍പന്തിയിലുള്ള കമ്പനിയാണ് എംഐസി ഇലക്ട്രോണിക്‌സ്. 1988-ലാണ് തുടക്കം. എൽഇഡി ഉൽപ്പന്നങ്ങൾ, മെഡിക്കൽ വീട്ടുപകരണങ്ങൾ, ഓട്ടോമൊബൈലുകൾ എന്നിങ്ങനെ മൂന്ന് വിഭാഗങ്ങളിലാണ് കമ്പനി പ്രവർത്തിക്കുന്നത്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.