Just In
-
-
-
-
Don't Miss
-
ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ് -
കല്ല്യാശേരി മണ്ഡലത്തിലെ കള്ളവോട്ട്; 6 പേർക്കെതിരെ കേസെടുത്ത് പോലീസ് -
IPL 2024: സിഎസ്കെയ്ക്കു പിഴയ്ക്കുന്നതെവിടെ? കുഴപ്പം ഒന്നും രണ്ടുമല്ല! ഇവയ്ക്കു ഉത്തരം വേണം -
പരസ്യം കൊടുക്കാൻ കിയ കഴിഞ്ഞേ ആളുള്ളൂ, സെൽറ്റോസിന്റെ പ്രചാരണത്തിന് ഇനി ബോബി ഡിയോളും -
ദീപികയും രണ്വീറും ഒന്നിച്ചതിന് ഞാനും ഒരു കാരണമാണ്; വിധി എന്നൊന്നുണ്ട്; കരീന കപൂര് പറയുന്നു -
ചാണക്യനീതി; പുരുഷന് ഭാര്യയല്ലാതെ മറ്റ് സ്ത്രീകളോട് താല്പര്യം തോന്നുന്നതിന് 5 കാരണം -
ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
ഈ മാസം ഓണത്തിന് മുമ്പ് അടുത്ത മാസത്തെ ശമ്പളവും പെന്‍ഷനും വിതരണം ചെയ്യാന്‍ സർക്കാർ തീരുമാനം. 20ന് പെന്‍ഷനും 24ന് ശമ്പളവും വിതരണം ചെയ്ത് തുടങ്ങുമെന്ന് സർക്കാർ അറിയിച്ചു. ഇതോടെ ഈ മാസം സര്‍ക്കാര്‍ ജീവനക്കാര്‍ക്ക് രണ്ടു ശമ്പളം കിട്ടും. എന്നാൽ അടുത്ത രണ്ടാഴ്ച കൊണ്ട് ആറായിരം കോടിയോളം രൂപ ചെലവഴിക്കേണ്ടി വരുന്നതോടെ ട്രഷറി ഓവര്‍ ഡ്രാഫ്റ്റിലാകുമെന്ന് ധനമന്ത്രി തോമസ് ഐസക്ക് വ്യക്തമാക്കി.
ബോണസ്
സംസ്ഥാന സർക്കാർ ജീവനക്കാർക്ക് 4000 രൂപ ബോണസ് അനുവദിച്ച് ഉത്തരവായി. 27,360 രൂപവരെ ശമ്പളമുള്ളവർക്കാണ് ബോണസ്. ബോണസിന് അർഹതയില്ലാത്തവർക്ക് 2,750 രൂപ ഉത്സവബത്ത നൽകും. പെൻഷൻകാർക്ക് ആയിരം രൂപയാണ് ഉത്സവബത്ത. കഴിഞ്ഞ വർഷത്തെ അതേ ബോണസും ഉത്സവബത്തയുമാണ് സർക്കാർ ഇത്തവണയും നൽകുന്നത്.
മുൻകൂർ ശമ്പളം
ശമ്പളവും പെൻഷനും മുൻകൂറായി നൽകും. കരാർ, ദിവസ വേതനക്കാർ, സർക്കാർ വകുപ്പുകൾക്ക്‌ പുറത്ത്‌ നിയമിക്കപ്പെട്ടവർ തുടങ്ങി എല്ലാ വിഭാഗങ്ങൾക്കും 1200 രൂപ മുതൽ മുകളിലോട്ട്‌ ഉത്സവ ബത്ത ലഭിക്കും. പൊതുമേഖലയിൽ ബോണസിന് അർഹത ഇല്ലാത്തവർക്ക്‌ 2750 രൂപയാണ് കഴിഞ്ഞവർഷം ഉത്സവ ബത്ത ലഭിച്ചത്‌. ഓണം അഡ്വാൻസായി 15,000 രൂപ വരെ അനുവദിക്കും. ഗഡുക്കളായി തിരിച്ചടയ്‌ക്കേണ്ട തുകയാണിത്‌.
രണ്ട് മാസത്തെ ശമ്പളം
ഓണത്തോട് അനുബന്ധിച്ച് ഓഗസ്‌റ്റിലെ ശമ്പളവും സെപ്‌തംബറിലെ പെൻഷനും മുൻകൂറായി നൽകും. 24, 25, 26 തീയതികളിൽ വിതരണം പൂർത്തിയാക്കാനാണ് തീരുമാനം.
ഓണക്കിറ്റ്
ഇതിനു പുറമേയാണ് സൗജന്യ ഓണക്കിറ്റ് വിതരണം. ഓണത്തോടനുബന്ധിച്ച് സൌജന്യ ഓണക്കിറ്റുകൾ റേഷൻ കാർഡ് ഉടമകൾക്ക് വിതരണം ചെയ്തു തുടങ്ങി. അഞ്ഞൂറ് രൂപയോളം വിലയുള്ള 11 ഇനം പലവ്യഞ്ജനങ്ങളാണ് കിറ്റിലുള്ളത്. ഇവയുടെ ഗുണനിലവാരവും തൂക്കവും പരിശോധിച്ചാണ് കിറ്റുകൾ വിതരണം ചെയ്യുന്നത്. സപ്ലൈക്കോ വിവിധ കേന്ദ്രങ്ങളിൽ പാക്ക് ചെയ്യുന്ന കിറ്റുകൾ റേഷൻ കട വഴിയാണ് വിതരണം ചെയ്യുന്നത്.
