Click it and Unblock the Notifications
ബെഞ്ച്മാർക്ക് സൂചികകൾ ഇന്ന് റെക്കോർഡ് നേട്ടത്തിൽ ക്ലോസ് ചെയ്തു. ബാങ്ക്, എഫ്എംസിജി, ഐടി ഓഹരികളാണ് ഇന്നത്തെ നേട്ടത്തിൽ പ്രധാന പങ്കുവഹിച്ചത്. സെൻസെക്സ് 494.99 പോയിൻറ് അഥവാ 1.09 ശതമാനം ഉയർന്ന് 46103.50 ൽ എത്തി. നിഫ്റ്റി 136.10 പോയിന്റ് അഥവാ 1.02 ശതമാനം ഉയർന്ന് 13529.10 ൽ എത്തി. 1604 ഓഹരികൾ ഇന്ന് മുന്നേറിയപ്പോൾ 1103 ഓഹരികൾ ഇടിഞ്ഞു. 133 ഓഹരികൾ മാറ്റമില്ലാതെ തുടർന്നു.
യുപിഎൽ, ഏഷ്യൻ പെയിന്റ്സ്, ഐഒസി, കൊട്ടക് മഹീന്ദ്ര ബാങ്ക്, എച്ച്ഡിഎഫ്സി ബാങ്ക് എന്നിവ നിഫ്റ്റിയിൽ മികച്ച നേട്ടമുണ്ടാക്കിയപ്പോൾ ഹിൻഡാൽകോ, ശ്രീ സിമൻറ്സ്, അൾട്രാടെക് സിമൻറ്, വിപ്രോ, ഗ്രാസിം എന്നിവയ്ക്കാണ് നഷ്ടം നേരിട്ടത്. മേഖല സൂചികകളിൽ നിഫ്റ്റി ബാങ്ക് സൂചിക 1.5 ശതമാനം ഉയർന്നപ്പോൾ മെറ്റൽ, പിഎസ്യു ബാങ്ക് സൂചികകൾ താഴ്ന്നു. ബിഎസ്ഇ മിഡ്ക്യാപ്പും സ്മോൾകാപ്പും ഇന്ന് നേട്ടത്തിൽ ക്ലോസ് ചെയ്തു.
ആഗോളതലത്തിൽ, കൊവിഡ്-19 വാക്സിനുകളെക്കുറിച്ചുള്ള പോസിറ്റീവ് വാർത്തകൾ വന്നതോടെ വിപണികളിലും നേട്ടങ്ങൾ കണ്ടു തുടങ്ങി. ആഗോള സൂചകങ്ങളെ തുടർന്നാണ് ഇന്ന് ആഭ്യന്തര വിപണിയിലും നേട്ടം രേഖപ്പെടുത്തിയത്. കഴിഞ്ഞ ആഴ്ചയിൽ നിഫ്റ്റി രണ്ട് ശതമാനം നേട്ടം കൈവരിച്ചിരുന്നു.
Sign in with Google